Rama Raksha Stotram

ශ්රී රාම රක්ෂා ස්තෝත්රම්

ශ්ලොක 1

ඕං අස්ය ශ්රී රාමරක්ෂා ස්තෝත්රමන්ත්රස්ය

බුධකෞශික ඍෂිඃ

ශ්රී සීතාරාම චන්ද්රෝදේවතා

අනුෂ්ටුප් ඡන්දඃ

සීතා ශක්තිඃ

ශ්රීමද් හනුමාන් කීලකම්

ශ්රීරාමචන්ද්ර ප්රීත්යර්ථේ රාමරක්ෂා ස්තෝත්රජපේ විනියෝගඃ ..

ධ්යානම්

ධ්යායේදාජානුබාහුං ධෘතශර ධනුෂං බද්ධ පද්මාසනස්ථං

පීතං වාසෝවසානං නවකමල දලස්පර්ථි නේත්රං ප්රසන්නම් .

වාමාඞ්කාරූඪ සීතාමුඛ කමලමිලල්ලෝචනං නීරදාභං

නානාලඞ්කාර දීප්තං දධතමුරු ජටාමණ්ඩලං රාමචන්ද්රම් ..

ස්තෝත්රම්

චරිතං රඝුනාථස්ය ශතකෝටි ප්රවිස්තරම් .

ඒකෛකමක්ෂරං පුංසාං මහාපාතක නාශනම් .. 1 ..

ධ්යාත්වා නීලෝත්පල ශ්යාමං රාමං රාජීවලෝචනම් .

ජානකී ලක්ෂ්මණෝපේතං ජටාමුකුට මණ්ඩිතම් .. 2 ..

සාසිතූණ ධනුර්බාණ පාණිං නක්තං චරාන්තකම් .

ස්වලීලයා ජගත්ත්රාතු මාවිර්භූතමජං විභුම් .. 3 ..

රාමරක්ෂාං පඨේත්ප්රාජ්ඤඃ පාපඝ්නීං සර්වකාමදාම් .

ශිරෝ මේ රාඝවඃ පාතු ඵාලං (භාලං) දශරථාත්මජඃ .. 4 ..

කෞසල්යේයෝ දෘශෞපාතු විශ්වාමිත්රප්රියඃ ශෘතී .

ඝ්රාණං පාතු මඛත්රාතා මුඛං සෞමිත්රිවත්සලඃ .. 5 ..

ජිහ්වාං විද්යානිධිඃ පාතු කණ්ඨං භරතවන්දිතඃ .

ස්කන්ධෞ දිව්යායුධඃ පාතු භුජෞ භග්නේශකාර්මුකඃ .. 6 ..

කරෞ සීතාපතිඃ පාතු හෘදයං ජාමදග්න්යජිත් .

මධ්යං පාතු ඛරධ්වංසී නාභිං ජාම්බවදාශ්රයඃ .. 7 ..

සුග්රීවේශඃ කටිං පාතු සක්ථිනී හනුමත්-ප්රභුඃ .

ඌරූ රඝූත්තමඃ පාතු රක්ෂඃකුල විනාශකෘත් .. 8 ..

ජානුනී සේතුකෘත්-පාතු ජඞ්ඝේ දශමුඛාන්තකඃ .

පාදෞ විභීෂණශ්රීදඃ පාතු රාමෝ(අ)ඛිලං වපුඃ .. 9 ..

ඒතාං රාමබලෝපේතාං රක්ෂාං යඃ සුකෘතී පඨේත් .

ස චිරායුඃ සුඛී පුත්රී විජයී විනයී භවේත් .. 10 ..

පාතාල-භූතල-ව්යෝම-චාරිණ-ශ්චද්ම-චාරිණඃ .

න ද්රෂ්ටුමපි ශක්තාස්තේ රක්ෂිතං රාමනාමභිඃ .. 11 ..

රාමේති රාමභද්රේති රාමචන්ද්රේති වා ස්මරන් .

නරෝ න ලිප්යතේ පාපෛර්භුක්තිං මුක්තිං ච වින්දති .. 12 ..

ජගජ්ජෛත්රෛක මන්ත්රේණ රාමනාම්නාභි රක්ෂිතම් .

යඃ කණ්ඨේ ධාරයේත්තස්ය කරස්ථාඃ සර්වසිද්ධයඃ .. 13 ..

වජ්රපඤ්ජර නාමේදං යෝ රාමකවචං ස්මරේත් .

අව්යාහතාජ්ඤඃ සර්වත්ර ලභතේ ජයමඞ්ගලම් .. 14 ..

ආදිෂ්ටවාන්-යථා ස්වප්නේ රාමරක්ෂාමිමාං හරඃ .

තථා ලිඛිතවාන්-ප්රාතඃ ප්රබුද්ධෞ බුධකෞශිකඃ .. 15 ..

ආරාමඃ කල්පවෘක්ෂාණාං විරාමඃ සකලාපදාම් .

අභිරාම-ස්ත්රිලෝකානාං රාමඃ ශ්රීමාන් ස නඃ ප්රභුඃ .. 16 ..

තරුණෞ රූපසම්පන්නෞ සුකුමාරෞ මහාබලෞ .

පුණ්ඩරීක විශාලාක්ෂෞ චීරකෘෂ්ණාජිනාම්බරෞ .. 17 ..

ඵලමූලාශිනෞ දාන්තෞ තාපසෞ බ්රහ්මචාරිණෞ .

පුත්රෞ දශරථස්යෛතෞ භ්රාතරෞ රාමලක්ෂ්මණෞ .. 18 ..

ශරණ්යෞ සර්වසත්ත්වානාං ශ්රේෂ්ඨෞ සර්වධනුෂ්මතාම් .

