પિતૃ સ્તોત્રં (ગરુડ પુરાણમ્)

પિતૃ સ્તોત્રં (ગરુડ પુરાણમ્)

શ્લોક 1

રુચિરુવાચ ।

નમસ્યેઽહં પિતૄન્ ભક્ત્યા યે વસન્ત્યધિદેવતાઃ ।

દેવૈરપિ હિ તર્પ્યન્તે યે શ્રાદ્ધેષુ સ્વધોત્તરૈઃ

શ્લોક 2

નમસ્યેઽહં પિતૄન્ સ્વર્ગે યે તર્પ્યન્તે મહર્ષિભિઃ ।

શ્રાદ્ધૈર્મનોમયૈર્ભક્ત્યા ભુક્તિમુક્તિમભીપ્સુભિઃ

॥ 1 ॥

શ્લોક 3

નમસ્યેઽહં પિતૄન્ સ્વર્ગે સિદ્ધાઃ સન્તર્પયન્તિ યાન્ ।

શ્રાદ્ધેષુ દિવ્યૈઃ સકલૈરુપહારૈરનુત્તમૈઃ

॥ 2 ॥

શ્લોક 4

નમસ્યેઽહં પિતૄન્ ભક્ત્યા યેઽર્ચ્યન્તે ગુહ્યકૈર્દિવિ ।

તન્મયત્વેન વાઞ્છદ્ભિરૃદ્ધિર્યાત્યન્તિકીં પરામ્

॥ 3 ॥

શ્લોક 5

નમસ્યેઽહં પિતૄન્ મર્ત્યૈરર્ચ્યન્તે ભુવિ યે સદા ।

શ્રાદ્ધેષુ શ્રદ્ધયાભીષ્ટલોકપુષ્ટિપ્રદાયિનઃ

॥ 4 ॥

શ્લોક 6

નમસ્યેઽહં પિતૄન્ વિપ્રૈરર્ચ્યન્તે ભુવિ યે સદા ।

વાઞ્છિતાભીષ્ટલાભાય પ્રાજાપત્યપ્રદાયિનઃ

॥ 5 ॥

શ્લોક 7

નમસ્યેઽહં પિતૄન્ યે વૈ તર્પ્યન્તેઽરણ્યવાસિભિઃ ।

વન્યૈઃ શ્રાદ્ધૈર્યતાહારૈસ્તપોનિર્ધૂતકલ્મષૈઃ

॥ 6 ॥

શ્લોક 8

નમસ્યેઽહં પિતૄન્ વિપ્રૈર્નૈષ્ઠિકૈર્ધર્મચારિભિઃ ।

યે સંયતાત્મભિર્નિત્યં સન્તર્પ્યન્તે સમાધિભિઃ

॥ 7 ॥

શ્લોક 9

નમસ્યેઽહં પિતૄન્ શ્રાદ્ધૈ રાજન્યાસ્તર્પયન્તિ યાન્ ।

કવ્યૈરશેષૈર્વિધિવલ્લોકદ્વયફલપ્રદાન્

॥ 8 ॥

શ્લોક 10

નમસ્યેઽહં પિતૄન્ વૈશ્યૈરર્ચ્યન્તે ભુવિ યે સદા ।

સ્વકર્માભિરતૈર્નિત્યં પુષ્પધૂપાન્નવારિભિઃ

॥ 9 ॥

શ્લોક 11

નમસ્યેઽહં પિતૄન્ શ્રાદ્ધે શૂદ્રૈરપિ ચ ભક્તિતઃ ।

સન્તર્પ્યન્તે જગત્કૃત્સ્નં નામ્ના ખ્યાતાઃ સુકાલિનઃ

॥ 10 ॥

શ્લોક 12

નમસ્યેઽહં પિતૄન્ શ્રાદ્ધે પાતાલે યે મહાસુરૈઃ ।

સન્તર્પ્યન્તે સુધાહારાસ્ત્યક્તદમ્ભમદૈઃ સદા

॥ 11 ॥

શ્લોક 13

નમસ્યેઽહં પિતૄન્ શ્રાદ્ધૈરર્ચ્યન્તે યે રસાતલે ।

ભોગૈરશેષૈર્વિધિવન્નાગૈઃ કામાનભીપ્સુભિઃ

