பித்ரு' ஸ்தோத்ரம் (கருட புராணம்)

பித்ரு' ஸ்தோத்ரம் (கருட புராணம்)

ஶ்லோக 1

ருசிருவாச ।

நமஸ்யேऽஹம் பித்ரூ'ந் பக்த்யா யே வஸந்த்யதிதேவதாஃ ।

தேவைரபி ஹி தர்ப்யந்தே யே ஶ்ராத்தேஷு ஸ்வதோத்தரைஃ

ஶ்லோக 2

நமஸ்யேऽஹம் பித்ரூ'ந் ஸ்வர்கே யே தர்ப்யந்தே மஹர்ஷிபிஃ ।

ஶ்ராத்தைர்மநோமயைர்பக்த்யா புக்திமுக்திமபீப்ஸுபிஃ

॥ 1 ॥

ஶ்லோக 3

நமஸ்யேऽஹம் பித்ரூ'ந் ஸ்வர்கே ஸித்தாஃ ஸந்தர்பயந்தி யாந் ।

ஶ்ராத்தேஷு திவ்யைஃ ஸகலைருபஹாரைரநுத்தமைஃ

॥ 2 ॥

ஶ்லோக 4

நமஸ்யேऽஹம் பித்ரூ'ந் பக்த்யா யேऽர்ச்யந்தே குஹ்யகைர்திவி ।

தந்மயத்வேந வாஞ்சத்பிர்ரு'த்திர்யாத்யந்திகீம் பராம்

॥ 3 ॥

ஶ்லோக 5

நமஸ்யேऽஹம் பித்ரூ'ந் மர்த்யைரர்ச்யந்தே புவி யே ஸதா ।

ஶ்ராத்தேஷு ஶ்ரத்தயாபீஷ்டலோகபுஷ்டிப்ரதாயிநஃ

॥ 4 ॥

ஶ்லோக 6

நமஸ்யேऽஹம் பித்ரூ'ந் விப்ரைரர்ச்யந்தே புவி யே ஸதா ।

வாஞ்சிதாபீஷ்டலாபாய ப்ராஜாபத்யப்ரதாயிநஃ

॥ 5 ॥

ஶ்லோக 7

நமஸ்யேऽஹம் பித்ரூ'ந் யே வை தர்ப்யந்தேऽரண்யவாஸிபிஃ ।

வந்யைஃ ஶ்ராத்தைர்யதாஹாரைஸ்தபோநிர்தூதகல்மஷைஃ

॥ 6 ॥

ஶ்லோக 8

நமஸ்யேऽஹம் பித்ரூ'ந் விப்ரைர்நைஷ்டிகைர்தர்மசாரிபிஃ ।

யே ஸம்யதாத்மபிர்நித்யம் ஸந்தர்ப்யந்தே ஸமாதிபிஃ

॥ 7 ॥

ஶ்லோக 9

நமஸ்யேऽஹம் பித்ரூ'ந் ஶ்ராத்தை ராஜந்யாஸ்தர்பயந்தி யாந் ।

கவ்யைரஶேஷைர்விதிவல்லோகத்வயபலப்ரதாந்

॥ 8 ॥

ஶ்லோக 10

நமஸ்யேऽஹம் பித்ரூ'ந் வைஶ்யைரர்ச்யந்தே புவி யே ஸதா ।

ஸ்வகர்மாபிரதைர்நித்யம் புஷ்பதூபாந்நவாரிபிஃ

॥ 9 ॥

ஶ்லோக 11

நமஸ்யேऽஹம் பித்ரூ'ந் ஶ்ராத்தே ஶூத்ரைரபி ச பக்திதஃ ।

ஸந்தர்ப்யந்தே ஜகத்க்ரு'த்ஸ்நம் நாம்நா க்யாதாஃ ஸுகாலிநஃ

॥ 10 ॥

ஶ்லோக 12

நமஸ்யேऽஹம் பித்ரூ'ந் ஶ்ராத்தே பாதாலே யே மஹாஸுரைஃ ।

ஸந்தர்ப்யந்தே ஸுதாஹாராஸ்த்யக்ததம்பமதைஃ ஸதா

॥ 11 ॥

ஶ்லோக 13

நமஸ்யேऽஹம் பித்ரூ'ந் ஶ்ராத்தைரர்ச்யந்தே யே ரஸாதலே ।

போகைரஶேஷைர்விதிவந்நாகைஃ காமாநபீப்ஸுபிஃ

