Rama Raksha Stotram

ଶ୍ରୀ ରାମ ରକ୍ଷା ସ୍ତୋତ୍ରମ୍

ଶ୍ଲୋକ 1

ଓଁ ଅସ୍ଯ ଶ୍ରୀ ରାମରକ୍ଷା ସ୍ତୋତ୍ରମନ୍ତ୍ରସ୍ଯ

ବୁଧକୌଶିକ ଋଷିଃ

ଶ୍ରୀ ସୀତାରାମ ଚନ୍ଦ୍ରୋଦେଵତା

ଅନୁଷ୍ଟୁପ୍ ଛନ୍ଦଃ

ସୀତା ଶକ୍ତିଃ

ଶ୍ରୀମଦ୍ ହନୁମାନ୍ କୀଲକମ୍

ଶ୍ରୀରାମଚନ୍ଦ୍ର ପ୍ରୀତ୍ଯର୍ଥେ ରାମରକ୍ଷା ସ୍ତୋତ୍ରଜପେ ଵିନିଯୋଗଃ ॥

ଧ୍ଯାନମ୍

ଧ୍ଯାଯେଦାଜାନୁବାହୁଂ ଧୃତଶର ଧନୁଷଂ ବଦ୍ଧ ପଦ୍ମାସନସ୍ଥଂ

ପୀତଂ ଵାସୋଵସାନଂ ନଵକମଲ ଦଲସ୍ପର୍ଥି ନେତ୍ରଂ ପ୍ରସନ୍ନମ୍ ।

ଵାମାଙ୍କାରୂଢ ସୀତାମୁଖ କମଲମିଲଲ୍ଲୋଚନଂ ନୀରଦାଭଂ

ନାନାଲଙ୍କାର ଦୀପ୍ତଂ ଦଧତମୁରୁ ଜଟାମଣ୍ଡଲଂ ରାମଚନ୍ଦ୍ରମ୍ ॥

ସ୍ତୋତ୍ରମ୍

ଚରିତଂ ରଘୁନାଥସ୍ଯ ଶତକୋଟି ପ୍ରଵିସ୍ତରମ୍ ।

ଏକୈକମକ୍ଷରଂ ପୁଂସାଂ ମହାପାତକ ନାଶନମ୍

ଶ୍ଲୋକ 2

ଧ୍ଯାତ୍ଵା ନୀଲୋତ୍ପଲ ଶ୍ଯାମଂ ରାମଂ ରାଜୀଵଲୋଚନମ୍ ।

ଜାନକୀ ଲକ୍ଷ୍ମଣୋପେତଂ ଜଟାମୁକୁଟ ମଣ୍ଡିତମ୍

॥ 1 ॥

ଶ୍ଲୋକ 3

ସାସିତୂଣ ଧନୁର୍ବାଣ ପାଣିଂ ନକ୍ତଂ ଚରାନ୍ତକମ୍ ।

ସ୍ଵଲୀଲଯା ଜଗତ୍ତ୍ରାତୁ ମାଵିର୍ଭୂତମଜଂ ଵିଭୁମ୍

॥ 2 ॥

ଶ୍ଲୋକ 4

ରାମରକ୍ଷାଂ ପଠେତ୍ପ୍ରାଜ୍ଞଃ ପାପଘ୍ନୀଂ ସର୍ଵକାମଦାମ୍ ।

ଶିରୋ ମେ ରାଘଵଃ ପାତୁ ଫାଲଂ (ଭାଲଂ) ଦଶରଥାତ୍ମଜଃ

॥ 3 ॥

ଶ୍ଲୋକ 5

କୌସଲ୍ଯେଯୋ ଦୃଶୌପାତୁ ଵିଶ୍ଵାମିତ୍ରପ୍ରିଯଃ ଶୃତୀ ।

ଘ୍ରାଣଂ ପାତୁ ମଖତ୍ରାତା ମୁଖଂ ସୌମିତ୍ରିଵତ୍ସଲଃ

॥ 4 ॥

ଶ୍ଲୋକ 6

