રઙ્ગનાથ અષ્ટકં

રઙ્ગનાથ અષ્ટકં

શ્લોક 1

આનન્દરૂપે નિજબોધરૂપે

બ્રહ્મસ્વરૂપે શ્રુતિમૂર્તિરૂપે ।

શશાઙ્કરૂપે રમણીયરૂપે

શ્રીરઙ્ગરૂપે રમતાં મનો મે

શ્લોક 2

કાવેરિતીરે કરુણાવિલોલે

મન્દારમૂલે ધૃતચારુકેલે ।

દૈત્યાન્તકાલેઽખિલલોકલીલે

શ્રીરઙ્ગલીલે રમતાં મનો મે

॥ 1 ॥

શ્લોક 3

લક્ષ્મીનિવાસે જગતાં નિવાસે

હૃત્પદ્મવાસે રવિબિમ્બવાસે ।

કૃપાનિવાસે ગુણબૃન્દવાસે

શ્રીરઙ્ગવાસે રમતાં મનો મે

॥ 2 ॥

શ્લોક 4

બ્રહ્માદિવન્દ્યે જગદેકવન્દ્યે

મુકુન્દવન્દ્યે સુરનાથવન્દ્યે ।

વ્યાસાદિવન્દ્યે સનકાદિવન્દ્યે

શ્રીરઙ્ગવન્દ્યે રમતાં મનો મે

॥ 3 ॥

શ્લોક 5

બ્રહ્માધિરાજે ગરુડાધિરાજે

વૈકુણ્ઠરાજે સુરરાજરાજે ।

ત્રૈલોક્યરાજેઽખિલલોકરાજે

શ્રીરઙ્ગરાજે રમતાં મનો મે

॥ 4 ॥

શ્લોક 6

અમોઘમુદ્રે પરિપૂર્ણનિદ્રે

શ્રીયોગનિદ્રે સસમુદ્રનિદ્રે ।

શ્રિતૈકભદ્રે જગદેકનિદ્રે

શ્રીરઙ્ગભદ્રે રમતાં મનો મે

॥ 5 ॥

શ્લોક 7

સચિત્રશાયી ભુજગેન્દ્રશાયી

નન્દાઙ્કશાયી કમલાઙ્કશાયી ।

ક્ષીરાબ્ધિશાયી વટપત્રશાયી

શ્રીરઙ્ગશાયી રમતાં મનો મે

॥ 6 ॥

શ્લોક 8

ઇદં હિ રઙ્ગં ત્યજતામિહાઙ્ગં

પુનર્ન ચાઙ્ગં યદિ ચાઙ્ગમેતિ ।

પાણૌ રથાઙ્ગં ચરણેઽમ્બુ ગાઙ્ગં

યાને વિહઙ્ગં શયને ભુજઙ્ગમ્

॥ 7 ॥

શ્લોક 9

રઙ્ગનાથાષ્ટકં પુણ્યં પ્રાતરુત્થાય યઃ પઠેત્ ।

સર્વાન્કામાનવાપ્નોતિ રઙ્ગિસાયુજ્યમાપ્નુયાત્

॥ 8 ॥

શ્લોક 10

ઇતિ શ્રી રઙ્ગનાથાષ્ટકમ્ ।