॥ 12 ॥

શ્લોક 14

નમસ્યેઽહં પિતૄન્ શ્રાદ્ધૈઃ સર્પૈઃ સન્તર્પિતાન્સદા ।

તત્રૈવ વિધિવન્મન્ત્રભોગસમ્પત્સમન્વિતૈઃ

॥ 13 ॥

શ્લોક 15

પિતૄન્નમસ્યે નિવસન્તિ સાક્ષા-

-દ્યે દેવલોકેઽથ મહીતલે વા ।

તથાઽન્તરિક્ષે ચ સુરારિપૂજ્યા-

-સ્તે મે પ્રતીચ્છન્તુ મનોપનીતમ્

॥ 14 ॥

શ્લોક 16

પિતૄન્નમસ્યે પરમાર્થભૂતા

યે વૈ વિમાને નિવસન્ત્યમૂર્તાઃ ।

યજન્તિ યાનસ્તમલૈર્મનોભિ-

-ર્યોગીશ્વરાઃ ક્લેશવિમુક્તિહેતૂન્

॥ 15 ॥

શ્લોક 17

પિતૄન્નમસ્યે દિવિ યે ચ મૂર્તાઃ

સ્વધાભુજઃ કામ્યફલાભિસન્ધૌ ।

પ્રદાનશક્તાઃ સકલેપ્સિતાનાં

વિમુક્તિદા યેઽનભિસંહિતેષુ

॥ 16 ॥

શ્લોક 18

તૃપ્યન્તુ તેઽસ્મિન્પિતરઃ સમસ્તા

ઇચ્છાવતાં યે પ્રદિશન્તિ કામાન્ ।

સુરત્વમિન્દ્રત્વમિતોઽધિકં વા

ગજાશ્વરત્નાનિ મહાગૃહાણિ

॥ 17 ॥

શ્લોક 19

સોમસ્ય યે રશ્મિષુ યેઽર્કબિમ્બે

શુક્લે વિમાને ચ સદા વસન્તિ ।

તૃપ્યન્તુ તેઽસ્મિન્પિતરોઽન્નતોયૈ-

-ર્ગન્ધાદિના પુષ્ટિમિતો વ્રજન્તુ

॥ 18 ॥

શ્લોક 20

યેષાં હુતેઽગ્નૌ હવિષા ચ તૃપ્તિ-

-ર્યે ભુઞ્જતે વિપ્રશરીરસંસ્થાઃ ।

યે પિણ્ડદાનેન મુદં પ્રયાન્તિ

તૃપ્યન્તુ તેઽસ્મિન્પિતરોઽન્નતોયૈઃ

॥ 19 ॥

શ્લોક 21

યે ખડ્ગમાંસેન સુરૈરભીષ્ટૈઃ

કૃષ્ણૈસ્તિલૈર્દિવ્ય મનોહરૈશ્ચ ।

કાલેન શાકેન મહર્ષિવર્યૈઃ

સમ્પ્રીણિતાસ્તે મુદમત્ર યાન્તુ

॥ 20 ॥

શ્લોક 22

કવ્યાન્યશેષાણિ ચ યાન્યભીષ્ટા-

-ન્યતીવ તેષાં મમ પૂજિતાનામ્ ।

તેષાઞ્ચ સાન્નિધ્યમિહાસ્તુ પુષ્પ-

-ગન્ધામ્બુભોજ્યેષુ મયા કૃતેષુ

॥ 21 ॥

શ્લોક 23

દિને દિને યે પ્રતિગૃહ્ણતેઽર્ચાં

માસાન્તપૂજ્યા ભુવિ યેઽષ્ટકાસુ ।

યે વત્સરાન્તેઽભ્યુદયે ચ પૂજ્યાઃ

પ્રયાન્તુ તે મે પિતરોઽત્ર તુષ્ટિમ્

॥ 22 ॥

શ્લોક 24

પૂજ્યા દ્વિજાનાં કુમુદેન્દુભાસો

યે ક્ષત્રિયાણાં જ્વલનાર્કવર્ણાઃ ।

તથા વિશાં યે કનકાવદાતા