॥ 12 ॥

ஶ்லோக 14

நமஸ்யேऽஹம் பித்ரூ'ந் ஶ்ராத்தைஃ ஸர்பைஃ ஸந்தர்பிதாந்ஸதா ।

தத்ரைவ விதிவந்மந்த்ரபோகஸம்பத்ஸமந்விதைஃ

॥ 13 ॥

ஶ்லோக 15

பித்ரூ'ந்நமஸ்யே நிவஸந்தி ஸாக்ஷா-

-த்யே தேவலோகேऽத மஹீதலே வா ।

ததாऽந்தரிக்ஷே ச ஸுராரிபூஜ்யா-

-ஸ்தே மே ப்ரதீச்சந்து மநோபநீதம்

॥ 14 ॥

ஶ்லோக 16

பித்ரூ'ந்நமஸ்யே பரமார்தபூதா

யே வை விமாநே நிவஸந்த்யமூர்தாஃ ।

யஜந்தி யாநஸ்தமலைர்மநோபி-

-ர்யோகீஶ்வராஃ க்லேஶவிமுக்திஹேதூந்

॥ 15 ॥

ஶ்லோக 17

பித்ரூ'ந்நமஸ்யே திவி யே ச மூர்தாஃ

ஸ்வதாபுஜஃ காம்யபலாபிஸந்தௌ ।

ப்ரதாநஶக்தாஃ ஸகலேப்ஸிதாநாம்

விமுக்திதா யேऽநபிஸம்ஹிதேஷு

॥ 16 ॥

ஶ்லோக 18

த்ரு'ப்யந்து தேऽஸ்மிந்பிதரஃ ஸமஸ்தா

இச்சாவதாம் யே ப்ரதிஶந்தி காமாந் ।

ஸுரத்வமிந்த்ரத்வமிதோऽதிகம் வா

கஜாஶ்வரத்நாநி மஹாக்ரு'ஹாணி

॥ 17 ॥

ஶ்லோக 19

ஸோமஸ்ய யே ரஶ்மிஷு யேऽர்கபிம்பே

ஶுக்லே விமாநே ச ஸதா வஸந்தி ।

த்ரு'ப்யந்து தேऽஸ்மிந்பிதரோऽந்நதோயை-

-ர்கந்தாதிநா புஷ்டிமிதோ வ்ரஜந்து

॥ 18 ॥

ஶ்லோக 20

யேஷாம் ஹுதேऽக்நௌ ஹவிஷா ச த்ரு'ப்தி-

-ர்யே புஞ்ஜதே விப்ரஶரீரஸம்ஸ்தாஃ ।

யே பிண்டதாநேந முதம் ப்ரயாந்தி

த்ரு'ப்யந்து தேऽஸ்மிந்பிதரோऽந்நதோயைஃ

॥ 19 ॥

ஶ்லோக 21

யே கட்கமாம்ஸேந ஸுரைரபீஷ்டைஃ

க்ரு'ஷ்ணைஸ்திலைர்திவ்ய மநோஹரைஶ்ச ।

காலேந ஶாகேந மஹர்ஷிவர்யைஃ

ஸம்ப்ரீணிதாஸ்தே முதமத்ர யாந்து

॥ 20 ॥

ஶ்லோக 22

கவ்யாந்யஶேஷாணி ச யாந்யபீஷ்டா-

-ந்யதீவ தேஷாம் மம பூஜிதாநாம் ।

தேஷாஞ்ச ஸாந்நித்யமிஹாஸ்து புஷ்ப-

-கந்தாம்புபோஜ்யேஷு மயா க்ரு'தேஷு

॥ 21 ॥

ஶ்லோக 23

திநே திநே யே ப்ரதிக்ரு'ஹ்ணதேऽர்சாம்

மாஸாந்தபூஜ்யா புவி யேऽஷ்டகாஸு ।

யே வத்ஸராந்தேऽப்யுதயே ச பூஜ்யாஃ

ப்ரயாந்து தே மே பிதரோऽத்ர துஷ்டிம்

॥ 22 ॥

ஶ்லோக 24

பூஜ்யா த்விஜாநாம் குமுதேந்துபாஸோ

யே க்ஷத்ரியாணாம் ஜ்வலநார்கவர்ணாஃ ।

ததா விஶாம் யே கநகாவதாதா

