નક્ષત્ર સૂક્તમ્ (નક્ષત્રેષ્ટિ)

નક્ષત્ર સૂક્તમ્ (નક્ષત્રેષ્ટિ)

શ્લોક 1

તૈત્તિરીય બ્રાહ્મણ - અષ્ટકં 3, પ્રશ્નઃ 1,

તૈત્તિરીય સંહિતા - કાણ્ડ 3, પ્રપાઠકઃ 5, અનુવાકં 1

નક્ષત્રં - કૃત્તિકા, દેવતા - અગ્નિઃ

ૐ અ॒ગ્નિર્નઃ॑ પાતુ॒ કૃત્તિ॑કાઃ । નક્ષ॑ત્ર-ન્દે॒વમિ॑ન્દ્રિ॒યમ્ ।

ઇ॒દમા॑સાં-વિઁચક્ષ॒ણમ્ । હ॒વિરા॒સ-ઞ્જુ॑હોતન ।

યસ્ય॒ ભાન્તિ॑ ર॒શ્મયો॒ યસ્ય॑ કે॒તવઃ॑ । યસ્યે॒મા વિશ્વા॒ ભુવ॑નાનિ॒ સર્વા᳚ ।

સ કૃત્તિ॑કાભિ-ર॒ભિસં॒​વઁસા॑નઃ । અ॒ગ્નિર્નો॑ દે॒વસ્સુ॑વિ॒તે દ॑ધાતુ ॥ 1

નક્ષત્રં - રોહિણી, દેવતા - પ્રજાપતિઃ

પ્ર॒જાપ॑તે રોહિ॒ણીવે॑તુ॒ પત્ની᳚ । વિ॒શ્વરૂ॑પા બૃહ॒તી ચિ॒ત્રભા॑નુઃ ।

સા નો॑ ય॒જ્ઞસ્ય॑ સુવિ॒તે દ॑ધાતુ । યથા॒ જીવે॑મ શ॒રદ॒સ્સવી॑રાઃ ।

રો॒હિ॒ણી દે॒વ્યુદ॑ગાત્પુ॒રસ્તા᳚ત્ । વિશ્વા॑ રૂ॒પાણિ॑ પ્રતિ॒મોદ॑માના ।

પ્ર॒જાપ॑તિગ્ં હ॒વિષા॑ વ॒ર્ધય॑ન્તી । પ્રિ॒યા દે॒વાના॒-મુપ॑યાતુ ય॒જ્ઞમ્ ॥ 2

નક્ષત્રં - મૃગશીર્​ષઃ, દેવતા - સોમઃ

સોમો॒ રાજા॑ મૃગશી॒ર્॒ષેણ॒ આગન્ન્॑ । શિ॒વ-ન્નક્ષ॑ત્ર-મ્પ્રિ॒યમ॑સ્ય॒ ધામ॑ ।

આ॒પ્યાય॑માનો બહુ॒ધા જને॑ષુ । રેતઃ॑ પ્ર॒જાં-યઁજ॑માને દધાતુ ।

યત્તે॒ નક્ષ॑ત્ર-મ્મૃગશી॒ર્॒ષમસ્તિ॑ । પ્રિ॒યગ્ં રા॑જ-ન્પ્રિ॒યત॑મ-મ્પ્રિ॒યાણા᳚મ્ ।

તસ્મૈ॑ તે સોમ હ॒વિષા॑ વિધેમ । શન્ન॑ એધિ દ્વિ॒પદે॒ શઞ્ચતુ॑ષ્પદે ॥ 3

નક્ષત્રં - આર્દ્રા, દેવતા - રુદ્રઃ

આ॒ર્દ્રયા॑ રુ॒દ્રઃ પ્રથ॑મા ન એતિ । શ્રેષ્ઠો॑ દે॒વાના॒-મ્પતિ॑રઘ્નિ॒યાના᳚મ્ ।

નક્ષ॑ત્રમસ્ય હ॒વિષા॑ વિધેમ । મા નઃ॑ પ્ર॒જાગ્ં રી॑રિષ॒ન્મોત વી॒રાન્ ।

હે॒તી રુ॒દ્રસ્ય॒ પરિ॑ણો વૃણક્તુ । આ॒ર્દ્રા નક્ષ॑ત્ર-ઞ્જુષતાગ્ં હ॒વિર્નઃ॑ ।