નીલીપ્રભાઃ શૂદ્રજનસ્ય યે ચ

॥ 23 ॥

શ્લોક 25

તેઽસ્મિન્સમસ્તા મમ પુષ્પગન્ધ-

-ધૂપામ્બુભોજ્યાદિનિવેદનેન ।

તથાઽગ્નિહોમેન ચ યાન્તિ તૃપ્તિં

સદા પિતૃભ્યઃ પ્રણતોઽસ્મિ તેભ્યઃ

॥ 24 ॥

શ્લોક 26

યે દેવપૂર્વાણ્યભિતૃપ્તિહેતો-

-રશ્નન્તિ કવ્યાનિ શુભાહૃતાનિ ।

તૃપ્તાશ્ચ યે ભૂતિસૃજો ભવન્તિ

તૃપ્યન્તુ તેઽસ્મિન્પ્રણતોઽસ્મિ તેભ્યઃ

॥ 25 ॥

શ્લોક 27

રક્ષાંસિ ભૂતાન્યસુરાંસ્તથોગ્રા-

-ન્નિર્નાશયન્તુ ત્વશિવં પ્રજાનામ્ ।

આદ્યાઃ સુરાણામમરેશપૂજ્યા-

-સ્તૃપ્યન્તુ તેઽસ્મિન્પ્રણતોઽસ્મિતેભ્યઃ

॥ 26 ॥

શ્લોક 28

અગ્નિસ્વાત્તા બર્હિષદ આજ્યપાઃ સોમપાસ્તથા ।

વ્રજન્તુ તૃપ્તિં શ્રાદ્ધેઽસ્મિન્પિતરસ્તર્પિતા મયા

॥ 27 ॥

શ્લોક 29

અગ્નિસ્વાત્તાઃ પિતૃગણાઃ પ્રાચીં રક્ષન્તુ મે દિશમ્ ।

તથા બર્હિષદઃ પાન્તુ યામ્યાં મે પિતરઃ સદા ।

પ્રતીચીમાજ્યપાસ્તદ્વદુદીચીમપિ સોમપાઃ

॥ 28 ॥

શ્લોક 30

રક્ષોભૂતપિશાચેભ્યસ્તથૈવાસુરદોષતઃ ।

સર્વતઃ પિતરો રક્ષાં કુર્વન્તુ મમ નિત્યશઃ

॥ 29 ॥

શ્લોક 31

વિશ્વો વિશ્વભુગારાધ્યો ધર્મો ધન્યઃ શુભાનનઃ ।

ભૂતિદો ભૂતિકૃદ્ભૂતિઃ પિતૄણાં યે ગણા નવ

॥ 30 ॥

શ્લોક 32

કલ્યાણઃ કલ્યદઃ કર્તા કલ્યઃ કલ્યતરાશ્રયઃ ।

કલ્યતાહેતુરનઘઃ ષડિમે તે ગણાઃ સ્મૃતાઃ

॥ 31 ॥

શ્લોક 33

વરો વરેણ્યો વરદસ્તુષ્ટિદઃ પુષ્ટિદસ્તથા ।

વિશ્વપાતા તથા ધાતા સપ્તૈતે ચ ગણાઃ સ્મૃતાઃ

॥ 32 ॥

શ્લોક 34

મહાન્મહાત્મા મહિતો મહિમાવાન્મહાબલઃ ।

ગણાઃ પઞ્ચ તથૈવૈતે પિતૄણાં પાપનાશનાઃ

॥ 33 ॥

શ્લોક 35

સુખદો ધનદશ્ચાન્યો ધર્મદોઽન્યશ્ચ ભૂતિદઃ ।

પિતૄણાં કથ્યતે ચૈવ તથા ગણચતુષ્ટયમ્

॥ 34 ॥

શ્લોક 36

એકત્રિંશત્પિતૃગણા યૈર્વ્યાપ્તમખિલં જગત્ ।

ત એવાત્ર પિતૃગણાસ્તુષ્યન્તુ ચ મદાહિતમ્

॥ 35 ॥

શ્લોક 37

ઇતિ શ્રી ગરુડપુરાણે ઊનનવતિતમોઽધ્યાયે રુચિકૃત પિતૃ સ્તોત્રમ્ ।