ರುದ್ರಾಷ್ಟಕಮ್

ರುದ್ರಾಷ್ಟಕಮ್

ಶ್ಲೋಕ 1

ನಮಾಮೀಶಮೀಶಾನ ನಿರ್ವಾಣರೂಪಂ

ವಿಭುಂ ವ್ಯಾಪಕಂ ಬ್ರಹ್ಮವೇದ-ಸ್ವರೂಪಮ್ ।

ನಿಜಂ ನಿರ್ಗುಣಂ ನಿರ್ವಿಕಲ್ಪಂ ನಿರೀಹಂ

ಚಿದಾಕಾಶ-ಮಾಕಾಶವಾಸಂ ಭಜೇಽಹಮ್

ಶ್ಲೋಕ 2

ನಿರಾಕಾರಮೋಙ್ಕಾರಮೂಲಂ ತುರೀಯಂ

ಗಿರಾಜ್ಞಾನಗೋತೀತಮೀಶಂ ಗಿರೀಶಮ್ ।

ಕರಾಲಂ ಮಹಾಕಾಲಕಾಲಂ ಕೃಪಾಲುಂ

ಗುಣಾಗಾರ-ಸಂಸಾರಪಾರಂ ನತೋಽಹಮ್

॥ 1 ॥

ಶ್ಲೋಕ 3

ತುಷಾರಾದ್ರಿ-ಸಙ್ಕಾಶಗೌರಂ ಗಭೀರಂ

ಮನೋಭೂತಕೋಟಿ-ಪ್ರಭಾಸೀ ಶರೀರಮ್ ।

ಸ್ಫುರನ್ಮೌಲಿಕಲ್ಲೋಲಿನೀ ಚಾರುಗಙ್ಗಾ

ಲಸದ್ಭಾಲ-ಬಾಲೇನ್ದು ಕಣ್ಠೇ ಭುಜಙ್ಗಮ್

॥ 2 ॥

ಶ್ಲೋಕ 4

ಚಲತ್ಕುಣ್ಡಲಂ ಶುಭ್ರನೇತ್ರಂ ವಿಶಾಲಂ [ಭೄಸುನೇತ್ರಂ ವಿಶಾಲಂ]

ಪ್ರಸನ್ನಾನನಂ ನೀಲಕಣ್ಠಂ ದಯಾಲುಮ್ ।

ಮೃಗಾಧೀಶ-ಚರ್ಮಾಮ್ಬರಂ ಮುಣ್ಡಮಾಲಂ

ಪ್ರಿಯಂ ಶಙ್ಕರಂ ಸರ್ವನಾಥಂ ಭಜಾಮಿ

॥ 3 ॥

ಶ್ಲೋಕ 5

ಪ್ರಚಣ್ಡಂ ಪ್ರಕೃಷ್ಟಂ ಪ್ರಗಲ್ಭಂ ಪರೇಶಂ

ಅಖಣ್ಡಂ ಭಜೇ ಭಾನುಕೋಟಿಪ್ರಕಾಶಮ್ ।

ತ್ರಯೀ-ಶೂಲ-ನಿರ್ಮೂಲನಂ ಶೂಲಪಾಣಿಂ

ಭಜೇಽಹಂ ಭವಾನೀಪತಿಂ ಭಾವಗಮ್ಯಮ್

॥ 4 ॥

ಶ್ಲೋಕ 6

ಕಲಾತೀತ-ಕಲ್ಯಾಣ-ಕಲ್ಪಾನ್ತಕಾರೀ

ಸದಾ ಸಜ್ಜನಾನನ್ದ-ದಾತಾ ಪುರಾರೀ ।

ಚಿದಾನನ್ದ ಸನ್ದೋಹಮೋಹಾಪಹಾರೀ

ಪ್ರಸೀದ ಪ್ರಸೀದ ಪ್ರಭೋ ಮನ್ಮಥಾರೀ

॥ 5 ॥

ಶ್ಲೋಕ 7

ನ ಯಾವದುಮಾನಾಥ-ಪಾದಾರವಿನ್ದಂ

ಭಜನ್ತೀಹ ಲೋಕೇ ಪರೇ ವಾ ನರಾಣಾಮ್ ।

ನ ತಾವತ್ಸುಖಂ ಶಾನ್ತಿ ಸನ್ತಾಪನಾಶಂ

ಪ್ರಸೀದ ಪ್ರಭೋ ಸರ್ವಭೂತಾಧಿವಾಸಮ್

॥ 6 ॥

ಶ್ಲೋಕ 8

ನ ಜಾನಾಮಿ ಯೋಗಂ ಜಪಂ ನೈವ ಪೂಜಾಂ

ನತೋಽಹಂ ಸದಾ ಸರ್ವದಾ ದೇವ ತುಭ್ಯಮ್ ।

ಜರಾ-ಜನ್ಮ-ದುಃಖೌಘತಾತಪ್ಯಮಾನಂ

ಪ್ರಭೋ ಪಾಹಿ ಶಾಪಾನ್ನಮಾಮೀಶ ಶಮ್ಭೋ

॥ 7 ॥

ಶ್ಲೋಕ 9

ರುದ್ರಾಷ್ಟಕಮಿದಂ ಪ್ರೋಕ್ತಂ ವಿಪ್ರೇಣ ಹರತುಷ್ಟಯೇ ।

ಯೇ ಪಠನ್ತಿ ನರಾ ಭಕ್ತ್ಯಾ ತೇಷಾಂ ಶಮ್ಭುಃ ಪ್ರಸೀದತಿ

॥ 8 ॥

ಶ್ಲೋಕ 10

॥ ಇತಿ ಶ್ರೀರಾಮಚರಿತಮಾನಸೇ ಉತ್ತರಕಾಣ್ಡೇ ಶ್ರೀಗೋಸ್ವಾಮಿ ತುಲಸೀದಾಸಕೃತಂ

ಶ್ರೀರುದ್ರಾಷ್ಟಕಂ ಸಮ್ಪೂರ್ಣಮ್ ॥