પ્ર॒મુ॒ઞ્ચમા॑નૌ દુરિ॒તાનિ॒ વિશ્વા᳚ । અપા॒ઘશગ્ં॑ સન્નુ-દતા॒મરા॑તિમ્ ॥ 4

નક્ષત્રં - પુનર્વસુ, દેવતા - અદિતિઃ

પુન॑ર્નો દે॒વ્યદિ॑તિ-સ્પૃણોતુ । પુન॑ર્વસૂ નઃ॒ પુન॒રેતાં᳚-યઁ॒જ્ઞમ્ ।

પુન॑ર્નો દે॒વા અ॒ભિય॑ન્તુ॒ સર્વે᳚ । પુનઃ॑ પુનર્વો હ॒વિષા॑ યજામઃ ।

એ॒વા ન દે॒વ્ય-દિ॑તિરન॒ર્વા । વિશ્વ॑સ્ય ભ॒ર્ત્રી જગ॑તઃ પ્રતિ॒ષ્ઠા ।

પુન॑ર્વસૂ હ॒વિષા॑ વ॒ર્ધય॑ન્તી । પ્રિ॒ય-ન્દે॒વાના॒-મપ્યે॑તુ॒ પાથઃ॑ ॥ 5

નક્ષત્રં - પુષ્યઃ, દેવતા - બૃહસ્પતિઃ

બૃહ॒સ્પતિઃ॑ પ્રથ॒મઞ્જાય॑માનઃ । તિ॒ષ્ય॑-ન્નક્ષ॑ત્રમ॒ભિ સમ્બ॑ભૂવ ।

શ્રેષ્ઠો॑ દે॒વાના॒-મ્પૃત॑નાસુ જિ॒ષ્ણુઃ । દિ॒શો-ઽનુ॒ સર્વા॒ અભ॑યન્નો અસ્તુ ।

તિ॒ષ્યઃ॑ પુ॒રસ્તા॑દુ॒ત મ॑ધ્ય॒તો નઃ॑ । બૃહ॒સ્પતિ॑ર્નઃ॒ પરિ॑પાતુ પ॒શ્ચાત્ ।

બાધે॑ તા॒ન્દ્વેષો॒ અભ॑ય-ઙ્કૃણુતામ્ । સુ॒વીર્ય॑સ્ય॒ પત॑યસ્યામ ॥ 6

નક્ષત્રં -આશ્રેષમ્, દેવતા - સર્પાઃ

ઇ॒દગ્ં સ॒ર્પેભ્યો॑ હ॒વિર॑સ્તુ॒ જુષ્ટ᳚મ્ । આ॒શ્રે॒ષા યેષા॑મનુ॒યન્તિ॒ ચેતઃ॑ ।

યે અ॒ન્તરિ॑ક્ષ-મ્પૃથિ॒વીં-ક્ષિ॒યન્તિ॑ । તેન॑ સ્સ॒ર્પાસો॒ હવ॒માગ॑મિષ્ઠાઃ ।

યે રો॑ચ॒ને સૂર્ય॒સ્યાપિ॑ સ॒ર્પાઃ । યે દિવ॑-ન્દે॒વી-મનુ॑સ॒ઞ્ચર॑ન્તિ ।

યેષા॑માશ્રે॒ષા અ॑નુ॒યન્તિ॒ કામ᳚મ્ । તેભ્ય॑-સ્સ॒ર્પેભ્યો॒ મધુ॑-મજ્જુહોમિ ॥ 7

નક્ષત્રં - મઘા, દેવતા - પિતરઃ

ઉપ॑હૂતાઃ પિ॒તરો॒ યે મ॒ઘાસુ॑ । મનો॑જવસ-સ્સુ॒કૃત॑-સ્સુકૃ॒ત્યાઃ ।

તે નો॒ નક્ષ॑ત્રે॒ હવ॒માગ॑મિષ્ઠાઃ । સ્વ॒ધાભિ॑ર્ય॒જ્ઞ-મ્પ્રય॑ત-ઞ્જુષન્તામ્ ।

યે અ॑ગ્નિદ॒ગ્ધા યે-ઽન॑ગ્નિ-દગ્ધાઃ । યે॑-ઽમુલ્લો॒ક-મ્પિ॒તરઃ॑, ક્ષિ॒યન્તિ॑ ।

યાગ્​શ્ચ॑ વિ॒દ્મયાગ્ં ઉ॑ ચ॒ ન પ્ર॑વિ॒દ્મ । મ॒ઘાસુ॑ ય॒જ્ઞગ્ં સુકૃ॑ત-ઞ્જુષન્તામ્ ॥ 8