රක්ෂඃකුල නිහන්තාරෞ ත්රායේතාං නෝ රඝූත්තමෞ .. 19 ..

ආත්ත සජ්ය ධනුෂා විෂුස්පෘශා වක්ෂයාශුග නිෂඞ්ග සඞ්ගිනෞ .

රක්ෂණාය මම රාමලක්ෂණාවග්රතඃ පථි සදෛව ගච්ඡතාම් .. 20 ..

සන්නද්ධඃ කවචී ඛඩ්ගී චාපබාණධරෝ යුවා .

ගච්ඡන් මනෝරථාන්නශ්ච (මනෝරථෝ(අ)ස්මාකං) රාමඃ පාතු ස ලක්ෂ්මණඃ .. 21 ..

රාමෝ දාශරථි ශ්ශූරෝ ලක්ෂ්මණානුචරෝ බලී .

කාකුත්සඃ පුරුෂඃ පූර්ණඃ කෞසල්යේයෝ රඝූත්තමඃ .. 22 ..

වේදාන්තවේද්යෝ යජ්ඤේශඃ පුරාණ පුරුෂෝත්තමඃ .

ජානකීවල්ලභඃ ශ්රීමානප්රමේය පරාක්රමඃ .. 23 ..

ඉත්යේතානි ජපේන්නිත්යං මද්භක්තඃ ශ්රද්ධයාන්විතඃ .

අශ්වමේධාධිකං පුණ්යං සම්ප්රාප්නෝති න සංශයඃ .. 24 ..

රාමං දූර්වාදල ශ්යාමං පද්මාක්ෂං පීතවාසසම් .

ස්තුවන්ති නාමභි-ර්දිව්යෛර්න තේ සංසාරිණෝ නරාඃ .. 25 ..

රාමං ලක්ෂ්මණ පූර්වජං රඝුවරං සීතාපතිං සුන්දරම්

කාකුත්ස්ථං කරුණාර්ණවං ගුණනිධිං විප්රප්රියං ධාර්මිකම් .

රාජේන්ද්රං සත්යසන්ධං දශරථතනයං ශ්යාමලං ශාන්තමූර්තිම්

වන්දේ ලෝකාභිරාමං රඝුකුල තිලකං රාඝවං රාවණාරිම් .. 26 ..

රාමාය රාමභද්රාය රාමචන්ද්රාය වේධසේ .

රඝුනාථාය නාථාය සීතායාඃ පතයේ නමඃ .. 27 ..

ශ්රීරාම රාම රඝුනන්දන රාම රාම

ශ්රීරාම රාම භරතාග්රජ රාම රාම .

ශ්රීරාම රාම රණකර්කශ රාම රාම

ශ්රීරාම රාම ශරණං භව රාම රාම .. 28 ..

ශ්රීරාම චන්ද්ර චරණෞ මනසා ස්මරාමි

ශ්රීරාම චන්ද්ර චරණෞ වචසා ගෘහ්ණාමි .

ශ්රීරාම චන්ද්ර චරණෞ ශිරසා නමාමි

ශ්රීරාම චන්ද්ර චරණෞ ශරණං ප්රපද්යේ .. 29 ..

මාතා රාමෝ මත්-පිතා රාමචන්ද්රඃ

ස්වාමී රාමෝ මත්-සඛා රාමචන්ද්රඃ .

සර්වස්වං මේ රාමචන්ද්රෝ දයාලුඃ

නාන්යං ජානේ නෛව ජානේ න ජානේ .. 30 ..

දක්ෂිණේ ලක්ෂ්මණෝ යස්ය වාමේ ච (තු) ජනකාත්මජා .

පුරතෝ මාරුතිර්යස්ය තං වන්දේ රඝුනන්දනම් .. 31 ..

ලෝකාභිරාමං රණරඞ්ගධීරං

රාජීවනේත්රං රඝුවංශනාථම් .

කාරුණ්යරූපං කරුණාකරං තං

ශ්රීරාමචන්ද්රං ශරණ්යං ප්රපද්යේ .. 32 ..

මනෝජවං මාරුත තුල්ය වේගං

ජිතේන්ද්රියං බුද්ධිමතාං වරිෂ්ටම් .

වාතාත්මජං වානරයූථ මුඛ්යං

ශ්රීරාමදූතං ශරණං ප්රපද්යේ .. 33 ..

කූජන්තං රාමරාමේති මධුරං මධුරාක්ෂරම් .

ආරුහ්යකවිතා ශාඛාං වන්දේ වාල්මීකි කෝකිලම් .. 34 ..

ආපදාමපහර්තාරං දාතාරං සර්වසම්පදාම් .

ලෝකාභිරාමං ශ්රීරාමං භූයෝභූයෝ නමාම්යහම් .. 35 ..

භර්ජනං භවබීජානාමර්ජනං සුඛසම්පදාම් .

තර්ජනං යමදූතානාං රාම රාමේති ගර්ජනම් .. 36 ..

රාමෝ රාජමණිඃ සදා විජයතේ රාමං රමේශං භජේ

රාමේණාභිහතා නිශාචරචමූ රාමාය තස්මෛ නමඃ .

රාමාන්නාස්ති පරායණං පරතරං රාමස්ය දාසෝස්ම්යහං

රාමේ චිත්තලයඃ සදා භවතු මේ භෝ රාම මාමුද්ධර .. 37 ..

ශ්රීරාම රාම රාමේති රමේ රාමේ මනෝරමේ .

සහස්රනාම තත්තුල්යං රාම නාම වරානනේ .. 38 ..

ඉති ශ්රීබුධකෞශිකමුනි විරචිතං ශ්රීරාම රක්ෂාස්තෝත්රං සම්පූර්ණම් .

ශ්රීරාම ජයරාම ජයජයරාම .