ದಶಕಂ 1 - ಭಗವತಃ ಸ್ವರೂಪಂ ತಥಾ ಮಾಹಾತ್ಮ್ಯಮ್

ದಶಕಂ 1 - ಭಗವತಃ ಸ್ವರೂಪಂ ತಥಾ ಮಾಹಾತ್ಮ್ಯಮ್

ಶ್ಲೋಕ 1

ಸಾನ್ದ್ರಾನನ್ದಾವಬೋಧಾತ್ಮಕಮನುಪಮಿತಂ ಕಾಲದೇಶಾವಧಿಭ್ಯಾಂ

ನಿರ್ಮುಕ್ತಂ ನಿತ್ಯಮುಕ್ತಂ ನಿಗಮಶತಸಹಸ್ರೇಣ ನಿರ್ಭಾಸ್ಯಮಾನಮ್ ।

ಅಸ್ಪಷ್ಟಂ ದೃಷ್ಟಮಾತ್ರೇ ಪುನರುರುಪುರುಷಾರ್ಥಾತ್ಮಕಂ ಬ್ರಹ್ಮ ತತ್ವಂ

ತತ್ತಾವದ್ಭಾತಿ ಸಾಕ್ಷಾದ್ ಗುರುಪವನಪುರೇ ಹನ್ತ ಭಾಗ್ಯಂ ಜನಾನಾಮ್

ಶ್ಲೋಕ 2

ಏವನ್ದುರ್ಲಭ್ಯವಸ್ತುನ್ಯಪಿ ಸುಲಭತಯಾ ಹಸ್ತಲಬ್ಧೇ ಯದನ್ಯತ್

ತನ್ವಾ ವಾಚಾ ಧಿಯಾ ವಾ ಭಜತಿ ಬತ ಜನಃ ಕ್ಷುದ್ರತೈವ ಸ್ಫುಟೇಯಮ್ ।

ಏತೇ ತಾವದ್ವಯಂ ತು ಸ್ಥಿರತರಮನಸಾ ವಿಶ್ವಪೀಡಾಪಹತ್ಯೈ

ನಿಶ್ಶೇಷಾತ್ಮಾನಮೇನಂ ಗುರುಪವನಪುರಾಧೀಶಮೇವಾಶ್ರಯಾಮಃ

॥ 1 ॥

ಶ್ಲೋಕ 3

ಸತ್ತ್ವಂ ಯತ್ತತ್ ಪರಾಭ್ಯಾಮಪರಿಕಲನತೋ ನಿರ್ಮಲಂ ತೇನ ತಾವತ್

ಭೂತೈರ್ಭೂತೇನ್ದ್ರಿಯೈಸ್ತೇ ವಪುರಿತಿ ಬಹುಶಃ ಶ್ರೂಯತೇ ವ್ಯಾಸವಾಕ್ಯಮ್।

ತತ್ ಸ್ವಚ್ಛ್ತ್ವಾದ್ಯದಾಚ್ಛಾದಿತಪರಸುಖಚಿದ್ಗರ್ಭನಿರ್ಭಾಸರೂಪಂ

ತಸ್ಮಿನ್ ಧನ್ಯಾ ರಮನ್ತೇ ಶ್ರುತಿಮತಿಮಧುರೇ ಸುಗ್ರಹೇ ವಿಗ್ರಹೇ ತೇ

॥ 2 ॥

ಶ್ಲೋಕ 4

ನಿಷ್ಕಮ್ಪೇ ನಿತ್ಯಪೂರ್ಣೇ ನಿರವಧಿಪರಮಾನನ್ದಪೀಯೂಷರೂಪೇ

ನಿರ್ಲೀನಾನೇಕಮುಕ್ತಾವಲಿಸುಭಗತಮೇ ನಿರ್ಮಲಬ್ರಹ್ಮಸಿನ್ಧೌ ।

ಕಲ್ಲೋಲೋಲ್ಲಾಸತುಲ್ಯಂ ಖಲು ವಿಮಲತರಂ ಸತ್ತ್ವಮಾಹುಸ್ತದಾತ್ಮಾ

ಕಸ್ಮಾನ್ನೋ ನಿಷ್ಕಲಸ್ತ್ವಂ ಸಕಲ ಇತಿ ವಚಸ್ತ್ವತ್ಕಲಾಸ್ವೇವ ಭೂಮನ್

॥ 3 ॥

ಶ್ಲೋಕ 5

ನಿರ್ವ್ಯಾಪಾರೋಽಪಿ ನಿಷ್ಕಾರಣಮಜ ಭಜಸೇ ಯತ್ಕ್ರಿಯಾಮೀಕ್ಷಣಾಖ್ಯಾಂ

ತೇನೈವೋದೇತಿ ಲೀನಾ ಪ್ರಕೃತಿರಸತಿಕಲ್ಪಾಽಪಿ ಕಲ್ಪಾದಿಕಾಲೇ।

ತಸ್ಯಾಃ ಸಂಶುದ್ಧಮಂಶಂ ಕಮಪಿ ತಮತಿರೋಧಾಯಕಂ ಸತ್ತ್ವರೂಪಂ