નક્ષત્રં - પૂર્વફલ્ગુની, દેવતા - અર્યમા

ગવા॒-મ્પતિઃ॒ ફલ્ગુ॑ની-નામસિ॒ ત્વમ્ । તદ॑ર્યમન્વરુણ મિત્ર॒ ચારુ॑ ।

ત-ન્ત્વા॑ વ॒યગ્ં સ॑નિ॒તારગ્ં॑ સની॒નામ્ । જી॒વા જીવ॑ન્ત॒મુપ॒ સં​વિઁ॑શેમ ।

યેને॒મા વિશ્વા॒ ભુવ॑નાનિ॒ સઞ્જિ॑તા । યસ્ય॑ દે॒વા અ॑નુસં॒​યઁન્તિ॒ ચેતઃ॑ ।

અ॒ર્ય॒મા રાજા॒-ઽજર॒સ્તુ વિ॑ષ્માન્ । ફલ્ગુ॑નીના-મૃષ॒ભો રો॑રવીતિ ॥ 9

નક્ષત્રં - ઉત્તર ફલ્ગુની, દેવતા - ભગઃ

શ્રેષ્ઠો॑ દે॒વાના᳚-મ્ભગવો ભગાસિ । તત્ત્વા॑ વિદુઃ॒ ફલ્ગુ॑ની॒-સ્તસ્ય॑ વિત્તાત્ ।

અ॒સ્મભ્યં॑-ક્ષ॒ત્રમ॒જરગ્ં॑ સુ॒વીર્ય᳚મ્ । ગોમ॒દશ્વ॑-વ॒દુપ॒સન્નુ॑-દે॒હ ।

ભગો॑હ દા॒તા ભગ॒ ઇત્પ્ર॑દા॒તા । ભગો॑ દે॒વીઃ ફલ્ગુ॑ની॒-રાવિ॑વેશ ।

ભગ॒સ્યેત્ત-મ્પ્ર॑સ॒વ-ઙ્ગ॑મેમ । યત્ર॑ દે॒વૈ-સ્સ॑ધ॒માદ॑-મ્મદેમ ॥ 10

નક્ષત્રં - હસ્તઃ, દેવતા - સવિતા

આયા॑તુ દે॒વ-સ્સ॑વિ॒તો પ॑યાતુ । હિ॒ર॒ણ્યયે॑ન સુ॒વૃતા॒ રથે॑ન ।

વહ॒ન॒, હસ્તગ્ં॑ સુ॒ભગં॑-વિઁદ્મ॒નાપ॑સમ્ । પ્ર॒યચ્છ॑ન્ત॒-મ્પપુ॑રિ॒-મ્પુણ્ય॒મચ્છ॑ ।

હસ્તઃ॒ પ્રય॑ચ્છ ત્વ॒મૃતં॒-વઁસી॑યઃ । દક્ષિ॑ણેન॒ પ્રતિ॑ગૃભ્ણીમ એનત્ ।

દા॒તાર॑-મ॒દ્ય સ॑વિ॒તા વિ॑દેય । યો નો॒ હસ્તા॑ય પ્રસુ॒વાતિ॑ ય॒જ્ઞમ્ ॥ 11

નક્ષત્રં - ચિત્રા, દેવતા - ત્વષ્ટા

ત્વષ્ટા॒ નક્ષ॑ત્ર-મ॒ભ્યે॑તિ ચિ॒ત્રામ્ । સુ॒ભગ્ં સ॑સં​યુઁવ॒તિગ્ં રોચ॑માનામ્ ।

નિ॒વે॒શય॑-ન્ન॒મૃતા॒-ન્મર્ત્યાગ્॑શ્ચ । રૂ॒પાણિ॑ પિ॒ગ્ં॒શ-ન્ભુવ॑નાનિ॒ વિશ્વા᳚ ।

તન્ન॒સ્ત્વષ્ટા॒ તદુ॑ ચિ॒ત્રા વિચ॑ષ્ટામ્ । તન્નક્ષ॑ત્ર-મ્ભૂરિ॒દા અ॑સ્તુ॒ મહ્ય᳚મ્ ।

