രുദ്രാഷ്ടകമ്

രുദ്രാഷ്ടകമ്

ശ്ലോക 1

നമാമീശമീശാന നിര്വാണരൂപം

വിഭും വ്യാപകം ബ്രഹ്മവേദ-സ്വരൂപമ് ।

നിജം നിര്ഗുണം നിര്വികല്പം നിരീഹം

ചിദാകാശ-മാകാശവാസം ഭജേഽഹമ്

ശ്ലോക 2

നിരാകാരമോങ്കാരമൂലം തുരീയം

ഗിരാജ്ഞാനഗോതീതമീശം ഗിരീശമ് ।

കരാലം മഹാകാലകാലം കൃപാലും

ഗുണാഗാര-സംസാരപാരം നതോഽഹമ്

॥ 1 ॥

ശ്ലോക 3

തുഷാരാദ്രി-സങ്കാശഗൌരം ഗഭീരം

മനോഭൂതകോടി-പ്രഭാസീ ശരീരമ് ।

സ്ഫുരന്മൌലികല്ലോലിനീ ചാരുഗങ്ഗാ

ലസദ്ഭാല-ബാലേന്ദു കണ്ഠേ ഭുജങ്ഗമ്

॥ 2 ॥

ശ്ലോക 4

ചലത്കുണ്ഡലം ശുഭ്രനേത്രം വിശാലം [ഭൄസുനേത്രം വിശാലം]

പ്രസന്നാനനം നീലകണ്ഠം ദയാലുമ് ।

മൃഗാധീശ-ചര്മാമ്ബരം മുണ്ഡമാലം

പ്രിയം ശങ്കരം സര്വനാഥം ഭജാമി

॥ 3 ॥

ശ്ലോക 5

പ്രചണ്ഡം പ്രകൃഷ്ടം പ്രഗല്ഭം പരേശം

അഖണ്ഡം ഭജേ ഭാനുകോടിപ്രകാശമ് ।

ത്രയീ-ശൂല-നിര്മൂലനം ശൂലപാണിം

ഭജേഽഹം ഭവാനീപതിം ഭാവഗമ്യമ്

॥ 4 ॥

ശ്ലോക 6

കലാതീത-കല്യാണ-കല്പാന്തകാരീ

സദാ സജ്ജനാനന്ദ-ദാതാ പുരാരീ ।

ചിദാനന്ദ സന്ദോഹമോഹാപഹാരീ

പ്രസീദ പ്രസീദ പ്രഭോ മന്മഥാരീ

॥ 5 ॥

ശ്ലോക 7

ന യാവദുമാനാഥ-പാദാരവിന്ദം

ഭജന്തീഹ ലോകേ പരേ വാ നരാണാമ് ।

ന താവത്സുഖം ശാന്തി സന്താപനാശം

പ്രസീദ പ്രഭോ സര്വഭൂതാധിവാസമ്

॥ 6 ॥

ശ്ലോക 8

ന ജാനാമി യോഗം ജപം നൈവ പൂജാം

നതോഽഹം സദാ സര്വദാ ദേവ തുഭ്യമ് ।

ജരാ-ജന്മ-ദുഃഖൌഘതാതപ്യമാനം

പ്രഭോ പാഹി ശാപാന്നമാമീശ ശമ്ഭോ

॥ 7 ॥

ശ്ലോക 9

രുദ്രാഷ്ടകമിദം പ്രോക്തം വിപ്രേണ ഹരതുഷ്ടയേ ।

യേ പഠന്തി നരാ ഭക്ത്യാ തേഷാം ശമ്ഭുഃ പ്രസീദതി

॥ 8 ॥

ശ്ലോക 10

॥ ഇതി ശ്രീരാമചരിതമാനസേ ഉത്തരകാണ്ഡേ ശ്രീഗോസ്വാമി തുലസീദാസകൃതം

ശ്രീരുദ്രാഷ്ടകം സമ്പൂര്ണമ് ॥