ರಾಹು ಕವಚಮ್

ರಾಹು ಕವಚಮ್

ಶ್ಲೋಕ 1

ಧ್ಯಾನಮ್

ಪ್ರಣಮಾಮಿ ಸದಾ ರಾಹುಂ ಶೂರ್ಪಾಕಾರಂ ಕಿರೀಟಿನಮ್ ।

ಸೈಂಹಿಕೇಯಂ ಕರಾಲಾಸ್ಯಂ ಲೋಕಾನಾಮಭಯಪ್ರದಮ್

ಶ್ಲೋಕ 2

। ಅಥ ರಾಹು ಕವಚಮ್ ।

ನೀಲಾಮ್ಬರಃ ಶಿರಃ ಪಾತು ಲಲಾಟಂ ಲೋಕವನ್ದಿತಃ ।

ಚಕ್ಷುಷೀ ಪಾತು ಮೇ ರಾಹುಃ ಶ್ರೋತ್ರೇ ತ್ವರ್ಧಶರಿರವಾನ್

॥ 1॥

ಶ್ಲೋಕ 3

ನಾಸಿಕಾಂ ಮೇ ಧೂಮ್ರವರ್ಣಃ ಶೂಲಪಾಣಿರ್ಮುಖಂ ಮಮ ।

ಜಿಹ್ವಾಂ ಮೇ ಸಿಂಹಿಕಾಸೂನುಃ ಕಣ್ಠಂ ಮೇ ಕಠಿನಾಙ್ಘ್ರಿಕಃ

॥ 2॥

ಶ್ಲೋಕ 4

ಭುಜಙ್ಗೇಶೋ ಭುಜೌ ಪಾತು ನೀಲಮಾಲ್ಯಾಮ್ಬರಃ ಕರೌ ।

ಪಾತು ವಕ್ಷಃಸ್ಥಲಂ ಮನ್ತ್ರೀ ಪಾತು ಕುಕ್ಷಿಂ ವಿಧುನ್ತುದಃ

॥ 3॥

ಶ್ಲೋಕ 5

ಕಟಿಂ ಮೇ ವಿಕಟಃ ಪಾತು ಊರೂ ಮೇ ಸುರಪೂಜಿತಃ ।

ಸ್ವರ್ಭಾನುರ್ಜಾನುನೀ ಪಾತು ಜಙ್ಘೇ ಮೇ ಪಾತು ಜಾಡ್ಯಹಾ

॥ 4॥

ಶ್ಲೋಕ 6

ಗುಲ್ಫೌ ಗ್ರಹಪತಿಃ ಪಾತು ಪಾದೌ ಮೇ ಭೀಷಣಾಕೃತಿಃ ।

ಸರ್ವಾಣ್ಯಙ್ಗಾನಿ ಮೇ ಪಾತು ನೀಲಚನ್ದನಭೂಷಣಃ

॥ 5॥

ಶ್ಲೋಕ 7

ಫಲಶ್ರುತಿಃ

ರಾಹೋರಿದಂ ಕವಚಮೃದ್ಧಿದವಸ್ತುದಂ ಯೋ

ಭಕ್ತ್ಯಾ ಪಠತ್ಯನುದಿನಂ ನಿಯತಃ ಶುಚಿಃ ಸನ್ ।

ಪ್ರಾಪ್ನೋತಿ ಕೀರ್ತಿಮತುಲಾಂ ಶ್ರಿಯಮೃದ್ಧಿ-

ಮಾಯುರಾರೋಗ್ಯಮಾತ್ಮವಿಜಯಂ ಚ ಹಿ ತತ್ಪ್ರಸಾದಾತ್

॥ 6॥

ಶ್ಲೋಕ 8

॥ ಇತಿ ಶ್ರೀಮಹಾಭಾರತೇ ಧೃತರಾಷ್ಟ್ರಸಞ್ಜಯಸಂವಾದೇ ದ್ರೋಣಪರ್ವಣಿ ರಾಹುಕವಚಂ ಸಮ್ಪೂರ್ಣಮ್ ॥