તન્નઃ॑ પ્ર॒જાં-વીઁ॒રવ॑તીગ્ં સનોતુ । ગોભિ॑ર્નો॒ અશ્વૈ॒-સ્સમ॑નક્તુ ય॒જ્ઞમ્ ॥ 12

નક્ષત્રં - સ્વાતી, દેવતા - વાયુઃ

વા॒યુ-ર્નક્ષ॑ત્ર-મ॒ભ્યે॑તિ॒ નિષ્ટ્યા᳚મ્ । તિ॒ગ્મશૃ॑ઙ્ગો વૃષ॒ભો રોરુ॑વાણઃ ।

સ॒મી॒રય॒-ન્ભુવ॑ના માત॒રિશ્વા᳚ । અપ॒ દ્વેષાગ્ં॑સિ નુદતા॒મરા॑તીઃ ।

તન્નો॑ વા॒યસ્તદુ॒ નિષ્ટ્યા॑ શૃણોતુ । તન્નક્ષ॑ત્ર-મ્ભૂરિ॒દા અ॑સ્તુ॒ મહ્ય᳚મ્ ।

તન્નો॑ દે॒વાસો॒ અનુ॑ જાનન્તુ॒ કામ᳚મ્ । યથા॒ તરે॑મ દુરિ॒તાનિ॒ વિશ્વા᳚ ॥ 13

નક્ષત્રં - વિશાખા, દેવતા - ઇન્દ્રાગ્ની

દૂ॒રમ॒સ્મચ્છત્ર॑વો યન્તુ ભી॒તાઃ । તદિ॑ન્દ્રા॒ગ્ની કૃ॑ણુતા॒-ન્તદ્વિશા॑ખે ।

તન્નો॑ દે॒વા અનુ॑મદન્તુ ય॒જ્ઞમ્ । પ॒શ્ચા-ત્પુ॒રસ્તા॒-દભ॑યન્નો અસ્તુ ।

નક્ષ॑ત્રાણા॒-મધિ॑પત્ની॒ વિશા॑ખે । શ્રેષ્ઠા॑-વિન્દ્રા॒ગ્ની ભુવ॑નસ્ય ગો॒પૌ ।

વિષૂ॑ચ॒-શ્શત્રૂ॑નપ॒બાધ॑માનૌ । અપ॒ક્ષુધ॑-ન્નુદતા॒મરા॑તિમ્ ॥ 14

પૌર્ણમાસિ

પૂ॒ર્ણા પ॒શ્ચાદુ॒ત પૂ॒ર્ણા પુ॒રસ્તા᳚ત્ । ઉન્મ॑ધ્ય॒તઃ પૌ᳚ર્ણમા॒સી જિ॑ગાય ।

તસ્યા᳚-ન્દે॒વા અધિ॑ સં॒-વઁસ॑ન્તઃ । ઉ॒ત્ત॒મે નાક॑ ઇ॒હ મા॑દયન્તામ્ ।

પૃ॒થ્વી સુ॒વર્ચા॑ યુવ॒તિ-સ્સ॒જોષાઃ᳚ । પૌ॒ર્ણ॒મા॒સ્યુદ॑ગા॒-ચ્છોભ॑માના ।

આ॒પ્યા॒યય॑ન્તી દુરિ॒તાનિ॒ વિશ્વા᳚ । ઉ॒રુ-ન્દુહાં॒-યઁજ॑માનાય ય॒જ્ઞમ્ ॥ 15

નક્ષત્રં - અનૂરાધા, દેવતા - મિત્રઃ

ઋ॒દ્ધ્યાસ્મ॑ હ॒વ્યૈ-ર્નમ॑સોપ॒-સદ્ય॑ । મિ॒ત્ર-ન્દે॒વ-મ્મિ॑ત્ર॒ધેય॑ન્નો અસ્તુ ।

અ॒નૂ॒રા॒ધાન્, હ॒વિષા॑ વ॒ર્ધય॑ન્તઃ । શ॒ત-ઞ્જી॑વેમ શ॒રદ॒-સ્સવી॑રાઃ ।

ચિ॒ત્રં-નક્ષ॑ત્ર॒-મુદ॑ગા-ત્પુ॒રસ્તા᳚ત્ । અ॒નૂ॒રા॒ધા સ॒ ઇતિ॒ યદ્વદ॑ન્તિ ।

તન્મિ॒ત્ર એ॑તિ પ॒થિભિ॑-ર્દેવ॒યાનૈઃ᳚ । હિ॒ર॒ણ્યયૈ॒-ર્વિત॑તૈ-ર॒ન્તરિ॑ક્ષે ॥ 16

નક્ષત્રં - જ્યેષ્ઠા, દેવતા - ઇન્દ્રઃ

ઇન્દ્રો᳚ જ્યે॒ષ્ઠા મનુ॒ નક્ષ॑ત્રમેતિ । યસ્મિ॑ન્ વૃ॒ત્રં-વૃઁ॑ત્ર॒ તૂર્યે॑ ત॒તાર॑ ।

તસ્મિ॑ન્વ॒ય-મ॒મૃત॒-ન્દુહા॑નાઃ । ક્ષુધ॑ન્તરેમ॒ દુરિ॑તિ॒-ન્દુરિ॑ષ્ટિમ્ ।

પુ॒ર॒ન્દ॒રાય॑ વૃષ॒ભાય॑ ધૃ॒ષ્ણવે᳚ । અષા॑ઢાય॒ સહ॑માનાય મી॒ઢુષે᳚ ।

ઇન્દ્રા॑ય જ્યે॒ષ્ઠા મધુ॑મ॒દ્દુહા॑ના । ઉ॒રુ-ઙ્કૃ॑ણોતુ॒ યજ॑માનાય લો॒કમ્ ॥ 17

નક્ષત્રં - મૂલમ્, દેવતા - પ્રજાપતિઃ

મૂલ॑-મ્પ્ર॒જાં-વીઁ॒રવ॑તીં-વિઁદેય । પરા᳚ચ્યેતુ॒ નિર્-ઋ॑તિઃ પરા॒ચા ।

ગોભિ॒-ર્નક્ષ॑ત્ર-મ્પ॒શુભિ॒-સ્સમ॑ક્તમ્ । અહ॑-ર્ભૂયા॒-દ્યજ॑માનાય॒ મહ્ય᳚મ્ ।

અહ॑ર્નો અ॒દ્ય સુ॑વિ॒તે દ॑ધાતુ । મૂલ॒-ન્નક્ષ॑ત્ર॒મિતિ॒ યદ્વદ॑ન્તિ ।

પરા॑ચીં-વાઁ॒ચા નિર્-ઋ॑તિ-ન્નુદામિ । શિ॒વ-મ્પ્ર॒જાયૈ॑ શિ॒વમ॑સ્તુ॒ મહ્ય᳚મ્ ॥ 18

નક્ષત્રં - પૂર્વાષાઢા, દેવતા - આપઃ

યા દિ॒વ્યા આપઃ॒ પય॑સા સમ્બભૂ॒વુઃ । યા અ॒ન્તરિ॑ક્ષ ઉ॒ત પાર્થિ॑વી॒ર્યાઃ ।

યાસા॑મષા॒ઢા અ॑નુ॒યન્તિ॒ કામ᳚મ્ । તા ન॒ આપ॒-શ્શગ્ગ્​ સ્યો॒ના ભ॑વન્તુ ।

યાશ્ચ॒ કૂપ્યા॒ યાશ્ચ॑ ના॒દ્યા᳚-સ્સમુ॒દ્રિયાઃ᳚ । યાશ્ચ॑ વૈશ॒ન્તીરુ॒ત પ્રા॑સ॒ચીર્યાઃ ।

