Mantra Pushpam
മന്ത്ര പുഷ്പമ്
Mantra Pushpam
മന്ത്ര പുഷ്പമ്
ശ്ലോക 1
ഭ॒ദ്ര-ങ്കര്ണേ॑ഭി-ശ്ശൃണു॒യാമ॑ ദേവാഃ ।
ഭ॒ദ്ര-മ്പ॑ശ്യേമാ॒ക്ഷഭി॒ര്യജ॑ത്രാഃ ।
സ്ഥി॒രൈരങ്ഗൈ᳚സ്തുഷ്ടു॒വാഗ്ംസ॑സ്ത॒നൂഭിഃ॑ ।
വ്യശേ॑മ ദേ॒വഹി॑തം॒-യഁദായുഃ॑ ॥
സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ ।
സ്വ॑സ്തി നഃ॑ പൂ॒ഷാ വി॒ശ്വവേ॑ദാഃ ।
സ്വ॒॒സ്തിന॒സ്താര്ക്ഷ്യോ॒ അരി॑ഷ്ടനേമിഃ ।
സ്വ॒സ്തി നോ॒ ബൃഹ॒സ്പതി॑ര്ദധാതു ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
യോ॑-ഽപാ-മ്പുഷ്പം॒-വേഁദ॑ ।
പുഷ്പ॑വാ-ന്പ്ര॒ജാവാ᳚-ന്പശു॒മാ-ന്ഭ॑വതി ।
ച॒ന്ദ്രമാ॒ വാ അ॒പാ-മ്പുഷ്പമ്᳚ ।
പുഷ്പ॑വാ-ന്പ്ര॒ജാവാ᳚-ന്പശു॒മാ-ന്ഭ॑വതി ।
യ ഏ॒വം-വേഁദ॑ ।
യോ॑-ഽപാമാ॒യത॑നം॒-വേഁദ॑ ।
ആ॒യത॑നവാ-ന്ഭവതി ॥
അ॒ഗ്നിര്വാ അ॒പാമാ॒യത॑നമ് ।
ആ॒യത॑നവാ-ന്ഭവതി ।
യോ᳚-ഽഗ്നേരാ॒യത॑നം॒-വേഁദ॑ ।
ആ॒യത॑നവാ-ന്ഭവതി ।
ആപോ॒വാ അ॒ഗ്നേരാ॒യത॑നമ് ।
ആ॒യത॑നവാ-ന്ഭവതി ।
യ ഏ॒വം-വേഁദ॑ ।
യോ॑-ഽപാമാ॒യത॑നം॒-വേഁദ॑ ।
ആ॒യത॑നവാ-ന്ഭവതി ॥
വാ॒യുര്വാ അ॒പാമാ॒യത॑നമ് ।
ആ॒യത॑നവാ-ന്ഭവതി ।
യോ വാ॒യോരാ॒യത॑നം॒-വേഁദ॑ ।
ആ॒യത॑നവാ-ന്ഭവതി ।
ആപോ॒ വൈ വാ॒യോരാ॒യത॑നമ് ।
ആ॒യത॑നവാ-ന്ഭവതി ।
യ ഏ॒വം-വേഁദ॑ ।
യോ॑-ഽപാമാ॒യത॑നം॒-വേഁദ॑ ।
ആ॒യത॑നവാ-ന്ഭവതി ॥
അ॒സൌ വൈ തപ॑ന്ന॒പാമാ॒യത॑നമ് ।
ആ॒യത॑നവാ-ന്ഭവതി ।
യോ॑-ഽമുഷ്യ॒തപ॑ത ആ॒യത॑നം॒-വേഁദ॑ ।
ആ॒യത॑നവാ-ന്ഭവതി ।
ആപോ॒ വാ അ॒മുഷ്യ॒തപ॑ത ആ॒യത॑നമ് ।
ആ॒യത॑നവാ-ന്ഭവതി ।
യ ഏ॒വം-വേഁദ॑ ।
യോ॑-ഽപാമാ॒യത॑നം॒-വേഁദ॑ ।
ആ॒യത॑നവാ-ന്ഭവതി ॥
ച॒ന്ദ്രമാ॒ വാ അ॒പാമാ॒യത॑നമ് ।
ആ॒യത॑നവാ-ന്ഭവതി ।
യശ്ച॒ന്ദ്രമ॑സ ആ॒യത॑നം॒-വേഁദ॑ ।
ആ॒യത॑നവാ-ന്ഭവതി ।
ആപോ॒ വൈ ച॒ന്ദ്രമ॑സ ആ॒യത॑നമ് ।
ആ॒യത॑നവാ-ന്ഭവതി ।
യ ഏ॒വം-വേഁദ॑ ।
യോ॑-ഽപാമാ॒യത॑നം॒-വേഁദ॑ ।
ആ॒യത॑നവാ-ന്ഭവതി ॥
നക്ഷത്ര॑ത്രാണി॒ വാ അ॒പാമാ॒യത॑നമ് ।
ആ॒യത॑നവാ-ന്ഭവതി ।
യോ നക്ഷത്ര॑ത്രാണാമാ॒യത॑നം॒-വേഁദ॑ ।
ആ॒യത॑നവാ-ന്ഭവതി ।
ആപോ॒ വൈ നക്ഷ॑ത്രാണാമാ॒യത॑നമ് ।
