ઋણ વિમોચન અઙ્ગારક (મઙ્ગલ) સ્તોત્રમ્

ઋણ વિમોચન અઙ્ગારક (મઙ્ગલ) સ્તોત્રમ્

શ્લોક 1

સ્કન્દ ઉવાચ ।

ઋણગ્રસ્તનરાણાં તુ ઋણમુક્તિઃ કથં ભવેત્ ।

બ્રહ્મોવાચ ।

વક્ષ્યેઽહં સર્વલોકાનાં હિતાર્થં હિતકામદમ્ ॥

અસ્ય શ્રી અઙ્ગારક સ્તોત્ર મહામન્ત્રસ્ય ગૌતમ ઋષિઃ, અનુષ્ટુપ્ છન્દઃ, અઙ્ગારકો દેવતા મમ ઋણ વિમોચનાર્થે જપે વિનિયોગઃ ।

ધ્યાનમ્ –

ધરણી ગર્ભ સમ્ભૂતં વિદ્યુત્કાન્તિ સમપ્રભમ્ ।

કુમારં શક્તિહસ્તં તં કુજં પ્રણમામ્યહમ્

શ્લોક 2

રક્તમાલ્યામ્બરધરઃ શૂલશક્તિગદાધરઃ ।

ચતુર્ભુજો મેષગતો વરદશ્ચ ધરાસુતઃ

॥ 1 ॥

શ્લોક 3

અથ સ્તોત્રમ્ –

મઙ્ગલો ભૂમિપુત્રશ્ચ ઋણહર્તા ધનપ્રદઃ ।

સ્થિરાસનો મહાકાયઃ સર્વકર્માવબોધકઃ

॥ 2 ॥

શ્લોક 4

લોહિતો લોહિતાઙ્ગશ્ચ સામગાયી કૃપાકરઃ ।

ધર્મરાજઃ કુજો ભૌમો ભૂમિજો ભૂમિનન્દનઃ

॥ 3 ॥

શ્લોક 5

અઙ્ગારકો યમશ્ચૈવ સર્વરોગાપહારકઃ ।

સૃષ્ટિકર્તાઽપહર્તા ચ સર્વકામફલપ્રદઃ

॥ 4 ॥

શ્લોક 6

ભૂતિદો ગ્રહપૂજ્યશ્ચ વક્ત્રો રક્તવપુઃ પ્રભુઃ ।

એતાનિ કુજનામાનિ યો નિત્યં પ્રયતઃ પઠેત્ ।

ઋણં ન જાયતે તસ્ય ધનં પ્રાપ્નોત્યસંશયમ્

॥ 5 ॥

શ્લોક 7

રક્તપુષ્પૈશ્ચ ગન્ધૈશ્ચ દીપધૂપાદિભિસ્તથા ।

મઙ્ગલં પૂજયિત્વા તુ મઙ્ગલેઽહનિ સર્વદા

॥ 6 ॥

શ્લોક 8

ઋણરેખાઃ પ્રકર્તવ્યાઃ દગ્ધાઙ્ગારૈસ્તદગ્રતઃ ।

સપ્તવિંશતિનામાનિ પઠિત્વા તુ તદન્તિકે

॥ 7 ॥

શ્લોક 9

તાશ્ચ પ્રમાર્જયેત્પશ્ચાદ્વામપાદેન સંસ્પૃશન્ ।

એવં કૃત્વા ન સન્દેહો ઋણહીનો ધની ભવેત્

॥ 8 ॥

શ્લોક 10

ભૂમિજસ્ય પ્રસાદેન ગ્રહપીડા વિનશ્યતિ ।

યેનાર્જિતા જગત્કીર્તિર્ભૂમિપુત્રેણ શાશ્વતી

॥ 9 ॥

શ્લોક 11

શત્રવશ્ચ હતા યેન ભૌમેન મહિતાત્મના ।

સ પ્રીયતાં તુ ભૌમોઽદ્ય તુષ્ટો ભૂયાત્ સદા મમ

॥ 10 ॥

શ્લોક 12

મૂલમન્ત્રઃ –

અઙ્ગારક મહીપુત્ર ભગવન્ ભક્તવત્સલ ।

નમોઽસ્તુ તે મમાશેષ ઋણમાશુ વિમોચય

॥ 11 ॥

શ્લોક 13

અર્ઘ્યમ્ –

ભૂમિપુત્ર મહાતેજઃ સ્વેદોદ્ભવ પિનાકિનઃ ।

ઋણાર્તસ્ત્વાં પ્રપન્નોઽસ્મિ ગૃહાણાર્ઘ્યં નમોઽસ્તુ તે

॥ 12 ॥

શ્લોક 14

ઇતિ ઋણ વિમોચન અઙ્ગારક સ્તોત્રમ્ ॥