યાસા॑મષા॒ઢા મધુ॑ ભ॒ક્ષય॑ન્તિ । તા ન॒ આપ॒-શ્શગ્ગ્​ સ્યો॒ના ભ॑વન્તુ ॥ 19

નક્ષત્રં - ઉત્તરાષાઢા, દેવતા - વિશ્વેદેવઃ

તન્નો॒ વિશ્વે॒ ઉપ॑ શૃણ્વન્તુ દે॒વાઃ । તદ॑ષા॒ઢા અ॒ભિસં​યઁ॑ન્તુ ય॒જ્ઞમ્ ।

તન્નક્ષ॑ત્ર-મ્પ્રથતા-મ્પ॒શુભ્યઃ॑ । કૃ॒ષિ-ર્વૃ॒ષ્ટિ-ર્યજ॑માનાય કલ્પતામ્ ।

શુ॒ભ્રાઃ ક॒ન્યા॑ યુવ॒તય॑-સ્સુ॒પેશ॑સઃ । ક॒ર્મ॒કૃત॑-સ્સુ॒કૃતો॑ વી॒ર્યા॑વતીઃ ।

વિશ્વા᳚-ન્દે॒વાન્, હ॒વિષા॑ વ॒ર્ધય॑ન્તીઃ ।

અ॒ષા॒ઢાઃ કામ॒ મુપ॑યાન્તુ ય॒જ્ઞમ્ ॥ 20

નક્ષત્રં - અભિજિત્, દેવતા - બ્રહ્મા

યસ્મિ॒-ન્બ્રહ્મા॒ભ્યજ॑ય॒-થ્સર્વ॑મે॒તત્ । અ॒મુઞ્ચ॑ લો॒ક મિ॒દમૂ॑ચ॒ સર્વ᳚મ્ ।

તન્નો॒ નક્ષ॑ત્ર-મભિ॒જિ-દ્વિ॒જિત્ય॑ । શ્રિય॑-ન્દધા॒ત્વ-હૃ॑ણીયમાનમ્ ।

ઉ॒ભૌ લો॒કૌ બ્રહ્મ॑ણા॒ સઞ્જિ॑તે॒મૌ । તન્નો॒ નક્ષ॑ત્ર-મભિ॒જિ-દ્વિચ॑ષ્ટામ્ ।

તસ્મિ॑ન્ વ॒ય-મ્પૃત॑ના॒ સ્સઞ્જ॑યેમ । તન્નો॑ દે॒વાસો॒ અનુ॑જાનન્તુ॒ કામ᳚મ્ ॥ 21

નક્ષત્રં - શ્રવણમ્, દેવતા - વિષ્ણુઃ

શૃ॒ણ્વન્તિ॑ શ્રો॒ણા-મ॒મૃત॑સ્ય ગો॒પામ્ । પુણ્યા॑મસ્યા॒ ઉપ॑શૃણોમિ॒ વાચ᳚મ્ ।

મ॒હી-ન્દે॒વીં-વિઁષ્ણુ॑પત્ની મજૂ॒ર્યામ્ । પ્ર॒તીચી॑ મેનાગ્ં હ॒વિષા॑ યજામઃ ।

ત્રે॒ધા વિષ્ણુ॑-રુરુગા॒યો વિચ॑ક્રમે । મ॒હી-ન્દિવ॑-મ્પૃથિ॒વી-મ॒ન્તરિ॑ક્ષમ્ ।

તચ્છ્રો॒ણૈતિ॒ શ્રવ॑-ઇ॒ચ્છમા॑ના । પુણ્ય॒ગ્ગ્॒ શ્લોકં॒-યઁજ॑માનાય કૃણ્વ॒તી ॥ 22

નક્ષત્રં - શ્રવિષ્ટા, દેવતા - વસવઃ

અ॒ષ્ટૌ દે॒વા વસ॑વસ્સો॒મ્યાસઃ॑ । ચત॑સ્રો દે॒વી ર॒જરા॒-શ્શ્રવિ॑ષ્ઠાઃ ।

તે ય॒જ્ઞ-મ્પા᳚ન્તુ॒ રજ॑સઃ પ॒રસ્તા᳚ત્ । સં॒​વઁ॒થ્સ॒રીણ॑-મ॒મૃતગ્ગ્॑ સ્વ॒સ્તિ ।

ય॒જ્ઞ-ન્નઃ॑ પાન્તુ॒ વસ॑વઃ પુ॒રસ્તા᳚ત્ । દ॒ક્ષિ॒ણ॒તો॑-ઽભિય॑ન્તુ॒ શ્રવિ॑ષ્ઠાઃ ।

પુણ્ય॒ન્નક્ષ॑ત્રમ॒ભિ સં​વિઁ॑શામ । મા નો॒ અરા॑તિ-ર॒ઘશ॒ગ્ં॒ સાગન્ન્॑ ॥ 23

નક્ષત્રં - શતભિષક્, દેવતા - વરુણઃ

ક્ષ॒ત્રસ્ય॒ રાજા॒ વરુ॑ણો-ઽધિરા॒જઃ । નક્ષ॑ત્રાણાગ્ં શ॒તભિ॑ષ॒ગ્ વસિ॑ષ્ઠઃ ।

તૌ દે॒વેભ્યઃ॑ કૃણુતો દી॒ર્ઘમાયઃ॑ । શ॒તગ્ં સ॒હસ્રા॑ ભેષ॒જાનિ॑ ધત્તઃ ।

ય॒જ્ઞન્નો॒ રાજા॒ વરુ॑ણ॒ ઉપ॑યાતુ । તન્નો॒ વિશ્વે॑ અ॒ભિસં​યઁ॑ન્તુ દે॒વાઃ ।

તન્નો॒ નક્ષ॑ત્રગ્ં શ॒તભિ॑ષગ્ જુષા॒ણમ્ । દી॒ર્ઘમાયુઃ॒ પ્રતિ॑ર-દ્ભેષ॒જાનિ॑ ॥ 24

નક્ષત્રં - પૂર્વપ્રોષ્ઠપદા, દેવતા - અજયેકપાદઃ

અ॒જ એક॑પા॒- દુદ॑ગા-ત્પુ॒રસ્તા᳚ત્ । વિશ્વા॑ ભૂ॒તાનિ॑ પ્રતિ॒ મોદ॑માનઃ ।

તસ્ય॑ દે॒વાઃ પ્ર॑સ॒વં-યઁ॑ન્તિ॒ સર્વે᳚ । પ્રો॒ષ્ઠ॒પ॒દાસો॑ અ॒મૃત॑સ્ય ગો॒પાઃ ।

વિ॒ભ્રાજ॑માન-સ્સમિધા॒ન ઉ॒ગ્રઃ । આ-ઽન્તરિ॑ક્ષ-મરુહ॒દ-દ્ગ॒ન્દ્યામ્ ।

તગ્ં સૂર્ય॑-ન્દે॒વ-મ॒જમેક॑પાદમ્ । પ્રો॒ષ્ઠ॒પ॒દાસો॒ અનુ॑યન્તિ॒ સર્વે᳚ ॥ 25

નક્ષત્રં - ઉત્તરપ્રોષ્ઠપદા, દેવતા - અહિર્બુદ્ધ્નિયઃ

અહિ॑-ર્બુ॒દ્ધ્નિયઃ॒ પ્રથ॑માન એતિ । શ્રેષ્ઠો॑ દે॒વાના॑મુ॒ત માનુ॑ષાણામ્ ।

ત-મ્બ્રા᳚હ્મ॒ણા-સ્સો॑મ॒પા-સ્સો॒મ્યાસઃ॑ । પ્રો॒ષ્ઠ॒પ॒દાસો॑ અ॒ભિર॑ક્ષન્તિ॒ સર્વે᳚ ।

