നവരത്ന മാലികാ സ്തോത്രമ്

നവരത്ന മാലികാ സ്തോത്രമ്

ശ്ലോക 1

ഹാരനൂപുരകിരീടകുണ്ഡലവിഭൂഷിതാവയവശോഭിനീം

കാരണേശവരമൌലികോടിപരികല്പ്യമാനപദപീഠികാമ് ।

കാലകാലഫണിപാശബാണധനുരങ്കുശാമരുണമേഖലാം

ഫാലഭൂതിലകലോചനാം മനസി ഭാവയാമി പരദേവതാമ്

ശ്ലോക 2

ഗന്ധസാരഘനസാരചാരുനവനാഗവല്ലിരസവാസിനീം

സാന്ധ്യരാഗമധുരാധരാഭരണസുന്ദരാനനശുചിസ്മിതാമ് ।

മന്ധരായതവിലോചനാമമലബാലചന്ദ്രകൃതശേഖരീം

ഇന്ദിരാരമണസോദരീം മനസി ഭാവയാമി പരദേവതാമ്

॥ 1 ॥

ശ്ലോക 3

സ്മേരചാരുമുഖമണ്ഡലാം വിമലഗണ്ഡലമ്ബിമണിമണ്ഡലാം

ഹാരദാമപരിശോഭമാനകുചഭാരഭീരുതനുമധ്യമാമ് ।

വീരഗര്വഹരനൂപുരാം വിവിധകാരണേശവരപീഠികാം

മാരവൈരിസഹചാരിണീം മനസി ഭാവയാമി പരദേവതാമ്

॥ 2 ॥

ശ്ലോക 4

ഭൂരിഭാരധരകുണ്ഡലീന്ദ്രമണിബദ്ധഭൂവലയപീഠികാം

വാരിരാശിമണിമേഖലാവലയവഹ്നിമണ്ഡലശരീരിണീമ് ।

വാരിസാരവഹകുണ്ഡലാം ഗഗനശേഖരീം ച പരമാത്മികാം

ചാരുചന്ദ്രവിലോചനാം മനസി ഭാവയാമി പരദേവതാമ്

॥ 3 ॥

ശ്ലോക 5

കുണ്ഡലത്രിവിധകോണമണ്ഡലവിഹാരഷഡ്ദലസമുല്ലസ-

ത്പുണ്ഡരീകമുഖഭേദിനീം ച പ്രചണ്ഡഭാനുഭാസമുജ്ജ്വലാമ് ।

മണ്ഡലേന്ദുപരിവാഹിതാമൃതതരങ്ഗിണീമരുണരൂപിണീം

മണ്ഡലാന്തമണിദീപികാം മനസി ഭാവയാമി പരദേവതാമ്

॥ 4 ॥

ശ്ലോക 6

വാരണാനനമയൂരവാഹമുഖദാഹവാരണപയോധരാം

ചാരണാദിസുരസുന്ദരീചികുരശേകരീകൃതപദാമ്ബുജാമ് ।

കാരണാധിപതിപഞ്ചകപ്രകൃതികാരണപ്രഥമമാതൃകാം

വാരണാന്തമുഖപാരണാം മനസി ഭാവയാമി പരദേവതാമ്

॥ 5 ॥

ശ്ലോക 7

പദ്മകാന്തിപദപാണിപല്ലവപയോധരാനനസരോരുഹാം

പദ്മരാഗമണിമേഖലാവലയനീവിശോഭിതനിതമ്ബിനീമ് ।

പദ്മസമ്ഭവസദാശിവാന്തമയപഞ്ചരത്നപദപീഠികാം

പദ്മിനീം പ്രണവരൂപിണീം മനസി ഭാവയാമി പരദേവതാമ്

॥ 6 ॥

ശ്ലോക 8

ആഗമപ്രണവപീഠികാമമലവര്ണമങ്ഗലശരീരിണീം

ആഗമാവയവശോഭിനീമഖിലവേദസാരകൃതശേഖരീമ് ।

മൂലമന്ത്രമുഖമണ്ഡലാം മുദിതനാദബിന്ദുനവയൌവനാം

മാതൃകാം ത്രിപുരസുന്ദരീം മനസി ഭാവയാമി പരദേവതാമ്

॥ 7 ॥

ശ്ലോക 9

കാലികാതിമിരകുന്തലാന്തഘനഭൃങ്ഗമങ്ഗലവിരാജിനീം

ചൂലികാശിഖരമാലികാവലയമല്ലികാസുരഭിസൌരഭാമ് ।

വാലികാമധുരഗണ്ഡമണ്ഡലമനോഹരാനനസരോരുഹാം

കാലികാമഖിലനായികാം മനസി ഭാവയാമി പരദേവതാമ്

॥ 8 ॥

ശ്ലോക 10

നിത്യമേവ നിയമേന ജല്പതാം – ഭുക്തിമുക്തിഫലദാമഭീഷ്ടദാമ് ।

ശങ്കരേണ രചിതാം സദാ ജപേന്നാമരത്നനവരത്നമാലികാമ്

॥ 9 ॥

ശ്ലോക 11