Pavamana Suktam
പവമാന സൂക്തമ്
Pavamana Suktam
പവമാന സൂക്തമ്
ശ്ലോക 1
ഓമ് ॥ ഹിര॑ണ്യവര്ണാ॒-ശ്ശുച॑യഃ പാവ॒കാ
യാസു॑ ജാ॒തഃ ക॒ശ്യപോ॒ യാസ്വിന്ദ്രഃ॑ ।
അ॒ഗ്നിം-യാഁ ഗര്ഭ॑-ന്ദധി॒രേ വിരൂ॑പാ॒സ്താ
ന॒ ആപ॒ശ്ശഗ്ഗ് സ്യോ॒നാ ഭ॑വന്തു ॥
യാസാ॒ഗ്ം॒ രാജാ॒ വരു॑ണോ॒ യാതി॒ മധ്യേ॑
സത്യാനൃ॒തേ അ॑വ॒പശ്യ॒-ഞ്ജനാ॑നാമ് ।
മ॒ധു॒ശ്ചുത॒ശ്ശുച॑യോ॒ യാഃ പാ॑വ॒കാസ്താ
ന॒ ആപ॒ശ്ശഗ്ഗ് സ്യോ॒നാ ഭ॑വന്തു ॥
യാസാ᳚-ന്ദേ॒വാ ദി॒വി കൃ॒ണ്വന്തി॑ ഭ॒ക്ഷം
യാ അ॒ന്തരി॑ക്ഷേ ബഹു॒ധാ ഭവ॑ന്തി ।
യാഃ പൃ॑ഥി॒വീ-മ്പയ॑സോ॒ന്ദന്തി ശു॒ക്രാസ്താ
ന॒ ആപ॒ശ്ശഗ്ഗ് സ്യോ॒നാ ഭ॑വന്തു ॥
ശി॒വേന॑ മാ॒ ചക്ഷു॑ഷാ പശ്യതാപശ്ശി॒വയാ॑
ത॒നുവോപ॑ സ്പൃശത॒ ത്വച॑ഓ മേ ।
സര്വാഗ്॑ഓ അ॒ഗ്നീഗ്ം ര॑പ്സു॒ഷദോ॑ ഹുവേ വോ॒ മയി॒
വര്ചോ॒ ബല॒മോജോ॒ നിധ॑ത്ത ॥
പവ॑മാന॒സ്സുവ॒ര്ജനഃ॑ । പ॒വിത്രേ॑ണ॒ വിച॑ര്ഷണിഃ ।
യഃ പോതാ॒ സ പു॑നാതു മാ । പു॒നന്തു॑ മാ ദേവജ॒നാഃ ।
പു॒നന്തു॒ മന॑വോ ധി॒യാ । പു॒നന്തു॒ വിശ്വ॑ ആ॒യവഃ॑ ।
ജാത॑വേദഃ പ॒വിത്ര॑വത് । പ॒വിത്രേ॑ണ പുനാഹി മാ ।
ശു॒ക്രേണ॑ ദേവ॒ദീദ്യ॑ത് । അഗ്നേ॒ ക്രത്വാ॒ ക്രതൂ॒ഗ്ം॒ രനു॑ ।
യത്തേ॑ പ॒വിത്ര॑മ॒ര്ചിഷി॑ । അഗ്നേ॒ വിത॑തമന്ത॒രാ ।
ബ്രഹ്മ॒ തേന॑ പുനീമഹേ । ഉ॒ഭാഭ്യാ᳚-ന്ദേവസവിതഃ ।
പ॒വിത്രേ॑ണ സ॒വേന॑ ച । ഇ॒ദ-മ്ബ്രഹ്മ॑ പുനീമഹേ ।
വൈ॒ശ്വ॒ദേ॒വീ പു॑ന॒തീ ദേ॒വ്യാഗാ᳚ത് ।
യസ്യൈ॑ ബ॒ഹ്വീസ്ത॒നുവോ॑ വീ॒തപൃ॑ഷ്ഠാഃ ।
തയാ॒ മദ॑ന്ത-സ്സധ॒മാദ്യേ॑ഷു ।
വ॒യഗ്ഗ് സ്യാ॑മ॒ പത॑യോ രയീ॒ണാമ് ।
വൈ॒ശ്വാ॒ന॒രോ ര॒ശ്മിഭി॑ര്മാ പുനാതു ।
വാതഃ॑ പ്രാ॒ണേനേ॑ഷി॒രോ മ॑യോ॒ ഭൂഃ ।
ദ്യാവാ॑പൃഥി॒വീ പയ॑സാ॒ പയോ॑ഭിഃ ।
ഋ॒താവ॑രീ യ॒ജ്ഞിയേ॑ മാ പുനീതാമ് ॥