ચ॒ત્વાર॒ એક॑મ॒ભિ કર્મ॑ દે॒વાઃ । પ્રો॒ષ્ઠ॒પ॒દાસ॒ ઇતિ॒ યાન્, વદ॑ન્તિ ।

તે બુ॒દ્ધનિય॑-મ્પરિ॒ષદ્યગ્ગ્॑ સ્તુ॒વન્તઃ॑ । અહિગ્ં॑ રક્ષન્તિ॒ નમ॑સોપ॒ સદ્ય॑ ॥ 26

નક્ષત્રં - રેવતી, દેવતા - પૂષા

પૂ॒ષા રે॒વત્યન્વે॑તિ॒ પન્થા᳚મ્ । પુ॒ષ્ટિ॒પતી॑ પશુ॒પા વાજ॑બસ્ત્યૌ ।

ઇ॒માનિ॑ હ॒વ્યા પ્રય॑તા જુષા॒ણા । સુ॒ગૈર્નો॒ યાનૈ॒રુપ॑યાતાં-યઁ॒જ્ઞમ્ ।

ક્ષુ॒દ્રા-ન્પ॒શૂ-ન્ર॑ક્ષતુ રે॒વતી॑ નઃ । ગાવો॑ નો॒ અશ્વા॒ગ્ં॒ અન્વે॑તુ પૂ॒ષા ।

અન્ન॒ગ્ં॒ રક્ષ॑ન્તૌ બહુ॒ધા વિરૂ॑પમ્ । વાજગ્ં॑ સનુતાં॒-યઁજ॑માનાય ય॒જ્ઞમ્ ॥ 27

નક્ષત્રં - અશ્વિની, દેવતા - અશ્વિની દેવ

તદ॒શ્વિના॑-વશ્વ॒યુજો-પ॑યાતામ્ । શુભ॒ઙ્ગમિ॑ષ્ઠૌ સુ॒યમે॑ભિ॒રશ્વૈઃ᳚ ।

સ્વન્નક્ષ॑ત્રગ્ં હ॒વિષા॒ યજ॑ન્તૌ । મદ્ધ્વા॒-સમ્પૃ॑ક્તૌ॒ યજુ॑ષા॒ સમ॑ક્તૌ ।

યૌ દે॒વાના᳚-મ્ભિ॒ષજૌ॑ હવ્યવા॒હૌ । વિશ્વ॑સ્ય દૂ॒તા-વ॒મૃત॑સ્ય ગો॒પૌ ।

તૌ નક્ષ॑ત્રં-જુજુષા॒ણો-પ॑યાતામ્ । નમો॒-ઽશ્વિભ્યા᳚-ઙ્કૃણુમો-ઽશ્વ॒ગ્યુભ્યા᳚મ્ ॥ 28

નક્ષત્રં - અપભરણી, દેવતા - યમઃ

અપ॑ પા॒પ્માન॒-મ્ભર॑ણી-ર્ભરન્તુ । તદ્ય॒મો રાજા॒ ભગ॑વા॒ન્॒, વિચ॑ષ્ટામ્ ।

લો॒કસ્ય॒ રાજા॑ મહ॒તો મ॒હાન્, હિ । સુ॒ગન્નઃ॒ પન્થા॒મભ॑ય-ઙ્કૃણોતુ ।

યસ્મિ॒-ન્નક્ષ॑ત્રે ય॒મ એતિ॒ રાજા᳚ । યસ્મિ॑ન્નેન-મ॒ભ્યષિ॑ઞ્ચન્ત દે॒વાઃ ।

તદ॑સ્ય ચિ॒ત્રગ્ં હ॒વિષા॑ યજામ । અપ॑ પા॒પ્માન॒-મ્ભર॑ણી-ર્ભરન્તુ ॥ 29

અમાવાસિ

નિ॒વેશ॑ની સ॒ઙ્ગમ॑ની॒ વસૂ॑નાં॒-વિઁશ્વા॑ રૂ॒પાણિ॒ વસૂ᳚ન્યા-વે॒શય॑ન્તી ।

સ॒હ॒સ્ર॒-પો॒ષગ્ં સુ॒ભગા॒ રરા॑ણા॒ સા ન॒ આગ॒ન્ વર્ચ॑સા સં​વિઁદા॒ના ।

યત્તે॑ દે॒વા અદ॑ધુ-ર્ભાગ॒ધેય॒-મમા॑વાસ્યે સં॒​વઁસ॑ન્તો મહિ॒ત્વા ।

