രാഹു കവചമ്

രാഹു കവചമ്

ശ്ലോക 1

ധ്യാനമ്

പ്രണമാമി സദാ രാഹും ശൂര്പാകാരം കിരീടിനമ് ।

സൈംഹികേയം കരാലാസ്യം ലോകാനാമഭയപ്രദമ്

ശ്ലോക 2

। അഥ രാഹു കവചമ് ।

നീലാമ്ബരഃ ശിരഃ പാതു ലലാടം ലോകവന്ദിതഃ ।

ചക്ഷുഷീ പാതു മേ രാഹുഃ ശ്രോത്രേ ത്വര്ധശരിരവാന്

॥ 1॥

ശ്ലോക 3

നാസികാം മേ ധൂമ്രവര്ണഃ ശൂലപാണിര്മുഖം മമ ।

ജിഹ്വാം മേ സിംഹികാസൂനുഃ കണ്ഠം മേ കഠിനാങ്ഘ്രികഃ

॥ 2॥

ശ്ലോക 4

ഭുജങ്ഗേശോ ഭുജൌ പാതു നീലമാല്യാമ്ബരഃ കരൌ ।

പാതു വക്ഷഃസ്ഥലം മന്ത്രീ പാതു കുക്ഷിം വിധുന്തുദഃ

॥ 3॥

ശ്ലോക 5

കടിം മേ വികടഃ പാതു ഊരൂ മേ സുരപൂജിതഃ ।

സ്വര്ഭാനുര്ജാനുനീ പാതു ജങ്ഘേ മേ പാതു ജാഡ്യഹാ

॥ 4॥

ശ്ലോക 6

ഗുല്ഫൌ ഗ്രഹപതിഃ പാതു പാദൌ മേ ഭീഷണാകൃതിഃ ।

സര്വാണ്യങ്ഗാനി മേ പാതു നീലചന്ദനഭൂഷണഃ

॥ 5॥

ശ്ലോക 7

ഫലശ്രുതിഃ

രാഹോരിദം കവചമൃദ്ധിദവസ്തുദം യോ

ഭക്ത്യാ പഠത്യനുദിനം നിയതഃ ശുചിഃ സന് ।

പ്രാപ്നോതി കീര്തിമതുലാം ശ്രിയമൃദ്ധി-

മായുരാരോഗ്യമാത്മവിജയം ച ഹി തത്പ്രസാദാത്

॥ 6॥

ശ്ലോക 8

॥ ഇതി ശ്രീമഹാഭാരതേ ധൃതരാഷ്ട്രസഞ്ജയസംവാദേ ദ്രോണപര്വണി രാഹുകവചം സമ്പൂര്ണമ് ॥