ଜିହ୍ଵାଂ ଵିଦ୍ଯାନିଧିଃ ପାତୁ କଣ୍ଠଂ ଭରତଵନ୍ଦିତଃ ।

ସ୍କନ୍ଧୌ ଦିଵ୍ଯାଯୁଧଃ ପାତୁ ଭୁଜୌ ଭଗ୍ନେଶକାର୍ମୁକଃ

॥ 5 ॥

ଶ୍ଲୋକ 7

କରୌ ସୀତାପତିଃ ପାତୁ ହୃଦଯଂ ଜାମଦଗ୍ନ୍ଯଜିତ୍ ।

ମଧ୍ଯଂ ପାତୁ ଖରଧ୍ଵଂସୀ ନାଭିଂ ଜାମ୍ବଵଦାଶ୍ରଯଃ

॥ 6 ॥

ଶ୍ଲୋକ 8

ସୁଗ୍ରୀଵେଶଃ କଟିଂ ପାତୁ ସକ୍ଥିନୀ ହନୁମତ୍-ପ୍ରଭୁଃ ।

ଊରୂ ରଘୂତ୍ତମଃ ପାତୁ ରକ୍ଷଃକୁଲ ଵିନାଶକୃତ୍

॥ 7 ॥

ଶ୍ଲୋକ 9

ଜାନୁନୀ ସେତୁକୃତ୍-ପାତୁ ଜଙ୍ଘେ ଦଶମୁଖାନ୍ତକଃ ।

ପାଦୌ ଵିଭୀଷଣଶ୍ରୀଦଃ ପାତୁ ରାମୋଽଖିଲଂ ଵପୁଃ

॥ 8 ॥

ଶ୍ଲୋକ 10

ଏତାଂ ରାମବଲୋପେତାଂ ରକ୍ଷାଂ ଯଃ ସୁକୃତୀ ପଠେତ୍ ।

ସ ଚିରାଯୁଃ ସୁଖୀ ପୁତ୍ରୀ ଵିଜଯୀ ଵିନଯୀ ଭଵେତ୍

॥ 9 ॥

ଶ୍ଲୋକ 11

ପାତାଲ-ଭୂତଲ-ଵ୍ଯୋମ-ଚାରିଣ-ଶ୍ଚଦ୍ମ-ଚାରିଣଃ ।

ନ ଦ୍ରଷ୍ଟୁମପି ଶକ୍ତାସ୍ତେ ରକ୍ଷିତଂ ରାମନାମଭିଃ

॥ 10 ॥

ଶ୍ଲୋକ 12

ରାମେତି ରାମଭଦ୍ରେତି ରାମଚନ୍ଦ୍ରେତି ଵା ସ୍ମରନ୍ ।

ନରୋ ନ ଲିପ୍ଯତେ ପାପୈର୍ଭୁକ୍ତିଂ ମୁକ୍ତିଂ ଚ ଵିନ୍ଦତି

॥ 11 ॥

ଶ୍ଲୋକ 13

ଜଗଜ୍ଜୈତ୍ରୈକ ମନ୍ତ୍ରେଣ ରାମନାମ୍ନାଭି ରକ୍ଷିତମ୍ ।

ଯଃ କଣ୍ଠେ ଧାରଯେତ୍ତସ୍ଯ କରସ୍ଥାଃ ସର୍ଵସିଦ୍ଧଯଃ

॥ 12 ॥

ଶ୍ଲୋକ 14

ଵଜ୍ରପଞ୍ଜର ନାମେଦଂ ଯୋ ରାମକଵଚଂ ସ୍ମରେତ୍ ।

ଅଵ୍ଯାହତାଜ୍ଞଃ ସର୍ଵତ୍ର ଲଭତେ ଜଯମଙ୍ଗଲମ୍

॥ 13 ॥

ଶ୍ଲୋକ 15

ଆଦିଷ୍ଟଵାନ୍-ଯଥା ସ୍ଵପ୍ନେ ରାମରକ୍ଷାମିମାଂ ହରଃ ।