ಸ ತ್ವಂ ಧೃತ್ವಾ ದಧಾಸಿ ಸ್ವಮಹಿಮವಿಭವಾಕುಣ್ಠ ವೈಕುಣ್ಠ ರೂಪಂ

॥ 4 ॥

ಶ್ಲೋಕ 6

ತತ್ತೇ ಪ್ರತ್ಯಗ್ರಧಾರಾಧರಲಲಿತಕಲಾಯಾವಲೀಕೇಲಿಕಾರಂ

ಲಾವಣ್ಯಸ್ಯೈಕಸಾರಂ ಸುಕೃತಿಜನದೃಶಾಂ ಪೂರ್ಣಪುಣ್ಯಾವತಾರಮ್।

ಲಕ್ಷ್ಮೀನಿಶ್ಶಙ್ಕಲೀಲಾನಿಲಯನಮಮೃತಸ್ಯನ್ದಸನ್ದೋಹಮನ್ತಃ

ಸಿಞ್ಚತ್ ಸಞ್ಚಿನ್ತಕಾನಾಂ ವಪುರನುಕಲಯೇ ಮಾರುತಾಗಾರನಾಥ

॥5॥

ಶ್ಲೋಕ 7

ಕಷ್ಟಾ ತೇ ಸೃಷ್ಟಿಚೇಷ್ಟಾ ಬಹುತರಭವಖೇದಾವಹಾ ಜೀವಭಾಜಾ-

ಮಿತ್ಯೇವಂ ಪೂರ್ವಮಾಲೋಚಿತಮಜಿತ ಮಯಾ ನೈವಮದ್ಯಾಭಿಜಾನೇ।

ನೋಚೇಜ್ಜೀವಾಃ ಕಥಂ ವಾ ಮಧುರತರಮಿದಂ ತ್ವದ್ವಪುಶ್ಚಿದ್ರಸಾರ್ದ್ರಂ

ನೇತ್ರೈಃ ಶ್ರೋತ್ರೈಶ್ಚ ಪೀತ್ವಾ ಪರಮರಸಸುಧಾಮ್ಭೋಧಿಪೂರೇ ರಮೇರನ್

॥6॥

ಶ್ಲೋಕ 8

ನಮ್ರಾಣಾಂ ಸನ್ನಿಧತ್ತೇ ಸತತಮಪಿ ಪುರಸ್ತೈರನಭ್ಯರ್ಥಿತಾನ -

ಪ್ಯರ್ಥಾನ್ ಕಾಮಾನಜಸ್ರಂ ವಿತರತಿ ಪರಮಾನನ್ದಸಾನ್ದ್ರಾಂ ಗತಿಂ ಚ।

ಇತ್ಥಂ ನಿಶ್ಶೇಷಲಭ್ಯೋ ನಿರವಧಿಕಫಲಃ ಪಾರಿಜಾತೋ ಹರೇ ತ್ವಂ

ಕ್ಷುದ್ರಂ ತಂ ಶಕ್ರವಾಟೀದ್ರುಮಮಭಿಲಷತಿ ವ್ಯರ್ಥಮರ್ಥಿವ್ರಜೋಽಯಮ್

॥7॥

ಶ್ಲೋಕ 9

ಕಾರುಣ್ಯಾತ್ಕಾಮಮನ್ಯಂ ದದತಿ ಖಲು ಪರೇ ಸ್ವಾತ್ಮದಸ್ತ್ವಂ ವಿಶೇಷಾ-

ದೈಶ್ವರ್ಯಾದೀಶತೇಽನ್ಯೇ ಜಗತಿ ಪರಜನೇ ಸ್ವಾತ್ಮನೋಽಪೀಶ್ವರಸ್ತ್ವಮ್।

ತ್ವಯ್ಯುಚ್ಚೈರಾರಮನ್ತಿ ಪ್ರತಿಪದಮಧುರೇ ಚೇತನಾಃ ಸ್ಫೀತಭಾಗ್ಯಾ-

ಸ್ತ್ವಂ ಚಾತ್ಮಾರಾಮ ಏವೇತ್ಯತುಲಗುಣಗಣಾಧಾರ ಶೌರೇ ನಮಸ್ತೇ

॥8॥

ಶ್ಲೋಕ 10

ಐಶ್ವರ್ಯಂ ಶಙ್ಕರಾದೀಶ್ವರವಿನಿಯಮನಂ ವಿಶ್ವತೇಜೋಹರಾಣಾಂ

ತೇಜಸ್ಸಂಹಾರಿ ವೀರ್ಯಂ ವಿಮಲಮಪಿ ಯಶೋ ನಿಸ್ಪೃಹೈಶ್ಚೋಪಗೀತಮ್।

ಅಙ್ಗಾಸಙ್ಗಾ ಸದಾ ಶ್ರೀರಖಿಲವಿದಸಿ ನ ಕ್ವಾಪಿ ತೇ ಸಙ್ಗವಾರ್ತಾ

ತದ್ವಾತಾಗಾರವಾಸಿನ್ ಮುರಹರ ಭಗವಚ್ಛಬ್ದಮುಖ್ಯಾಶ್ರಯೋಽಸಿ

॥9॥

ಶ್ಲೋಕ 11