Pavamana Suktam
పవమాన సూక్తమ్
Pavamana Suktam
పవమాన సూక్తమ్
శ్లోక 1
ఓమ్ ॥ హిర॑ణ్యవర్ణా॒-శ్శుచ॑యః పావ॒కా
యాసు॑ జా॒తః క॒శ్యపో॒ యాస్విన్ద్రః॑ ।
అ॒గ్నిం-యాఁ గర్భ॑-న్దధి॒రే విరూ॑పా॒స్తా
న॒ ఆప॒శ్శగ్గ్ స్యో॒నా భ॑వన్తు ॥
యాసా॒గ్ం॒ రాజా॒ వరు॑ణో॒ యాతి॒ మధ్యే॑
సత్యానృ॒తే అ॑వ॒పశ్య॒-ఞ్జనా॑నామ్ ।
మ॒ధు॒శ్చుత॒శ్శుచ॑యో॒ యాః పా॑వ॒కాస్తా
న॒ ఆప॒శ్శగ్గ్ స్యో॒నా భ॑వన్తు ॥
యాసా᳚-న్దే॒వా ది॒వి కృ॒ణ్వన్తి॑ భ॒క్షం
యా అ॒న్తరి॑క్షే బహు॒ధా భవ॑న్తి ।
యాః పృ॑థి॒వీ-మ్పయ॑సో॒న్దన్తి శు॒క్రాస్తా
న॒ ఆప॒శ్శగ్గ్ స్యో॒నా భ॑వన్తు ॥
శి॒వేన॑ మా॒ చక్షు॑షా పశ్యతాపశ్శి॒వయా॑
త॒నువోప॑ స్పృశత॒ త్వచ॑ఓ మే ।
సర్వాగ్॑ఓ అ॒గ్నీగ్ం ర॑ప్సు॒షదో॑ హువే వో॒ మయి॒
వర్చో॒ బల॒మోజో॒ నిధ॑త్త ॥
పవ॑మాన॒స్సువ॒ర్జనః॑ । ప॒విత్రే॑ణ॒ విచ॑ర్షణిః ।
యః పోతా॒ స పు॑నాతు మా । పు॒నన్తు॑ మా దేవజ॒నాః ।
పు॒నన్తు॒ మన॑వో ధి॒యా । పు॒నన్తు॒ విశ్వ॑ ఆ॒యవః॑ ।
జాత॑వేదః ప॒విత్ర॑వత్ । ప॒విత్రే॑ణ పునాహి మా ।
శు॒క్రేణ॑ దేవ॒దీద్య॑త్ । అగ్నే॒ క్రత్వా॒ క్రతూ॒గ్ం॒ రను॑ ।
యత్తే॑ ప॒విత్ర॑మ॒ర్చిషి॑ । అగ్నే॒ విత॑తమన్త॒రా ।
బ్రహ్మ॒ తేన॑ పునీమహే । ఉ॒భాభ్యా᳚-న్దేవసవితః ।
ప॒విత్రే॑ణ స॒వేన॑ చ । ఇ॒ద-మ్బ్రహ్మ॑ పునీమహే ।
వై॒శ్వ॒దే॒వీ పు॑న॒తీ దే॒వ్యాగా᳚త్ ।
యస్యై॑ బ॒హ్వీస్త॒నువో॑ వీ॒తపృ॑ష్ఠాః ।
తయా॒ మద॑న్త-స్సధ॒మాద్యే॑షు ।
వ॒యగ్గ్ స్యా॑మ॒ పత॑యో రయీ॒ణామ్ ।
వై॒శ్వా॒న॒రో ర॒శ్మిభి॑ర్మా పునాతు ।
వాతః॑ ప్రా॒ణేనే॑షి॒రో మ॑యో॒ భూః ।
ద్యావా॑పృథి॒వీ పయ॑సా॒ పయో॑భిః ।
ఋ॒తావ॑రీ య॒జ్ఞియే॑ మా పునీతామ్ ॥