સા નો॑ ય॒જ્ઞ-મ્પિ॑પૃહિ વિશ્વવારે ર॒યિન્નો॑ ધેહિ સુભગે સુ॒વીર᳚મ્ ॥ 30

ૐ શાન્તિ॒-શ્શાન્તિ॒-શ્શાન્તિઃ॑ ॥

31-40: Optional for Additional Chanting

ચન્દ્રમા

નવો॑ નવો ભવતિ॒ જાય॑મા॒નો-ઽહ્ના᳚-ઙ્કે॒તુ-રુ॒ષસા॑ મે॒ત્યગ્રે᳚ ।

ભા॒ગ-ન્દે॒વેભ્યો॒ વિદ॑ધાત્યા॒ય-ન્પ્રચ॒ન્દ્રમા᳚સ્તિરિતિ દી॒ર્ઘમાયુઃ॑ ॥

યમા॑દિ॒ત્યા અ॒ગ્ં॒શુમા᳚પ્યા॒યય॑ન્તિ॒ યમક્ષિ॑ત॒-મક્ષિ॑તયઃ॒ પિબ॑ન્તિ ।

તેન॑ નો॒ રાજા॒ વરુ॑ણો॒ બૃહ॒સ્પતિ॒ રાપ્યા॑યયન્તુ॒ ભુવ॑નસ્ય ગો॒પાઃ ॥ 31

અહો રાત્ર

યે વિરૂ॑પે॒ સમ॑નસા સં​વ્યઁય॑ન્તી । સ॒મા॒ન-ન્તન્તુ॑-મ્પરિતા-ત॒નાતે᳚ ।

વિ॒ભૂ પ્ર॒ભૂ અ॑નુ॒ભૂ વિ॒શ્વતો॑ હુવે । તે નો॒ નક્ષ॑ત્રે॒ હવ॒માગ॑-મેતમ્ ।

વ॒ય-ન્દે॒વી બ્રહ્મ॑ણા સં​વિઁદા॒નાઃ । સુ॒રત્ના॑સો દે॒વવી॑તિ॒-ન્દધા॑નાઃ ।

અ॒હો॒રા॒ત્રે હ॒વિષા॑ વ॒ર્ધય॑ન્તઃ । અતિ॑ પા॒પ્માન॒-મતિ॑મુક્ત્યા ગમેમ ॥ 32

ઉષા

પ્રત્યુ॑વ દૃશ્યાય॒તી । વ્યુ॒ચ્છન્તી॑ દુહિ॒તા દિ॒વઃ ।

અ॒પો મ॒હી વૃ॑ણુતે॒ ચક્ષુ॑ષા । તમો॒ જ્યોતિ॑ષ્​કૃણોતિ સૂ॒નરી᳚ ।

ઉદુ॒ સ્ત્રિયા᳚સ્સચતે॒ સૂર્યઃ॑ । સ ચા॑ ઉ॒દ્યન્નક્ષ॑ત્ર મર્ચિ॒મત્ ।

ત વેદુ॑ષો॒ વ્યુષિ॒ સૂર્ય॑સ્ય ચ । સમ્ભ॒ક્તેન॑ ગમેમહિ ॥ 33

નક્ષત્રઃ

તન્નો॒ નક્ષ॑ત્ર મર્ચિ॒મત્ । ભા॒નુ॒મત્તેજ॑ ઉ॒ચ્છર॑ત્ ।

ઉપ॑ય॒જ્ઞ-મિ॒હાગ॑મત્ । પ્રનક્ષ॑ત્રાય દે॒વાય॑ । ઇન્દ્રા॒યેન્દુગ્ં॑ હવામહે ।

સ ન॑ સ્સવિ॒તા સુ॑વથ્સ॒નિમ્ । પુ॒ષ્ટિ॒દાં-વીઁ॒રવ॑ત્તમમ્ ॥ 34

સૂર્યઃ

ઉદુ॒ત્ય-ઞ્જા॒તવે॑દસ-ન્દે॒વં-વઁ॑હન્તિ કે॒તવઃ॑ । દૃ॒શે વિશ્વા॑ય॒ સૂર્ય᳚મ્ ।

ચિ॒ત્ર-ન્દે॒વાના॒ મુદ॑ગા॒દની॑ક॒-ઞ્ચક્ષુ॑-ર્મિ॒ત્રસ્ય॒ વરુ॑ણસ્યા॒ગ્નેઃ ।

