ഋണ വിമോചന അങ്ഗാരക (മങ്ഗല) സ്തോത്രമ്

ഋണ വിമോചന അങ്ഗാരക (മങ്ഗല) സ്തോത്രമ്

ശ്ലോക 1

സ്കന്ദ ഉവാച ।

ഋണഗ്രസ്തനരാണാം തു ഋണമുക്തിഃ കഥം ഭവേത് ।

ബ്രഹ്മോവാച ।

വക്ഷ്യേഽഹം സര്വലോകാനാം ഹിതാര്ഥം ഹിതകാമദമ് ॥

അസ്യ ശ്രീ അങ്ഗാരക സ്തോത്ര മഹാമന്ത്രസ്യ ഗൌതമ ഋഷിഃ, അനുഷ്ടുപ് ഛന്ദഃ, അങ്ഗാരകോ ദേവതാ മമ ഋണ വിമോചനാര്ഥേ ജപേ വിനിയോഗഃ ।

ധ്യാനമ് –

ധരണീ ഗര്ഭ സമ്ഭൂതം വിദ്യുത്കാന്തി സമപ്രഭമ് ।

കുമാരം ശക്തിഹസ്തം തം കുജം പ്രണമാമ്യഹമ്

ശ്ലോക 2

രക്തമാല്യാമ്ബരധരഃ ശൂലശക്തിഗദാധരഃ ।

ചതുര്ഭുജോ മേഷഗതോ വരദശ്ച ധരാസുതഃ

॥ 1 ॥

ശ്ലോക 3

അഥ സ്തോത്രമ് –

മങ്ഗലോ ഭൂമിപുത്രശ്ച ഋണഹര്താ ധനപ്രദഃ ।

സ്ഥിരാസനോ മഹാകായഃ സര്വകര്മാവബോധകഃ

॥ 2 ॥

ശ്ലോക 4

ലോഹിതോ ലോഹിതാങ്ഗശ്ച സാമഗായീ കൃപാകരഃ ।

ധര്മരാജഃ കുജോ ഭൌമോ ഭൂമിജോ ഭൂമിനന്ദനഃ

॥ 3 ॥

ശ്ലോക 5

അങ്ഗാരകോ യമശ്ചൈവ സര്വരോഗാപഹാരകഃ ।

സൃഷ്ടികര്താഽപഹര്താ ച സര്വകാമഫലപ്രദഃ

॥ 4 ॥

ശ്ലോക 6

ഭൂതിദോ ഗ്രഹപൂജ്യശ്ച വക്ത്രോ രക്തവപുഃ പ്രഭുഃ ।

ഏതാനി കുജനാമാനി യോ നിത്യം പ്രയതഃ പഠേത് ।

ഋണം ന ജായതേ തസ്യ ധനം പ്രാപ്നോത്യസംശയമ്

॥ 5 ॥

ശ്ലോക 7

രക്തപുഷ്പൈശ്ച ഗന്ധൈശ്ച ദീപധൂപാദിഭിസ്തഥാ ।

മങ്ഗലം പൂജയിത്വാ തു മങ്ഗലേഽഹനി സര്വദാ

॥ 6 ॥

ശ്ലോക 8

ഋണരേഖാഃ പ്രകര്തവ്യാഃ ദഗ്ധാങ്ഗാരൈസ്തദഗ്രതഃ ।

സപ്തവിംശതിനാമാനി പഠിത്വാ തു തദന്തികേ

॥ 7 ॥

ശ്ലോക 9

താശ്ച പ്രമാര്ജയേത്പശ്ചാദ്വാമപാദേന സംസ്പൃശന് ।

ഏവം കൃത്വാ ന സന്ദേഹോ ഋണഹീനോ ധനീ ഭവേത്

॥ 8 ॥

ശ്ലോക 10

ഭൂമിജസ്യ പ്രസാദേന ഗ്രഹപീഡാ വിനശ്യതി ।

യേനാര്ജിതാ ജഗത്കീര്തിര്ഭൂമിപുത്രേണ ശാശ്വതീ

॥ 9 ॥

ശ്ലോക 11

ശത്രവശ്ച ഹതാ യേന ഭൌമേന മഹിതാത്മനാ ।

സ പ്രീയതാം തു ഭൌമോഽദ്യ തുഷ്ടോ ഭൂയാത് സദാ മമ

॥ 10 ॥

ശ്ലോക 12

മൂലമന്ത്രഃ –

അങ്ഗാരക മഹീപുത്ര ഭഗവന് ഭക്തവത്സല ।

നമോഽസ്തു തേ മമാശേഷ ഋണമാശു വിമോചയ

॥ 11 ॥

ശ്ലോക 13

അര്ഘ്യമ് –

ഭൂമിപുത്ര മഹാതേജഃ സ്വേദോദ്ഭവ പിനാകിനഃ ।

ഋണാര്തസ്ത്വാം പ്രപന്നോഽസ്മി ഗൃഹാണാര്ഘ്യം നമോഽസ്തു തേ

॥ 12 ॥

ശ്ലോക 14

ഇതി ഋണ വിമോചന അങ്ഗാരക സ്തോത്രമ് ॥