రుద్రాష్టకమ్

రుద్రాష్టకమ్

శ్లోక 1

నమామీశమీశాన నిర్వాణరూపం

విభుం వ్యాపకం బ్రహ్మవేద-స్వరూపమ్ ।

నిజం నిర్గుణం నిర్వికల్పం నిరీహం

చిదాకాశ-మాకాశవాసం భజేఽహమ్

శ్లోక 2

నిరాకారమోఙ్కారమూలం తురీయం

గిరాజ్ఞానగోతీతమీశం గిరీశమ్ ।

కరాలం మహాకాలకాలం కృపాలుం

గుణాగార-సంసారపారం నతోఽహమ్

॥ 1 ॥

శ్లోక 3

తుషారాద్రి-సఙ్కాశగౌరం గభీరం

మనోభూతకోటి-ప్రభాసీ శరీరమ్ ।

స్ఫురన్మౌలికల్లోలినీ చారుగఙ్గా

లసద్భాల-బాలేన్దు కణ్ఠే భుజఙ్గమ్

॥ 2 ॥

శ్లోక 4

చలత్కుణ్డలం శుభ్రనేత్రం విశాలం [భౄసునేత్రం విశాలం]

ప్రసన్నాననం నీలకణ్ఠం దయాలుమ్ ।

మృగాధీశ-చర్మామ్బరం ముణ్డమాలం

ప్రియం శఙ్కరం సర్వనాథం భజామి

॥ 3 ॥

శ్లోక 5

ప్రచణ్డం ప్రకృష్టం ప్రగల్భం పరేశం

అఖణ్డం భజే భానుకోటిప్రకాశమ్ ।

త్రయీ-శూల-నిర్మూలనం శూలపాణిం

భజేఽహం భవానీపతిం భావగమ్యమ్

॥ 4 ॥

శ్లోక 6

కలాతీత-కల్యాణ-కల్పాన్తకారీ

సదా సజ్జనానన్ద-దాతా పురారీ ।

చిదానన్ద సన్దోహమోహాపహారీ

ప్రసీద ప్రసీద ప్రభో మన్మథారీ

॥ 5 ॥

శ్లోక 7

న యావదుమానాథ-పాదారవిన్దం

భజన్తీహ లోకే పరే వా నరాణామ్ ।

న తావత్సుఖం శాన్తి సన్తాపనాశం

ప్రసీద ప్రభో సర్వభూతాధివాసమ్

॥ 6 ॥

శ్లోక 8

న జానామి యోగం జపం నైవ పూజాం

నతోఽహం సదా సర్వదా దేవ తుభ్యమ్ ।

జరా-జన్మ-దుఃఖౌఘతాతప్యమానం

ప్రభో పాహి శాపాన్నమామీశ శమ్భో

॥ 7 ॥

శ్లోక 9

రుద్రాష్టకమిదం ప్రోక్తం విప్రేణ హరతుష్టయే ।

యే పఠన్తి నరా భక్త్యా తేషాం శమ్భుః ప్రసీదతి

॥ 8 ॥

శ్లోక 10

॥ ఇతి శ్రీరామచరితమానసే ఉత్తరకాణ్డే శ్రీగోస్వామి తులసీదాసకృతం

శ్రీరుద్రాష్టకం సమ్పూర్ణమ్ ॥