പശുപത്യഷ്ടകമ്

പശുപത്യഷ്ടകമ്

ശ്ലോക 1

പശുപതീന്ദുപതിം ധരണീപതിം ഭുജഗലോകപതിം ച സതീപതിമ് ।

പ്രണതഭക്തജനാര്തിഹരം പരം ഭജത രേ മനുജാ ഗിരിജാപതിമ്

ശ്ലോക 2

ന ജനകോ ജനനീ ന ച സോദരോ ന തനയോ ന ച ഭൂരിബലം കുലമ് ।

അവതി കോഽപി ന കാലവശം ഗതം ഭജത രേ മനുജാ ഗിരിജാപതിമ്

॥1॥

ശ്ലോക 3

മുരജഡിണ്ഡിമവാദ്യവിലക്ഷണം മധുരപഞ്ചമനാദവിശാരദമ് ।

പ്രമഥഭൂതഗണൈരപി സേവിതം ഭജത രേ മനുജാ ഗിരിജാപതിമ്

॥2॥

ശ്ലോക 4

ശരണദം സുഖദം ശരണാന്വിതം ശിവ ശിവേതി ശിവേതി നതം നൃണാമ് ।

അഭയദം കരുണാവരുണാലയം ഭജത രേ മനുജാ ഗിരിജാപതിമ്

॥3॥

ശ്ലോക 5

നരശിരോരചിതം മണികുണ്ഡലം ഭുജഗഹാരമുദം വൃഷഭധ്വജമ് ।

ചിതിരജോധവലീകൃതവിഗ്രഹം ഭജത രേ  മനുജാ ഗിരിജാപതിമ്

॥4॥

ശ്ലോക 6

മഖവിനാശകരം ശശിശേഖരം സതതമധ്വരഭാജിഫലപ്രദമ് ।

പ്രലയദഗ്ധസുരാസുരമാനവം ഭജത രേ മനുജാ ഗിരിജാപതിമ്

॥5॥

ശ്ലോക 7

മദമപാസ്യ ചിരം ഹൃദി സംസ്ഥിതം മരണജന്മജരാമയപീഡിതമ് ।

ജഗദുദീക്ഷ്യ സമീപഭയാകുലം ഭജത രേ മനുജാ ഗിരിജാപതിമ്

॥6॥

ശ്ലോക 8

ഹരിവിരഞ്ചിസുരാധിപപൂജിതം യമജനേശധനേശനമസ്കൄതമ് ।

ത്രിനയനം ഭുവനത്രിതയാധിപം ഭജത രേ മനുജാ ഗിരിജാപതിമ്

॥7॥

ശ്ലോക 9

പശുപതേരിദമഷ്ടകമദ്ഭുതം വിരചിതം പൃഥിവീപതിസൂരിണാ ।

പഠതി സംശ‍ഋണുതേ മനുജഃ സദാ ശിവപുരീം വസതേ ലഭതേ മുദമ്

॥8॥

ശ്ലോക 10

ഇതി ശ്രീപശുപത്യഷ്ടകം സമ്പൂര്ണമ് ॥