పశుపత్యష్టకమ్

పశుపత్యష్టకమ్

శ్లోక 1

పశుపతీన్దుపతిం ధరణీపతిం భుజగలోకపతిం చ సతీపతిమ్ ।

ప్రణతభక్తజనార్తిహరం పరం భజత రే మనుజా గిరిజాపతిమ్

శ్లోక 2

న జనకో జననీ న చ సోదరో న తనయో న చ భూరిబలం కులమ్ ।

అవతి కోఽపి న కాలవశం గతం భజత రే మనుజా గిరిజాపతిమ్

॥1॥

శ్లోక 3

మురజడిణ్డిమవాద్యవిలక్షణం మధురపఞ్చమనాదవిశారదమ్ ।

ప్రమథభూతగణైరపి సేవితం భజత రే మనుజా గిరిజాపతిమ్

॥2॥

శ్లోక 4

శరణదం సుఖదం శరణాన్వితం శివ శివేతి శివేతి నతం నృణామ్ ।

అభయదం కరుణావరుణాలయం భజత రే మనుజా గిరిజాపతిమ్

॥3॥

శ్లోక 5

నరశిరోరచితం మణికుణ్డలం భుజగహారముదం వృషభధ్వజమ్ ।

చితిరజోధవలీకృతవిగ్రహం భజత రే  మనుజా గిరిజాపతిమ్

॥4॥

శ్లోక 6

మఖవినాశకరం శశిశేఖరం సతతమధ్వరభాజిఫలప్రదమ్ ।

ప్రలయదగ్ధసురాసురమానవం భజత రే మనుజా గిరిజాపతిమ్

॥5॥

శ్లోక 7

మదమపాస్య చిరం హృది సంస్థితం మరణజన్మజరామయపీడితమ్ ।

జగదుదీక్ష్య సమీపభయాకులం భజత రే మనుజా గిరిజాపతిమ్

॥6॥

శ్లోక 8

హరివిరఞ్చిసురాధిపపూజితం యమజనేశధనేశనమస్కౄతమ్ ।

త్రినయనం భువనత్రితయాధిపం భజత రే మనుజా గిరిజాపతిమ్

॥7॥

శ్లోక 9

పశుపతేరిదమష్టకమద్భుతం విరచితం పృథివీపతిసూరిణా ।

పఠతి సంశ‍ఋణుతే మనుజః సదా శివపురీం వసతే లభతే ముదమ్

॥8॥

శ్లోక 10

ఇతి శ్రీపశుపత్యష్టకం సమ్పూర్ణమ్ ॥