బృ॒హద్భిః॑ సవిత॒స్తృభిః॑ ।
వర్షి॑ష్ఠైర్దేవ॒మన్మ॑భిః । అగ్నే॒ దక్షైః᳚ పునాహి మా ।
యేన॑ దే॒వా అపు॑నత । యేనాపో॑ ది॒వ్యఙ్కశః॑ ।
తేన॑ ది॒వ్యేన॒ బ్రహ్మ॑ణా । ఇ॒ద-మ్బ్రహ్మ॑ పునీమహే ।
యః పా॑వమా॒నీర॒ద్ధ్యేతి॑ । ఋషి॑భి॒స్సమ్భృ॑త॒గ్ం॒ రసమ్᳚ ।
సర్వ॒గ్ం॒ స పూ॒తమ॑శ్నాతి । స్వ॒ది॒త-మ్మా॑త॒రిశ్వ॑నా ।
పా॒వ॒మా॒నీర్యో అ॒ధ్యేతి॑ । ఋషి॑భి॒స్సమ్భృ॑త॒గ్ం॒ రసమ్᳚ ।
తస్మై॒ సర॑స్వతీ దుహే । క్షీ॒రగ్ం స॒ర్పిర్మధూ॑ద॒కమ్ ॥
పా॒వ॒మా॒నీస్స్వ॒స్త్యయ॑నీః । సు॒దుఘా॒హి పయ॑స్వతీః ।
ఋషి॑భి॒స్సమ్భృ॑తో॒ రసః॑ । బ్రా॒హ్మ॒ణేష్వ॒మృతగ్॑ఓ హి॒తమ్ ।
పా॒వ॒మా॒నీర్ది॑శన్తు నః । ఇ॒మం-లోఁ॒కమథో॑ అ॒ముమ్ ।
కామా॒న్థ్సమ॑ర్ధయన్తు నః । దే॒వీర్దే॒వై-స్స॒మాభృ॑తాః ।
పా॒వ॒మా॒నీస్స్వ॒స్త్యయ॑నీః । సు॒దుఘా॒హి ఘృ॑త॒శ్చుతః॑ ।
ఋషి॑భి॒-స్సమ్భృ॑తో॒ రసః॑ । బ్రా॒హ్మ॒ణేష్వ॒మృతగ్॑ఓ హి॒తమ్ ।
యేన॑ దే॒వాః ప॒విత్రే॑ణ । ఆ॒త్మాన॑-మ్పు॒నతే॒ సదా᳚ ।
తేన॑ స॒హస్ర॑ధారేణ । పా॒వ॒మా॒న్యః పు॑నన్తు మా ।
ప్రా॒జా॒ప॒త్య-మ్ప॒విత్రమ్᳚ । శ॒తోద్యా॑మగ్ం హిర॒ణ్మయమ్᳚ ।
తేన॑ బ్రహ్మ॒ విదో॑ వ॒యమ్ । పూ॒త-మ్బ్రహ్మ॑ పునీమహే ।
ఇన్ద్ర॑స్సునీ॒తీ స॒హమా॑ పునాతు । సోమ॑స్స్వ॒స్త్యా వ॑రుణస్స॒మీచ్యా᳚ ।
య॒మో రాజా᳚ ప్రమృ॒ణాభిః॑ పునాతు మా । జా॒తవే॑దా మో॒ర్జయ॑న్త్యా పునాతు ।
భూర్భువ॒స్సువః॑ ॥
ఓ-న్తచ్ఛం॒-యోఁరావృ॑ణీమహే । గా॒తుం-యఁ॒జ్ఞాయ॑ । గా॒తుం-యఁ॒జ్ఞప॑తయే ।
దైవీ᳚స్స్వ॒స్తిర॑స్తు నః । స్వ॒స్తిర్మాను॑షేభ్యః । ఊ॒ర్ధ్వ-ఞ్జి॑గాతు భేష॒జమ్ ।
శన్నో॑ అస్తు ద్వి॒పదే᳚ । శ-ఞ్చతు॑ష్పదే ॥
ఓం శాన్తి॒-శ్శాన్తి॒-శ్శాన్తిః॑ ॥