રુદ્રાષ્ટકમ્

રુદ્રાષ્ટકમ્

શ્લોક 1

નમામીશમીશાન નિર્વાણરૂપં

વિભું વ્યાપકં બ્રહ્મવેદ-સ્વરૂપમ્ ।

નિજં નિર્ગુણં નિર્વિકલ્પં નિરીહં

ચિદાકાશ-માકાશવાસં ભજેઽહમ્

શ્લોક 2

નિરાકારમોઙ્કારમૂલં તુરીયં

ગિરાજ્ઞાનગોતીતમીશં ગિરીશમ્ ।

કરાલં મહાકાલકાલં કૃપાલું

ગુણાગાર-સંસારપારં નતોઽહમ્

॥ 1 ॥

શ્લોક 3

તુષારાદ્રિ-સઙ્કાશગૌરં ગભીરં

મનોભૂતકોટિ-પ્રભાસી શરીરમ્ ।

સ્ફુરન્મૌલિકલ્લોલિની ચારુગઙ્ગા

લસદ્ભાલ-બાલેન્દુ કણ્ઠે ભુજઙ્ગમ્

॥ 2 ॥

શ્લોક 4

ચલત્કુણ્ડલં શુભ્રનેત્રં વિશાલં [ભૄસુનેત્રં વિશાલં]

પ્રસન્નાનનં નીલકણ્ઠં દયાલુમ્ ।

મૃગાધીશ-ચર્મામ્બરં મુણ્ડમાલં

પ્રિયં શઙ્કરં સર્વનાથં ભજામિ

॥ 3 ॥

શ્લોક 5

પ્રચણ્ડં પ્રકૃષ્ટં પ્રગલ્ભં પરેશં

અખણ્ડં ભજે ભાનુકોટિપ્રકાશમ્ ।

ત્રયી-શૂલ-નિર્મૂલનં શૂલપાણિં

ભજેઽહં ભવાનીપતિં ભાવગમ્યમ્

॥ 4 ॥

શ્લોક 6

કલાતીત-કલ્યાણ-કલ્પાન્તકારી

સદા સજ્જનાનન્દ-દાતા પુરારી ।

ચિદાનન્દ સન્દોહમોહાપહારી

પ્રસીદ પ્રસીદ પ્રભો મન્મથારી

॥ 5 ॥

શ્લોક 7

ન યાવદુમાનાથ-પાદારવિન્દં

ભજન્તીહ લોકે પરે વા નરાણામ્ ।

ન તાવત્સુખં શાન્તિ સન્તાપનાશં

પ્રસીદ પ્રભો સર્વભૂતાધિવાસમ્

॥ 6 ॥

શ્લોક 8

ન જાનામિ યોગં જપં નૈવ પૂજાં

નતોઽહં સદા સર્વદા દેવ તુભ્યમ્ ।

જરા-જન્મ-દુઃખૌઘતાતપ્યમાનં

પ્રભો પાહિ શાપાન્નમામીશ શમ્ભો

॥ 7 ॥

શ્લોક 9

રુદ્રાષ્ટકમિદં પ્રોક્તં વિપ્રેણ હરતુષ્ટયે ।

યે પઠન્તિ નરા ભક્ત્યા તેષાં શમ્ભુઃ પ્રસીદતિ

॥ 8 ॥

શ્લોક 10

॥ ઇતિ શ્રીરામચરિતમાનસે ઉત્તરકાણ્ડે શ્રીગોસ્વામિ તુલસીદાસકૃતં

શ્રીરુદ્રાષ્ટકં સમ્પૂર્ણમ્ ॥