ಶ್ರೀ ಪಾಣ್ಡುರಙ್ಗ ಅಷ್ಟಕಮ್

ಶ್ರೀ ಪಾಣ್ಡುರಙ್ಗ ಅಷ್ಟಕಮ್

ಶ್ಲೋಕ 1

ಮಹಾಯೋಗಪೀಠೇ ತಟೇ ಭೀಮರಥ್ಯಾ

ವರಂ ಪುಣ್ಡರೀಕಾಯ ದಾತುಂ ಮುನೀನ್ದ್ರೈಃ ।

ಸಮಾಗತ್ಯ ತಿಷ್ಠನ್ತಮಾನನ್ದಕನ್ದಂ

ಪರಬ್ರಹ್ಮಲಿಙ್ಗಂ ಭಜೇ ಪಾಣ್ಡುರಙ್ಗಮ್

ಶ್ಲೋಕ 2

ತಟಿದ್ವಾಸಸಂ ನೀಲಮೇಘಾವಭಾಸಂ

ರಮಾಮನ್ದಿರಂ ಸುನ್ದರಂ ಚಿತ್ಪ್ರಕಾಶಮ್ ।

ವರಂ ತ್ವಿಷ್ಟಕಾಯಾಂ ಸಮನ್ಯಸ್ತಪಾದಂ

ಪರಬ್ರಹ್ಮಲಿಙ್ಗಂ ಭಜೇ ಪಾಣ್ಡುರಙ್ಗಮ್

॥ 1 ॥

ಶ್ಲೋಕ 3

ಪ್ರಮಾಣಂ ಭವಾಬ್ಧೇರಿದಂ ಮಾಮಕಾನಾಂ

ನಿತಮ್ಬಃ ಕರಾಭ್ಯಾಂ ಧೃತೋ ಯೇನ ತಸ್ಮಾತ್ ।

ವಿಧಾತುರ್ವಸತ್ಯೈ ಧೃತೋ ನಾಭಿಕೋಶಃ

ಪರಬ್ರಹ್ಮಲಿಙ್ಗಂ ಭಜೇ ಪಾಣ್ಡುರಙ್ಗಮ್

॥ 2 ॥

ಶ್ಲೋಕ 4

ಸ್ಫುರತ್ಕೌಸ್ತುಭಾಲಙ್ಕೃತಂ ಕಣ್ಠದೇಶೇ

ಶ್ರಿಯಾ ಜುಷ್ಟಕೇಯೂರಕಂ ಶ್ರೀನಿವಾಸಮ್ ।

ಶಿವಂ ಶಾನ್ತಮೀಡ್ಯಂ ವರಂ ಲೋಕಪಾಲಂ

ಪರಬ್ರಹ್ಮಲಿಙ್ಗಂ ಭಜೇ ಪಾಣ್ಡುರಙ್ಗಮ್

॥ 3 ॥

ಶ್ಲೋಕ 5

ಶರಚ್ಚನ್ದ್ರಬಿಮ್ಬಾನನಂ ಚಾರುಹಾಸಂ

ಲಸತ್ಕುಣ್ಡಲಾಕ್ರಾನ್ತಗಣ್ಡಸ್ಥಲಾನ್ತಮ್ ।

ಜಪಾರಾಗಬಿಮ್ಬಾಧರಂ ಕಞ್ಜನೇತ್ರಂ

ಪರಬ್ರಹ್ಮಲಿಙ್ಗಂ ಭಜೇ ಪಾಣ್ಡುರಙ್ಗಮ್

॥ 4 ॥

ಶ್ಲೋಕ 6

ಕಿರೀಟೋಜ್ಜ್ವಲತ್ಸರ್ವದಿಕ್ಪ್ರಾನ್ತಭಾಗಂ

ಸುರೈರರ್ಚಿತಂ ದಿವ್ಯರತ್ನೈರನರ್ಘೈಃ ।

ತ್ರಿಭಙ್ಗಾಕೃತಿಂ ಬರ್ಹಮಾಲ್ಯಾವತಂಸಂ

ಪರಬ್ರಹ್ಮಲಿಙ್ಗಂ ಭಜೇ ಪಾಣ್ಡುರಙ್ಗಮ್

॥ 5 ॥

ಶ್ಲೋಕ 7

ವಿಭುಂ ವೇಣುನಾದಂ ಚರನ್ತಂ ದುರನ್ತಂ

ಸ್ವಯಂ ಲೀಲಯಾ ಗೋಪವೇಷಂ ದಧಾನಮ್ ।

ಗವಾಂ ಬೃನ್ದಕಾನನ್ದದಂ ಚಾರುಹಾಸಂ

ಪರಬ್ರಹ್ಮಲಿಙ್ಗಂ ಭಜೇ ಪಾಣ್ಡುರಙ್ಗಮ್

॥ 6 ॥

ಶ್ಲೋಕ 8

ಅಜಂ ರುಕ್ಮಿಣೀಪ್ರಾಣಸಞ್ಜೀವನಂ ತಂ

ಪರಂ ಧಾಮ ಕೈವಲ್ಯಮೇಕಂ ತುರೀಯಮ್ ।

ಪ್ರಸನ್ನಂ ಪ್ರಪನ್ನಾರ್ತಿಹಂ ದೇವದೇವಂ

ಪರಬ್ರಹ್ಮಲಿಙ್ಗಂ ಭಜೇ ಪಾಣ್ಡುರಙ್ಗಮ್

॥ 7 ॥

ಶ್ಲೋಕ 9

ಸ್ತವಂ ಪಾಣ್ಡುರಙ್ಗಸ್ಯ ವೈ ಪುಣ್ಯದಂ ಯೇ

ಪಠನ್ತ್ಯೇಕಚಿತ್ತೇನ ಭಕ್ತ್ಯಾ ಚ ನಿತ್ಯಮ್ ।

ಭವಾಮ್ಭೋನಿಧಿಂ ತೇಽಪಿ ತೀರ್ತ್ವಾನ್ತಕಾಲೇ

ಹರೇರಾಲಯಂ ಶಾಶ್ವತಂ ಪ್ರಾಪ್ನುವನ್ತಿ

॥ 8 ॥

ಶ್ಲೋಕ 10

ಇತಿ ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀಮಚ್ಛಙ್ಕರಭಗವತ್ಪಾದಾಚಾರ್ಯ ವಿರಚಿತಂ ಶ್ರೀ ಪಾಣ್ಡುರಙ್ಗಾಷ್ಟಕಮ್ ।