ତଥା ଲିଖିତଵାନ୍-ପ୍ରାତଃ ପ୍ରବୁଦ୍ଧୌ ବୁଧକୌଶିକଃ

॥ 14 ॥

ଶ୍ଲୋକ 16

ଆରାମଃ କଲ୍ପଵୃକ୍ଷାଣାଂ ଵିରାମଃ ସକଲାପଦାମ୍ ।

ଅଭିରାମ-ସ୍ତ୍ରିଲୋକାନାଂ ରାମଃ ଶ୍ରୀମାନ୍ ସ ନଃ ପ୍ରଭୁଃ

॥ 15 ॥

ଶ୍ଲୋକ 17

ତରୁଣୌ ରୂପସମ୍ପନ୍ନୌ ସୁକୁମାରୌ ମହାବଲୌ ।

ପୁଣ୍ଡରୀକ ଵିଶାଲାକ୍ଷୌ ଚୀରକୃଷ୍ଣାଜିନାମ୍ବରୌ

॥ 16 ॥

ଶ୍ଲୋକ 18

ଫଲମୂଲାଶିନୌ ଦାନ୍ତୌ ତାପସୌ ବ୍ରହ୍ମଚାରିଣୌ ।

ପୁତ୍ରୌ ଦଶରଥସ୍ଯୈତୌ ଭ୍ରାତରୌ ରାମଲକ୍ଷ୍ମଣୌ

॥ 17 ॥

ଶ୍ଲୋକ 19

ଶରଣ୍ଯୌ ସର୍ଵସତ୍ତ୍ଵାନାଂ ଶ୍ରେଷ୍ଠୌ ସର୍ଵଧନୁଷ୍ମତାମ୍ ।

ରକ୍ଷଃକୁଲ ନିହନ୍ତାରୌ ତ୍ରାଯେତାଂ ନୋ ରଘୂତ୍ତମୌ

॥ 18 ॥

ଶ୍ଲୋକ 20

ଆତ୍ତ ସଜ୍ଯ ଧନୁଷା ଵିଷୁସ୍ପୃଶା ଵକ୍ଷଯାଶୁଗ ନିଷଙ୍ଗ ସଙ୍ଗିନୌ ।

ରକ୍ଷଣାଯ ମମ ରାମଲକ୍ଷଣାଵଗ୍ରତଃ ପଥି ସଦୈଵ ଗଚ୍ଛତାମ୍

॥ 19 ॥

ଶ୍ଲୋକ 21

ସନ୍ନଦ୍ଧଃ କଵଚୀ ଖଡ୍ଗୀ ଚାପବାଣଧରୋ ଯୁଵା ।

ଗଚ୍ଛନ୍ ମନୋରଥାନ୍ନଶ୍ଚ (ମନୋରଥୋଽସ୍ମାକଂ) ରାମଃ ପାତୁ ସ ଲକ୍ଷ୍ମଣଃ

॥ 20 ॥

ଶ୍ଲୋକ 22

ରାମୋ ଦାଶରଥି ଶ୍ଶୂରୋ ଲକ୍ଷ୍ମଣାନୁଚରୋ ବଲୀ ।

କାକୁତ୍ସଃ ପୁରୁଷଃ ପୂର୍ଣଃ କୌସଲ୍ଯେଯୋ ରଘୂତ୍ତମଃ

॥ 21 ॥

ଶ୍ଲୋକ 23

ଵେଦାନ୍ତଵେଦ୍ଯୋ ଯଜ୍ଞେଶଃ ପୁରାଣ ପୁରୁଷୋତ୍ତମଃ ।

ଜାନକୀଵଲ୍ଲଭଃ ଶ୍ରୀମାନପ୍ରମେଯ ପରାକ୍ରମଃ

॥ 22 ॥

ଶ୍ଲୋକ 24

ଇତ୍ଯେତାନି ଜପେନ୍ନିତ୍ଯଂ ମଦ୍ଭକ୍ତଃ ଶ୍ରଦ୍ଧଯାନ୍ଵିତଃ ।