நீலீப்ரபாஃ ஶூத்ரஜநஸ்ய யே ச

॥ 23 ॥

ஶ்லோக 25

தேऽஸ்மிந்ஸமஸ்தா மம புஷ்பகந்த-

-தூபாம்புபோஜ்யாதிநிவேதநேந ।

ததாऽக்நிஹோமேந ச யாந்தி த்ரு'ப்திம்

ஸதா பித்ரு'ப்யஃ ப்ரணதோऽஸ்மி தேப்யஃ

॥ 24 ॥

ஶ்லோக 26

யே தேவபூர்வாண்யபித்ரு'ப்திஹேதோ-

-ரஶ்நந்தி கவ்யாநி ஶுபாஹ்ரு'தாநி ।

த்ரு'ப்தாஶ்ச யே பூதிஸ்ரு'ஜோ பவந்தி

த்ரு'ப்யந்து தேऽஸ்மிந்ப்ரணதோऽஸ்மி தேப்யஃ

॥ 25 ॥

ஶ்லோக 27

ரக்ஷாம்ஸி பூதாந்யஸுராம்ஸ்ததோக்ரா-

-ந்நிர்நாஶயந்து த்வஶிவம் ப்ரஜாநாம் ।

ஆத்யாஃ ஸுராணாமமரேஶபூஜ்யா-

-ஸ்த்ரு'ப்யந்து தேऽஸ்மிந்ப்ரணதோऽஸ்மிதேப்யஃ

॥ 26 ॥

ஶ்லோக 28

அக்நிஸ்வாத்தா பர்ஹிஷத ஆஜ்யபாஃ ஸோமபாஸ்ததா ।

வ்ரஜந்து த்ரு'ப்திம் ஶ்ராத்தேऽஸ்மிந்பிதரஸ்தர்பிதா மயா

॥ 27 ॥

ஶ்லோக 29

அக்நிஸ்வாத்தாஃ பித்ரு'கணாஃ ப்ராசீம் ரக்ஷந்து மே திஶம் ।

ததா பர்ஹிஷதஃ பாந்து யாம்யாம் மே பிதரஃ ஸதா ।

ப்ரதீசீமாஜ்யபாஸ்தத்வதுதீசீமபி ஸோமபாஃ

॥ 28 ॥

ஶ்லோக 30

ரக்ஷோபூதபிஶாசேப்யஸ்ததைவாஸுரதோஷதஃ ।

ஸர்வதஃ பிதரோ ரக்ஷாம் குர்வந்து மம நித்யஶஃ

॥ 29 ॥

ஶ்லோக 31

விஶ்வோ விஶ்வபுகாராத்யோ தர்மோ தந்யஃ ஶுபாநநஃ ।

பூதிதோ பூதிக்ரு'த்பூதிஃ பித்ரூ'ணாம் யே கணா நவ

॥ 30 ॥

ஶ்லோக 32

கல்யாணஃ கல்யதஃ கர்தா கல்யஃ கல்யதராஶ்ரயஃ ।

கல்யதாஹேதுரநகஃ ஷடிமே தே கணாஃ ஸ்ம்ரு'தாஃ

॥ 31 ॥

ஶ்லோக 33

வரோ வரேண்யோ வரதஸ்துஷ்டிதஃ புஷ்டிதஸ்ததா ।

விஶ்வபாதா ததா தாதா ஸப்தைதே ச கணாஃ ஸ்ம்ரு'தாஃ

॥ 32 ॥

ஶ்லோக 34

மஹாந்மஹாத்மா மஹிதோ மஹிமாவாந்மஹாபலஃ ।

கணாஃ பஞ்ச ததைவைதே பித்ரூ'ணாம் பாபநாஶநாஃ

॥ 33 ॥

ஶ்லோக 35

ஸுகதோ தநதஶ்சாந்யோ தர்மதோऽந்யஶ்ச பூதிதஃ ।

பித்ரூ'ணாம் கத்யதே சைவ ததா கணசதுஷ்டயம்

॥ 34 ॥

ஶ்லோக 36

ஏகத்ரிம்ஶத்பித்ரு'கணா யைர்வ்யாப்தமகிலம் ஜகத் ।

த ஏவாத்ர பித்ரு'கணாஸ்துஷ்யந்து ச மதாஹிதம்

॥ 35 ॥

ஶ்லோக 37

இதி ஶ்ரீ கருடபுராணே ஊநநவதிதமோऽத்யாயே ருசிக்ரு'த பித்ரு' ஸ்தோத்ரம் ।