ఋణ విమోచన అఙ్గారక (మఙ్గల) స్తోత్రమ్

ఋణ విమోచన అఙ్గారక (మఙ్గల) స్తోత్రమ్

శ్లోక 1

స్కన్ద ఉవాచ ।

ఋణగ్రస్తనరాణాం తు ఋణముక్తిః కథం భవేత్ ।

బ్రహ్మోవాచ ।

వక్ష్యేఽహం సర్వలోకానాం హితార్థం హితకామదమ్ ॥

అస్య శ్రీ అఙ్గారక స్తోత్ర మహామన్త్రస్య గౌతమ ఋషిః, అనుష్టుప్ ఛన్దః, అఙ్గారకో దేవతా మమ ఋణ విమోచనార్థే జపే వినియోగః ।

ధ్యానమ్ –

ధరణీ గర్భ సమ్భూతం విద్యుత్కాన్తి సమప్రభమ్ ।

కుమారం శక్తిహస్తం తం కుజం ప్రణమామ్యహమ్

శ్లోక 2

రక్తమాల్యామ్బరధరః శూలశక్తిగదాధరః ।

చతుర్భుజో మేషగతో వరదశ్చ ధరాసుతః

॥ 1 ॥

శ్లోక 3

అథ స్తోత్రమ్ –

మఙ్గలో భూమిపుత్రశ్చ ఋణహర్తా ధనప్రదః ।

స్థిరాసనో మహాకాయః సర్వకర్మావబోధకః

॥ 2 ॥

శ్లోక 4

లోహితో లోహితాఙ్గశ్చ సామగాయీ కృపాకరః ।

ధర్మరాజః కుజో భౌమో భూమిజో భూమినన్దనః

॥ 3 ॥

శ్లోక 5

అఙ్గారకో యమశ్చైవ సర్వరోగాపహారకః ।

సృష్టికర్తాఽపహర్తా చ సర్వకామఫలప్రదః

॥ 4 ॥

శ్లోక 6

భూతిదో గ్రహపూజ్యశ్చ వక్త్రో రక్తవపుః ప్రభుః ।

ఏతాని కుజనామాని యో నిత్యం ప్రయతః పఠేత్ ।

ఋణం న జాయతే తస్య ధనం ప్రాప్నోత్యసంశయమ్

॥ 5 ॥

శ్లోక 7

రక్తపుష్పైశ్చ గన్ధైశ్చ దీపధూపాదిభిస్తథా ।

మఙ్గలం పూజయిత్వా తు మఙ్గలేఽహని సర్వదా

॥ 6 ॥

శ్లోక 8

ఋణరేఖాః ప్రకర్తవ్యాః దగ్ధాఙ్గారైస్తదగ్రతః ।

సప్తవింశతినామాని పఠిత్వా తు తదన్తికే

॥ 7 ॥

శ్లోక 9

తాశ్చ ప్రమార్జయేత్పశ్చాద్వామపాదేన సంస్పృశన్ ।

ఏవం కృత్వా న సన్దేహో ఋణహీనో ధనీ భవేత్

॥ 8 ॥

శ్లోక 10

భూమిజస్య ప్రసాదేన గ్రహపీడా వినశ్యతి ।

యేనార్జితా జగత్కీర్తిర్భూమిపుత్రేణ శాశ్వతీ

॥ 9 ॥

శ్లోక 11

శత్రవశ్చ హతా యేన భౌమేన మహితాత్మనా ।

స ప్రీయతాం తు భౌమోఽద్య తుష్టో భూయాత్ సదా మమ

॥ 10 ॥

శ్లోక 12

మూలమన్త్రః –

అఙ్గారక మహీపుత్ర భగవన్ భక్తవత్సల ।

నమోఽస్తు తే మమాశేష ఋణమాశు విమోచయ

॥ 11 ॥

శ్లోక 13

అర్ఘ్యమ్ –

భూమిపుత్ర మహాతేజః స్వేదోద్భవ పినాకినః ।

ఋణార్తస్త్వాం ప్రపన్నోఽస్మి గృహాణార్ఘ్యం నమోఽస్తు తే

॥ 12 ॥

శ్లోక 14

ఇతి ఋణ విమోచన అఙ్గారక స్తోత్రమ్ ॥