ଅଶ୍ଵମେଧାଧିକଂ ପୁଣ୍ଯଂ ସମ୍ପ୍ରାପ୍ନୋତି ନ ସଂଶଯଃ

॥ 23 ॥

ଶ୍ଲୋକ 25

ରାମଂ ଦୂର୍ଵାଦଲ ଶ୍ଯାମଂ ପଦ୍ମାକ୍ଷଂ ପୀତଵାସସମ୍ ।

ସ୍ତୁଵନ୍ତି ନାମଭି-ର୍ଦିଵ୍ଯୈର୍ନ ତେ ସଂସାରିଣୋ ନରାଃ

॥ 24 ॥

ଶ୍ଲୋକ 26

ରାମଂ ଲକ୍ଷ୍ମଣ ପୂର୍ଵଜଂ ରଘୁଵରଂ ସୀତାପତିଂ ସୁନ୍ଦରମ୍

କାକୁତ୍ସ୍ଥଂ କରୁଣାର୍ଣଵଂ ଗୁଣନିଧିଂ ଵିପ୍ରପ୍ରିଯଂ ଧାର୍ମିକମ୍ ।

ରାଜେନ୍ଦ୍ରଂ ସତ୍ଯସନ୍ଧଂ ଦଶରଥତନଯଂ ଶ୍ଯାମଲଂ ଶାନ୍ତମୂର୍ତିମ୍

ଵନ୍ଦେ ଲୋକାଭିରାମଂ ରଘୁକୁଲ ତିଲକଂ ରାଘଵଂ ରାଵଣାରିମ୍

॥ 25 ॥

ଶ୍ଲୋକ 27

ରାମାଯ ରାମଭଦ୍ରାଯ ରାମଚନ୍ଦ୍ରାଯ ଵେଧସେ ।

ରଘୁନାଥାଯ ନାଥାଯ ସୀତାଯାଃ ପତଯେ ନମଃ

॥ 26 ॥

ଶ୍ଲୋକ 28

ଶ୍ରୀରାମ ରାମ ରଘୁନନ୍ଦନ ରାମ ରାମ

ଶ୍ରୀରାମ ରାମ ଭରତାଗ୍ରଜ ରାମ ରାମ ।

ଶ୍ରୀରାମ ରାମ ରଣକର୍କଶ ରାମ ରାମ

ଶ୍ରୀରାମ ରାମ ଶରଣଂ ଭଵ ରାମ ରାମ

॥ 27 ॥

ଶ୍ଲୋକ 29

ଶ୍ରୀରାମ ଚନ୍ଦ୍ର ଚରଣୌ ମନସା ସ୍ମରାମି

ଶ୍ରୀରାମ ଚନ୍ଦ୍ର ଚରଣୌ ଵଚସା ଗୃହ୍ଣାମି ।

ଶ୍ରୀରାମ ଚନ୍ଦ୍ର ଚରଣୌ ଶିରସା ନମାମି

ଶ୍ରୀରାମ ଚନ୍ଦ୍ର ଚରଣୌ ଶରଣଂ ପ୍ରପଦ୍ଯେ

॥ 28 ॥

ଶ୍ଲୋକ 30

ମାତା ରାମୋ ମତ୍-ପିତା ରାମଚନ୍ଦ୍ରଃ

ସ୍ଵାମୀ ରାମୋ ମତ୍-ସଖା ରାମଚନ୍ଦ୍ରଃ ।

ସର୍ଵସ୍ଵଂ ମେ ରାମଚନ୍ଦ୍ରୋ ଦଯାଲୁଃ

ନାନ୍ଯଂ ଜାନେ ନୈଵ ଜାନେ ନ ଜାନେ

॥ 29 ॥

ଶ୍ଲୋକ 31

ଦକ୍ଷିଣେ ଲକ୍ଷ୍ମଣୋ ଯସ୍ଯ ଵାମେ ଚ (ତୁ) ଜନକାତ୍ମଜା ।