ബൃ॒ഹദ്ഭിഃ॑ സവിത॒സ്തൃഭിഃ॑ ।
വര്ഷി॑ഷ്ഠൈര്ദേവ॒മന്മ॑ഭിഃ । അഗ്നേ॒ ദക്ഷൈഃ᳚ പുനാഹി മാ ।
യേന॑ ദേ॒വാ അപു॑നത । യേനാപോ॑ ദി॒വ്യങ്കശഃ॑ ।
തേന॑ ദി॒വ്യേന॒ ബ്രഹ്മ॑ണാ । ഇ॒ദ-മ്ബ്രഹ്മ॑ പുനീമഹേ ।
യഃ പാ॑വമാ॒നീര॒ദ്ധ്യേതി॑ । ഋഷി॑ഭി॒സ്സമ്ഭൃ॑ത॒ഗ്ം॒ രസമ്᳚ ।
സര്വ॒ഗ്ം॒ സ പൂ॒തമ॑ശ്നാതി । സ്വ॒ദി॒ത-മ്മാ॑ത॒രിശ്വ॑നാ ।
പാ॒വ॒മാ॒നീര്യോ അ॒ധ്യേതി॑ । ഋഷി॑ഭി॒സ്സമ്ഭൃ॑ത॒ഗ്ം॒ രസമ്᳚ ।
തസ്മൈ॒ സര॑സ്വതീ ദുഹേ । ക്ഷീ॒രഗ്ം സ॒ര്പിര്മധൂ॑ദ॒കമ് ॥
പാ॒വ॒മാ॒നീസ്സ്വ॒സ്ത്യയ॑നീഃ । സു॒ദുഘാ॒ഹി പയ॑സ്വതീഃ ।
ഋഷി॑ഭി॒സ്സമ്ഭൃ॑തോ॒ രസഃ॑ । ബ്രാ॒ഹ്മ॒ണേഷ്വ॒മൃതഗ്॑ഓ ഹി॒തമ് ।
പാ॒വ॒മാ॒നീര്ദി॑ശന്തു നഃ । ഇ॒മം-ലോഁ॒കമഥോ॑ അ॒മുമ് ।
കാമാ॒ന്ഥ്സമ॑ര്ധയന്തു നഃ । ദേ॒വീര്ദേ॒വൈ-സ്സ॒മാഭൃ॑താഃ ।
പാ॒വ॒മാ॒നീസ്സ്വ॒സ്ത്യയ॑നീഃ । സു॒ദുഘാ॒ഹി ഘൃ॑ത॒ശ്ചുതഃ॑ ।
ഋഷി॑ഭി॒-സ്സമ്ഭൃ॑തോ॒ രസഃ॑ । ബ്രാ॒ഹ്മ॒ണേഷ്വ॒മൃതഗ്॑ഓ ഹി॒തമ് ।
യേന॑ ദേ॒വാഃ പ॒വിത്രേ॑ണ । ആ॒ത്മാന॑-മ്പു॒നതേ॒ സദാ᳚ ।
തേന॑ സ॒ഹസ്ര॑ധാരേണ । പാ॒വ॒മാ॒ന്യഃ പു॑നന്തു മാ ।
പ്രാ॒ജാ॒പ॒ത്യ-മ്പ॒വിത്രമ്᳚ । ശ॒തോദ്യാ॑മഗ്ം ഹിര॒ണ്മയമ്᳚ ।
തേന॑ ബ്രഹ്മ॒ വിദോ॑ വ॒യമ് । പൂ॒ത-മ്ബ്രഹ്മ॑ പുനീമഹേ ।
ഇന്ദ്ര॑സ്സുനീ॒തീ സ॒ഹമാ॑ പുനാതു । സോമ॑സ്സ്വ॒സ്ത്യാ വ॑രുണസ്സ॒മീച്യാ᳚ ।
യ॒മോ രാജാ᳚ പ്രമൃ॒ണാഭിഃ॑ പുനാതു മാ । ജാ॒തവേ॑ദാ മോ॒ര്ജയ॑ന്ത്യാ പുനാതു ।
ഭൂര്ഭുവ॒സ്സുവഃ॑ ॥
ഓ-ന്തച്ഛം॒-യോഁരാവൃ॑ണീമഹേ । ഗാ॒തും-യഁ॒ജ്ഞായ॑ । ഗാ॒തും-യഁ॒ജ്ഞപ॑തയേ ।
ദൈവീ᳚സ്സ്വ॒സ്തിര॑സ്തു നഃ । സ്വ॒സ്തിര്മാനു॑ഷേഭ്യഃ । ഊ॒ര്ധ്വ-ഞ്ജി॑ഗാതു ഭേഷ॒ജമ് ।
ശന്നോ॑ അസ്തു ദ്വി॒പദേ᳚ । ശ-ഞ്ചതു॑ഷ്പദേ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