দশকং 1 - ভগবতঃ স্বরূপং তথা মাহাত্ম্যম্

দশকং 1 - ভগবতঃ স্বরূপং তথা মাহাত্ম্যম্

শ্লোক 1

সান্দ্রানন্দাববোধাত্মকমনুপমিতং কালদেশাবধিভ্যাং

নির্মুক্তং নিত্যমুক্তং নিগমশতসহস্রেণ নির্ভাস্যমানম্ ।

অস্পষ্টং দৃষ্টমাত্রে পুনরুরুপুরুষার্থাত্মকং ব্রহ্ম তত্বং

তত্তাবদ্ভাতি সাক্ষাদ্ গুরুপবনপুরে হন্ত ভাগ্যং জনানাম্

শ্লোক 2

এবন্দুর্লভ্যবস্তুন্যপি সুলভতযা হস্তলব্ধে যদন্যত্

তন্বা বাচা ধিযা বা ভজতি বত জনঃ ক্ষুদ্রতৈব স্ফুটেযম্ ।

এতে তাবদ্বযং তু স্থিরতরমনসা বিশ্বপীডাপহত্যৈ

নিশ্শেষাত্মানমেনং গুরুপবনপুরাধীশমেবাশ্রযামঃ

॥ 1 ॥

শ্লোক 3

সত্ত্বং যত্তত্ পরাভ্যামপরিকলনতো নির্মলং তেন তাবত্

ভূতৈর্ভূতেন্দ্রিযৈস্তে বপুরিতি বহুশঃ শ্রূযতে ব্যাসবাক্যম্।

তত্ স্বচ্ছ্ত্বাদ্যদাচ্ছাদিতপরসুখচিদ্গর্ভনির্ভাসরূপং

তস্মিন্ ধন্যা রমন্তে শ্রুতিমতিমধুরে সুগ্রহে বিগ্রহে তে

॥ 2 ॥

শ্লোক 4

নিষ্কম্পে নিত্যপূর্ণে নিরবধিপরমানন্দপীযূষরূপে

নির্লীনানেকমুক্তাবলিসুভগতমে নির্মলব্রহ্মসিন্ধৌ ।

কল্লোলোল্লাসতুল্যং খলু বিমলতরং সত্ত্বমাহুস্তদাত্মা

কস্মান্নো নিষ্কলস্ত্বং সকল ইতি বচস্ত্বত্কলাস্বেব ভূমন্

॥ 3 ॥

শ্লোক 5

নির্ব্যাপারোঽপি নিষ্কারণমজ ভজসে যত্ক্রিযামীক্ষণাখ্যাং

তেনৈবোদেতি লীনা প্রকৃতিরসতিকল্পাঽপি কল্পাদিকালে।

তস্যাঃ সংশুদ্ধমংশং কমপি তমতিরোধাযকং সত্ত্বরূপং

স ত্বং ধৃত্বা দধাসি স্বমহিমবিভবাকুণ্ঠ বৈকুণ্ঠ রূপং

॥ 4 ॥

শ্লোক 6

তত্তে প্রত্যগ্রধারাধরললিতকলাযাবলীকেলিকারং

লাবণ্যস্যৈকসারং সুকৃতিজনদৃশাং পূর্ণপুণ্যাবতারম্।

লক্ষ্মীনিশ্শঙ্কলীলানিলযনমমৃতস্যন্দসন্দোহমন্তঃ

সিঞ্চত্ সঞ্চিন্তকানাং বপুরনুকলযে মারুতাগারনাথ

॥5॥

শ্লোক 7

কষ্টা তে সৃষ্টিচেষ্টা বহুতরভবখেদাবহা জীবভাজা-

মিত্যেবং পূর্বমালোচিতমজিত মযা নৈবমদ্যাভিজানে।

নোচেজ্জীবাঃ কথং বা মধুরতরমিদং ত্বদ্বপুশ্চিদ্রসার্দ্রং

নেত্রৈঃ শ্রোত্রৈশ্চ পীত্বা পরমরসসুধাম্ভোধিপূরে রমেরন্

॥6॥

শ্লোক 8

নম্রাণাং সন্নিধত্তে সততমপি পুরস্তৈরনভ্যর্থিতান -

প্যর্থান্ কামানজস্রং বিতরতি পরমানন্দসান্দ্রাং গতিং চ।

ইত্থং নিশ্শেষলভ্যো নিরবধিকফলঃ পারিজাতো হরে ত্বং

ক্ষুদ্রং তং শক্রবাটীদ্রুমমভিলষতি ব্যর্থমর্থিব্রজোঽযম্

॥7॥

শ্লোক 9

কারুণ্যাত্কামমন্যং দদতি খলু পরে স্বাত্মদস্ত্বং বিশেষা-

দৈশ্বর্যাদীশতেঽন্যে জগতি পরজনে স্বাত্মনোঽপীশ্বরস্ত্বম্।

ত্বয্যুচ্চৈরারমন্তি প্রতিপদমধুরে চেতনাঃ স্ফীতভাগ্যা-

স্ত্বং চাত্মারাম এবেত্যতুলগুণগণাধার শৌরে নমস্তে

॥8॥

শ্লোক 10

ঐশ্বর্যং শঙ্করাদীশ্বরবিনিযমনং বিশ্বতেজোহরাণাং

তেজস্সংহারি বীর্যং বিমলমপি যশো নিস্পৃহৈশ্চোপগীতম্।

অঙ্গাসঙ্গা সদা শ্রীরখিলবিদসি ন ক্বাপি তে সঙ্গবার্তা

তদ্বাতাগারবাসিন্ মুরহর ভগবচ্ছব্দমুখ্যাশ্রযোঽসি

॥9॥

শ্লোক 11