ପୁରତୋ ମାରୁତିର୍ଯସ୍ଯ ତଂ ଵନ୍ଦେ ରଘୁନନ୍ଦନମ୍

॥ 30 ॥

ଶ୍ଲୋକ 32

ଲୋକାଭିରାମଂ ରଣରଙ୍ଗଧୀରଂ

ରାଜୀଵନେତ୍ରଂ ରଘୁଵଂଶନାଥମ୍ ।

କାରୁଣ୍ଯରୂପଂ କରୁଣାକରଂ ତଂ

ଶ୍ରୀରାମଚନ୍ଦ୍ରଂ ଶରଣ୍ଯଂ ପ୍ରପଦ୍ଯେ

॥ 31 ॥

ଶ୍ଲୋକ 33

ମନୋଜଵଂ ମାରୁତ ତୁଲ୍ଯ ଵେଗଂ

ଜିତେନ୍ଦ୍ରିଯଂ ବୁଦ୍ଧିମତାଂ ଵରିଷ୍ଟମ୍ ।

ଵାତାତ୍ମଜଂ ଵାନରଯୂଥ ମୁଖ୍ଯଂ

ଶ୍ରୀରାମଦୂତଂ ଶରଣଂ ପ୍ରପଦ୍ଯେ

॥ 32 ॥

ଶ୍ଲୋକ 34

କୂଜନ୍ତଂ ରାମରାମେତି ମଧୁରଂ ମଧୁରାକ୍ଷରମ୍ ।

ଆରୁହ୍ଯକଵିତା ଶାଖାଂ ଵନ୍ଦେ ଵାଲ୍ମୀକି କୋକିଲମ୍

॥ 33 ॥

ଶ୍ଲୋକ 35

ଆପଦାମପହର୍ତାରଂ ଦାତାରଂ ସର୍ଵସମ୍ପଦାମ୍ ।

ଲୋକାଭିରାମଂ ଶ୍ରୀରାମଂ ଭୂଯୋଭୂଯୋ ନମାମ୍ଯହମ୍

॥ 34 ॥

ଶ୍ଲୋକ 36

ଭର୍ଜନଂ ଭଵବୀଜାନାମର୍ଜନଂ ସୁଖସମ୍ପଦାମ୍ ।

ତର୍ଜନଂ ଯମଦୂତାନାଂ ରାମ ରାମେତି ଗର୍ଜନମ୍

॥ 35 ॥

ଶ୍ଲୋକ 37

ରାମୋ ରାଜମଣିଃ ସଦା ଵିଜଯତେ ରାମଂ ରମେଶଂ ଭଜେ

ରାମେଣାଭିହତା ନିଶାଚରଚମୂ ରାମାଯ ତସ୍ମୈ ନମଃ ।

ରାମାନ୍ନାସ୍ତି ପରାଯଣଂ ପରତରଂ ରାମସ୍ଯ ଦାସୋସ୍ମ୍ଯହଂ

ରାମେ ଚିତ୍ତଲଯଃ ସଦା ଭଵତୁ ମେ ଭୋ ରାମ ମାମୁଦ୍ଧର

॥ 36 ॥

ଶ୍ଲୋକ 38

ଶ୍ରୀରାମ ରାମ ରାମେତି ରମେ ରାମେ ମନୋରମେ ।

ସହସ୍ରନାମ ତତ୍ତୁଲ୍ଯଂ ରାମ ନାମ ଵରାନନେ

॥ 37 ॥

ଶ୍ଲୋକ 39

ଇତି ଶ୍ରୀବୁଧକୌଶିକମୁନି ଵିରଚିତଂ ଶ୍ରୀରାମ ରକ୍ଷାସ୍ତୋତ୍ରଂ ସମ୍ପୂର୍ଣମ୍ ।

ଶ୍ରୀରାମ ଜଯରାମ ଜଯଜଯରାମ ।