આ-ઽપ્રા॒ દ્યાવા॑પૃથિ॒વી અ॒ન્તરિ॑ક્ષ॒ગ્ં॒ સૂર્ય॑ આ॒ત્મા જગ॑તસ્ત॒સ્થુષ॑શ્ચ ॥ 35

અદિતિઃ

અદિ॑તિર્ન ઉરુષ્ય॒-ત્વદિ॑તિ॒-શ્શર્મ॑ યચ્છતુ । અદિ॑તિઃ પા॒ત્વગ્ં હ॑સઃ।

મ॒હીમૂ॒ષુ મા॒તરગ્ં॑ સુવ્ર॒તાના॑-મૃ॒તસ્ય॒ પત્ની॒ મવ॑સે હુવેમ ।

તુ॒વિ॒ક્ષ॒ત્રા-મ॒જર॑ન્તી મુરૂ॒ચીગ્ં સુ॒શર્મા॑ણ॒-મદિ॑તિગ્ં સુ॒પ્રણી॑તિમ્ ॥ 36

વિષ્ણુઃ

ઇ॒દં-વિઁષ્ણુ॒-ર્વિચ॑ક્રમે ત્રે॒ધા નિદ॑ધે પ॒દમ્ । સમૂ॑ઢમસ્ય પાગ્ં સુ॒રે ।

પ્રતદ્વિષ્ણુ॑ સ્તવતે વી॒ર્યા॑ય । મૃ॒ગો ન ભી॒મઃ કુ॑ચ॒રો ગિ॑રિ॒ષ્ઠાઃ ।

યસ્યો॒રુષુ॑ ત્રિ॒ષુ વિ॒ક્રમ॑ણેષુ । અધિ॑ક્ષિ॒યન્તિ॒ ભુવ॑નાનિ॒ વિશ્વા᳚ ॥ 37

અગ્નિઃ

અ॒ગ્નિ-ર્મૂ॒દ્​ર્ધા દિ॒વઃ ક॒કુત્પતિઃ॑ પૃથિ॒વ્યા અ॒યમ્ ।

અ॒પાગ્ં રેતાગ્ં॑સિ જિન્વતિ ।

ભુવો॑ ય॒જ્ઞસ્ય॒ રજ॑સશ્ચ ને॒તા યત્રા॑ નિ॒યુદ્ભિ॒-સ્સચ॑સે શિ॒વાભિઃ॑ ।

દિ॒વિ મૂ॒દ્​ર્ધાન॑-ન્દધિષે સુવ॒ર્॒ષા-ઞ્જિ॒હ્વામ॑ગ્ને ચકૃષે હવ્ય॒વાહં᳚ ॥ 38

અનુમતી

અનુ॑નો॒-ઽદ્યાનુ॑મતિ-ર્ય॒જ્ઞ-ન્દે॒વેષુ॑ મન્યતામ્ ।

અ॒ગ્નિશ્ચ॑ હવ્ય॒વાહ॑નો॒ ભવ॑તા-ન્દા॒શુષે॒ મયઃ॑ ।

અન્વિદ॑નુમતે॒ ત્વ-મ્મન્યા॑સૈ॒ શઞ્ચ॑ નઃ કૃધિ ।

ક્રત્વે॒ દક્ષા॑ય નો હિનુ॒ પ્રણ॒ આયૂગ્ં॑ષિ તારિષઃ ॥ 39

હવ્યવાહઃ (અગ્નિઃ)

હ॒વ્ય॒વાહ॑મભિ-માતિ॒ષાહ᳚મ્ । ર॒ક્ષો॒હણ॒-મ્પૃત॑નાસુ જિ॒ષ્ણુમ્ ।

જ્યોતિ॑ષ્મન્ત॒-ન્દીદ્ય॑ત॒-મ્પુર॑ન્ધિમ્ । અ॒ગ્નિગ્ગ્​ સ્વિ॑ષ્ટ॒ કૃત॒માહુ॑વેમ ।

સ્વિ॑ષ્ટ મગ્ને અ॒ભિત-ત્પૃ॑ણાહિ । વિશ્વા॑ દેવ॒ પૃત॑ના અ॒ભિષ્ય ।

ઉ॒રુન્નઃ॒ પન્થા᳚-મ્પ્રદિ॒શન્ વિભા॑હિ । જ્યોતિ॑ષ્મદ્ધેહ્ય॒ જર॑ન્ન॒ આયુઃ॑ ॥ 40

ૐ શાન્તિ॒-શ્શાન્તિ॒-શ્શાન્તિઃ॑ ॥