ആ॒യത॑നവാ-ന്ഭവതി ।
യ ഏ॒വം-വേഁദ॑ ।
യോ॑-ഽപാമാ॒യത॑നം॒-വേഁദ॑ ।
ആ॒യത॑നവാ-ന്ഭവതി ॥
പ॒ര്ജന്യോ॒ വാ അ॒പാമാ॒യത॑നമ് ।
ആ॒യത॑നവാ-ന്ഭവതി ।
യഃ പ॒ര്ജന്യ॑സ്യാ॒യത॑നം॒-വേഁദ॑ ।
ആ॒യത॑നവാ-ന്ഭവതി ।
ആപോ॒ വൈ പ॒ര്ജന്യ॑സ്യാ॒യത॑നമ് ।
ആ॒യത॑നവാ-ന്ഭവതി ।
യ ഏ॒വം-വേഁദ॑ ।
യോ॑-ഽപാമാ॒യത॑നം॒-വേഁദ॑ ।
ആ॒യത॑നവാ-ന്ഭവതി ॥
സം॒വഁ॒ത്സ॒രോ വാ അ॒പാമാ॒യത॑ന॒മ് ।
ആ॒യത॑നവാ-ന്ഭവതി ।
യ-സ്സം॑വഁത്സ॒രസ്യാ॒യത॑നം॒-വേഁദ॑ ।
ആ॒യത॑നവാ-ന്ഭവതി ।
ആപോ॒ വൈ സം॑വഁത്സ॒രസ്യാ॒യത॑നമ് ।
ആ॒യത॑നവാ-ന്ഭവതി ।
യ ഏവം-വേഁദ॑ ।
യോ᳚-ഽഫ്സു നാവ॒-മ്പ്രതി॑ഷ്ഠിതാം॒-വേഁദ॑ ।
പ്രത്യേ॒വ തി॑ഷ്ഠതി ॥
ഓം രാ॒ജാ॒ധി॒രാ॒ജായ॑ പ്രസഹ്യ സാ॒ഹിനേ᳚ ।
നമോ॑ വ॒യം-വൈഁ᳚ശ്രവ॒ണായ॑ കുര്മഹേ ।
സ മേ॒ കാമാ॒ന് കാമ॒ കാമാ॑യ॒ മഹ്യമ്᳚ ।
കാ॒മേ॒ശ്വ॒രോ വൈ᳚ശ്രവ॒ണോ ദ॑ദാതു ।
കു॒ബേ॒രായ॑ വൈശ്രവ॒ണായ॑ ।
മ॒ഹാ॒രാജായ॒ നമഃ॑ ॥
ഓ᳚-ന്തദ്ബ്ര॒ഹ്മ ।
ഓ᳚-ന്തദ്വാ॒യുഃ ।
ഓ᳚-ന്തദാ॒ത്മാ ।
ഓ᳚-ന്തഥ്സ॒ത്യമ് ।
ഓ᳚-ന്തത്സര്വമ്᳚ ।
ഓ᳚-ന്തത്പുരോ॒ര്നമഃ ॥
അന്തശ്ചരതി॑ ഭൂതേ॒ഷു ഗുഹായാം-വിഁ॑ശ്വമൂ॒ര്തിഷു ।
ത്വം-യഁജ്ഞസ്ത്വം-വഁഷട്കാരസ്ത്വ-മിന്ദ്രസ്ത്വഗ്ം
രുദ്രസ്ത്വം-വിഁഷ്ണുസ്ത്വ-മ്ബ്രഹ്മത്വ॑-മ്പ്രജാ॒പതിഃ ।
ത്വ-ന്ത॑ദാപ॒ ആപോ॒ ജ്യോതീ॒രസോ॒-ഽമൃത-മ്ബ്രഹ്മ॒ ഭൂര്ഭുവ॒സ്സുവ॒രോമ് ।
ഈശാനസ്സര്വ॑ വിദ്യാ॒നാമീശ്വരസ്സര്വ॑ഭൂതാ॒നാം
ബ്രഹ്മാധി॑പതി॒-ര്ബ്രഹ്മ॒ണോ-ഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ।
തദ്വിഷ്ണോഃ᳚ പര॒മ-മ്പ॒ദഗ്ം സദാ॑ പശ്യന്തി സൂ॒രയഃ॑ ।
ദി॒വീവ॒ ചക്ഷു॒രാത॑തമ് ।
തദ്വിപ്രാ॑സോ വിപ॒ന്യവോ॑ ജാഗൃ॒വാഗ്ം സസ്സമി॑ന്ധതേ ।
വിഷ്നോ॒ര്യത്പ॑ര॒മ-മ്പ॒ദമ് ।
ഋതഗ്ം സ॒ത്യ-മ്പ॑ര-മ്ബ്ര॒ഹ്മ॒ പു॒രുഷ॑-ങ്കൃഷ്ണ॒പിങ്ഗ॑ലമ് ।
ഊ॒ര്ധ്വരേ॑തം-വിഁ॑രൂപാ॒ക്ഷം॒-വിഁ॒ശ്വരൂ॑പായ॒ വൈ നമോ॒ നമഃ॑ ॥
ഓ-ന്നാ॒രാ॒യ॒ണായ॑ വി॒ദ്മഹേ॑ വാസുദേ॒വായ॑ ധീമഹി ।
തന്നോ॑ വിഷ്ണുഃ പ്രചോ॒ദയാ᳚ത് ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ।