மணித்வீப வர்ணந - 1 (தேவீ பாகவதம்)

ஶ்லோக 1

(ஶ்ரீதேவீபாகவதம், த்வாதஶ ஸ்கந்தம், தஶமோऽத்யாயஃ, , மணித்வீப வர்ணந - 1)

வ்யாஸ உவாச –

ப்ரஹ்மலோகாதூர்த்வபாகே ஸர்வலோகோऽஸ்தி யஃ ஶ்ருதஃ ।

மணித்வீபஃ ஸ ஏவாஸ்தி யத்ர தேவீ விராஜதே

ஶ்லோக 2

ஸர்வஸ்மாததிகோ யஸ்மாத்ஸர்வலோகஸ்ததஃ ஸ்ம்ரு'தஃ ।

புரா பராம்பயைவாயம் கல்பிதோ மநஸேச்சயா

॥ 1 ॥

ஶ்லோக 3

ஸர்வாதௌ நிஜவாஸார்தம் ப்ரக்ரு'த்யா மூலபூதயா ।

கைலாஸாததிகோ லோகோ வைகுண்டாதபி சோத்தமஃ

॥ 2 ॥

ஶ்லோக 4

கோலோகாதபி ஸர்வஸ்மாத்ஸர்வலோகோऽதிகஃ ஸ்ம்ரு'தஃ ।

நைதத்ஸமம் த்ரிலோக்யாம் து ஸுந்தரம் வித்யதே க்வசித்

॥ 3 ॥

ஶ்லோக 5

சத்ரீபூதம் த்ரிஜகதோ பவஸந்தாபநாஶகம் ।

சாயாபூதம் ததேவாஸ்தி ப்ரஹ்மாண்டாநாம் து ஸத்தம

॥ 4 ॥

ஶ்லோக 6

பஹுயோஜநவிஸ்தீர்ணோ கம்பீரஸ்தாவதேவ ஹி ।

மணித்வீபஸ்ய பரிதோ வர்ததே து ஸுதோததிஃ

॥ 5 ॥

ஶ்லோக 7

மருத்ஸங்கட்டநோத்கீர்ணதரங்க ஶதஸங்குலஃ ।

ரத்நாச்சவாலுகாயுக்தோ சஷஶங்கஸமாகுலஃ

॥ 6 ॥

ஶ்லோக 8

வீசிஸங்கர்ஷஸஞ்ஜாதலஹரீகணஶீதலஃ ।

நாநாத்வஜஸமாயுக்தா நாநாபோதகதாகதைஃ

॥ 7 ॥

ஶ்லோக 9

விராஜமாநஃ பரிதஸ்தீரரத்நத்ருமோ மஹாந் ।

ததுத்தரமயோதாதுநிர்மிதோ ககநே ததஃ

॥ 8 ॥

ஶ்லோக 10

ஸப்தயோஜநவிஸ்தீர்ணஃ ப்ராகாரோ வர்ததே மஹாந் ।

நாநாஶஸ்த்ரப்ரஹரணா நாநாயுத்தவிஶாரதாஃ

॥ 9 ॥

ஶ்லோக 11

ரக்ஷகா நிவஸந்த்யத்ர மோதமாநாஃ ஸமந்ததஃ ।

சதுர்த்வாரஸமாயுக்தோ த்வாரபாலஶதாந்விதஃ

॥ 10 ॥

ஶ்லோக 12

நாநாகணைஃ பரிவ்ரு'தோ தேவீபக்தியுதைர்ந்ரு'ப ।

தர்ஶநார்தம் ஸமாயாந்தி யே தேவா ஜகதீஶிதுஃ

॥ 11 ॥

ஶ்லோக 13

தேஷாம் கணா வஸந்த்யத்ர வாஹநாநி ச தத்ர ஹி ।

விமாநஶதஸங்கர்ஷகண்டாஸ்வநஸமாகுலஃ

॥ 12 ॥

ஶ்லோக 14

ஹயஹேஷாகுராகாதபதிரீக்ரு'ததிம்முகஃ ।

கணைஃ கிலகிலாராவைர்வேத்ரஹஸ்தைஶ்ச தாடிதாஃ

॥ 13 ॥

ஶ்லோக 15

ஸேவகா தேவஸங்காநாம் ப்ராஜந்தே தத்ர பூமிப ।

தஸ்மிங்கோலாஹலே ராஜந்நஶப்தஃ கேநசித்க்வசித்

॥ 14 ॥

ஶ்லோக 16

கஸ்யசிச்ச்ரூயதேऽத்யந்தம் நாநாத்வநிஸமாகுலே ।

பதே பதே மிஷ்டவாரிபரிபூர்ணஸராந்ஸி ச

॥ 15 ॥

ஶ்லோக 17

வாடிகா விவிதா ராஜந் ரத்நத்ருமவிராஜிதாஃ ।

ததுத்தரம் மஹாஸாரதாதுநிர்மிதமண்டலஃ

॥ 16 ॥

ஶ்லோக 18

ஸாலோऽபரோ மஹாநஸ்தி ககநஸ்பர்ஶி யச்சிரஃ ।

தேஜஸா ஸ்யாச்சதகுணஃ பூர்வஸாலாதயம் பரஃ

॥ 17 ॥

ஶ்லோக 19

கோபுரத்வாரஸஹிதோ பஹுவ்ரு'க்ஷஸமந்விதஃ ।

யா வ்ரு'க்ஷஜாதயஃ ஸந்தி ஸர்வாஸ்தாஸ்தத்ர ஸந்தி ச

॥ 18 ॥

ஶ்லோக 20

நிரந்தரம் புஷ்பயுதாஃ ஸதா பலஸமந்விதாஃ ।

நவபல்லவஸம்யுக்தாஃ பரஸௌரபஸங்குலாஃ

॥ 19 ॥

ஶ்லோக 21

பநஸா பகுலா லோத்ராஃ கர்ணிகாராஶ்ச ஶிம்ஶபாஃ ।

தேவதாருகாஞ்சநாரா ஆம்ராஶ்சைவ ஸுமேரவஃ

॥ 20 ॥

ஶ்லோக 22

லிகுசா ஹிங்குலாஶ்சைலா லவங்காஃ கட்பலாஸ்ததா ।

பாடலா முசுகுந்தாஶ்ச பலிந்யோ ஜகநேபலாஃ

॥ 21 ॥

ஶ்லோக 23

தாலாஸ்தமாலாஃ ஸாலாஶ்ச கங்கோலா நாகபத்ரகாஃ ।

புந்நாகாஃ பீலவஃ ஸால்வகா வை கர்பூரஶாகிநஃ

॥ 22 ॥

ஶ்லோக 24

அஶ்வகர்ணா ஹஸ்திகர்ணாஸ்தாலபர்ணாஶ்ச தாடிமாஃ ।

கணிகா பந்துஜீவாஶ்ச ஜம்பீராஶ்ச குரண்டகாஃ

॥ 23 ॥

ஶ்லோக 25

சாம்பேயா பந்துஜீவாஶ்ச ததா வை கநகத்ருமாஃ ।

காலாகுருத்ருமாஶ்சைவ ததா சந்தநபாதபாஃ

॥ 24 ॥

ஶ்லோக 26

கர்ஜூரா யூதிகாஸ்தாலபர்ண்யஶ்சைவ ததேக்ஷவஃ ।

க்ஷீரவ்ரு'க்ஷாஶ்ச கதிராஶ்சிஞ்சாபல்லாதகாஸ்ததா

॥ 25 ॥

ஶ்லோக 27

ருசகாஃ குடஜா வ்ரு'க்ஷா பில்வவ்ரு'க்ஷாஸ்ததைவ ச ।

துலஸீநாம் வநாந்யேவம் மல்லிகாநாம் ததைவ ச

॥ 26 ॥

ஶ்லோக 28

இத்யாதிதருஜாதீநாம் வநாந்யுபவநாநி ச ।

நாநாவாபீஶதைர்யுக்தாந்யேவம் ஸந்தி தராதிப

॥ 27 ॥

ஶ்லோக 29

கோகிலாராவஸம்யுக்தா குந்ஜத்ப்ரமரபூஷிதாஃ ।

நிர்யாஸஸ்ராவிணஃ ஸர்வே ஸ்நிக்தச்சாயாஸ்தரூத்தமாஃ

॥ 28 ॥

ஶ்லோக 30

நாநாரு'துபவா வ்ரு'க்ஷா நாநாபக்ஷிஸமாகுலாஃ ।

நாநாரஸஸ்ராவிணீபிர்நதீபிரதிஶோபிதாஃ

॥ 29 ॥

ஶ்லோக 31

பாராவதஶுகவ்ராதஸாரிகாபக்ஷமாருதைஃ ।

ஹம்ஸபக்ஷஸமுத்பூத வாதவ்ராதைஶ்சலத்த்ருமம்

॥ 30 ॥

ஶ்லோக 32

ஸுகந்தக்ராஹிபவநபூரிதம் தத்வநோத்தமம் ।

ஸஹிதம் ஹரிணீயூதைர்தாவமாநைரிதஸ்ததஃ

॥ 31 ॥

ஶ்லோக 33

ந்ரு'த்யத்பர்ஹிகதம்பஸ்ய கேகாராவைஃ ஸுகப்ரதைஃ ।

நாதிதம் தத்வநம் திவ்யம் மதுஸ்ராவி ஸமந்ததஃ

॥ 32 ॥

ஶ்லோக 34

காம்ஸ்யஸாலாதுத்தரே து தாம்ரஸாலஃ ப்ரகீர்திதஃ ।

சதுரஸ்ரஸமாகார உந்நத்யா ஸப்தயோஜநஃ

॥ 33 ॥

ஶ்லோக 35

த்வயோஸ்து ஸாலயோர்மத்யே ஸம்ப்ரோக்தா கல்பவாடிகா ।

யேஷாம் தரூணாம் புஷ்பாணி காஞ்சநாபாநி பூமிப

॥ 34 ॥

ஶ்லோக 36

பத்ராணி காஞ்சநாபாநி ரத்நபீஜபலாநி ச ।

தஶயோஜநகந்தோ ஹி ப்ரஸர்பதி ஸமந்ததஃ

॥ 35 ॥

ஶ்லோக 37

தத்வநம் ரக்ஷிதம் ராஜந்வஸந்தேநர்துநாநிஶம் ।

புஷ்பஸிம்ஹாஸநாஸீநஃ புஷ்பச்சத்ரவிராஜிதஃ

॥ 36 ॥

ஶ்லோக 38

புஷ்பபூஷாபூஷிதஶ்ச புஷ்பாஸவவிகூர்ணிதஃ ।

மதுஶ்ரீர்மாதவஶ்ரீஶ்ச த்வே பார்யே தஸ்ய ஸம்மதே

॥ 37 ॥

ஶ்லோக 39

க்ரீடதஃ ஸ்மேரவதநே ஸுமஸ்தபககந்துகைஃ ।

அதீவ ரம்யம் விபிநம் மதுஸ்ராவி ஸமந்ததஃ

॥ 38 ॥

ஶ்லோக 40

தஶயோஜநபர்யந்தம் குஸுமாமோதவாயுநா ।

பூரிதம் திவ்யகந்தர்வைஃ ஸாங்கநைர்காநலோலுபைஃ

॥ 39 ॥

ஶ்லோக 41

ஶோபிதம் தத்வநம் திவ்யம் மத்தகோகிலநாதிதம் ।

வஸந்தலக்ஷ்மீஸம்யுக்தம் காமிகாமப்ரவர்தநம்

॥ 40 ॥

ஶ்லோக 42

தாம்ரஸாலாதுத்தரத்ர ஸீஸஸாலஃ ப்ரகீர்திதஃ ।

ஸமுச்ச்ராயஃ ஸ்ம்ரு'தோऽப்யஸ்ய ஸப்தயோஜநஸங்க்யயா

॥ 41 ॥

ஶ்லோக 43

ஸந்தாநவாடிகாமத்யே ஸாலயோஸ்து த்வயோர்ந்ரு'ப ।

தஶயோஜநகந்தஸ்து ப்ரஸூநாநாம் ஸமந்ததஃ

॥ 42 ॥

ஶ்லோக 44

ஹிரண்யாபாநி குஸுமாந்யுத்புல்லாநி நிரந்தரம் ।

அம்ரு'தத்ரவஸம்யுக்தபலாநி மதுராணி ச

॥ 43 ॥

ஶ்லோக 45

க்ரீஷ்மர்துர்நாயகஸ்தஸ்யா வாடிகாயா ந்ரு'போத்தம ।

ஶுக்ரஶ்ரீஶ்ச ஶுசிஶ்ரீஶ்ச த்வே பார்யே தஸ்ய ஸம்மதே

॥ 44 ॥

ஶ்லோக 46

ஸந்தாபத்ரஸ்தலோகாஸ்து வ்ரு'க்ஷமூலேஷு ஸம்ஸ்திதாஃ ।

நாநாஸித்தைஃ பரிவ்ரு'தோ நாநாதேவைஃ ஸமந்விதஃ

॥ 45 ॥

ஶ்லோக 47

விலாஸிநீநாம் ப்ரு'ந்தைஸ்து சந்தநத்ரவபங்கிலைஃ ।

புஷ்பமாலாபூஷிதைஸ்து தாலவ்ரு'ந்தகராம்புஜைஃ

॥ 46 ॥

ஶ்லோக 48

ப்ரகாரஃ ஶோபிதோ ஏஜச்சீதலாம்புநிஷேவிபிஃ ।

ஸீஸஸாலாதுத்தரத்ராப்யாரகூடமயஃ ஶுபஃ

॥ 47 ॥

ஶ்லோக 49

ப்ராகாரோ வர்ததே ராஜந்முநியோஜநதைர்க்யவாந் ।

ஹரிசந்தநவ்ரு'க்ஷாணாம் வாடீ மத்யே தயோஃ ஸ்ம்ரு'தா

॥ 48 ॥

ஶ்லோக 50

ஸாலயோரதிநாதஸ்து வர்ஷர்துர்மேகவாஹநஃ ।

வித்யுத்பிங்கலநேத்ரஶ்ச ஜீமூதகவசஃ ஸ்ம்ரு'தஃ

॥ 49 ॥

ஶ்லோக 51

வஜ்ரநிர்கோஷமுகரஶ்சேந்த்ரதந்வா ஸமந்ததஃ ।

ஸஹஸ்ரஶோ வாரிதாரா முஞ்சந்நாஸ்தே கணாவ்ரு'தஃ

॥ 50 ॥

ஶ்லோக 52

நபஃ ஶ்ரீஶ்ச நபஸ்யஶ்ரீஃ ஸ்வரஸ்யா ரஸ்யமாலிநீ ।

அம்பா துலா நிரத்நிஶ்சாப்ரமந்தீ மேகயந்திகா

॥ 51 ॥

ஶ்லோக 53

வர்ஷயந்தீ சிபுணிகா வாரிதாரா ச ஸம்மதாஃ ।

வர்ஷர்தோர்த்வாதஶ ப்ரோக்தாஃ ஶக்தயோ மதவிஹ்வலாஃ

॥ 52 ॥

ஶ்லோக 54

நவபல்லவவ்ரு'க்ஷாஶ்ச நவீநலதிகாந்விதாஃ ।

ஹரிதாநி த்ரு'ணாந்யேவ வேஷ்டிதா யைர்தராऽகிலா

॥ 53 ॥

ஶ்லோக 55

நதீநதப்ரவாஹாஶ்ச ப்ரவஹந்தி ச வேகதஃ ।

ஸராம்ஸி கலுஷாம்பூநி ராகிசித்தஸமாநி ச

॥ 54 ॥

ஶ்லோக 56

வஸந்தி தேவாஃ ஸித்தாஶ்ச யே தேவீகர்மகாரிணஃ ।

வாபீகூபதடாகாஶ்ச யே தேவ்யர்தம் ஸமர்பிதாஃ

॥ 55 ॥

ஶ்லோக 57

தே கணா நிவஸந்த்யத்ர ஸவிலாஸாஶ்ச ஸாங்கநாஃ ।

ஆரகூடமயாதக்ரே ஸப்தயோஜநதைர்க்யவாந்

॥ 56 ॥

ஶ்லோக 58

பஞ்சலோஹாத்மகஃ ஸாலோ மத்யே மந்தாரவாடிகா ।

நாநாபுஷ்பலதாகீர்ணா நாநாபல்லவஶோபிதா

॥ 57 ॥

ஶ்லோக 59

அதிஷ்டாதாऽத்ர ஸம்ப்ரோக்தஃ ஶரத்ரு'துரநாமயஃ ।

இஷலக்ஷ்மீரூர்ஜலக்ஷ்மீர்த்வே பார்யே தஸ்ய ஸம்மதே

॥ 58 ॥

ஶ்லோக 60

நாநாஸித்தா வஸந்த்யத்ர ஸாங்கநாஃ ஸபரிச்சதாஃ ।

பஞ்சலோஹமயாதக்ரே ஸப்தயோஜநதைர்க்யவாந்

॥ 59 ॥

ஶ்லோக 61

தீப்யமாநோ மஹாஶ்ரு'ங்கைர்வர்ததே ரௌப்யஸாலகஃ ।

பாரிஜாதாடவீமத்யே ப்ரஸூநஸ்தபகாந்விதா

॥ 60 ॥

ஶ்லோக 62

தஶயோஜநகந்தீநி குஸுமாநி ஸமந்ததஃ ।

மோதயந்தி கணாந்ஸர்வாந்யே தேவீகர்மகாரிணஃ

॥ 61 ॥

ஶ்லோக 63

தத்ராதிநாதஃ ஸம்ப்ரோக்தோ ஹேமந்தர்துர்மஹோஜ்ஜ்வலஃ ।

ஸகணஃ ஸாயுதஃ ஸர்வாந் ராகிணோ ரஞ்ஜயந்நபஃ

॥ 62 ॥

ஶ்லோக 64

ஸஹஶ்ரீஶ்ச ஸஹஸ்யஶ்ரீர்த்வே பார்யே தஸ்ய ஸம்மதே ।

வஸந்தி தத்ர ஸித்தாஶ்ச யே தேவீவ்ரதகாரிணஃ

॥ 63 ॥

ஶ்லோக 65

ரௌப்யஸாலமயாதக்ரே ஸப்தயோஜநதைர்க்யவாந் ।

ஸௌவர்ணஸாலஃ ஸம்ப்ரோக்தஸ்தப்தஹாடககல்பிதஃ

॥ 64 ॥

ஶ்லோக 66

மத்யே கதம்பவாடீ து புஷ்பபல்லவஶோபிதா ।

கதம்பமதிராதாராஃ ப்ரவர்தந்தே ஸஹஸ்ரஶஃ

॥ 65 ॥

ஶ்லோக 67

யாபிர்நிபீதபீதாபிர்நிஜாநந்தோऽநுபூயதே ।

தத்ராதிநாதஃ ஸம்ப்ரோக்தஃ ஶைஶிரர்துர்மஹோதயஃ

॥ 66 ॥

ஶ்லோக 68

தபஃஶ்ரீஶ்ச தபஸ்யஶ்ரீர்த்வே பார்யே தஸ்ய ஸம்மதே ।

மோதமாநஃ ஸஹைதாப்யாம் வர்ததே ஶிஶிராக்ரு'திஃ

॥ 67 ॥

ஶ்லோக 69

நாநாவிலாஸஸம்யுக்தோ நாநாகணஸமாவ்ரு'தஃ ।

நிவஸந்தி மஹாஸித்தா யே தேவீதாநகாரிணஃ

॥ 68 ॥

ஶ்லோக 70

நாநாபோகஸமுத்பந்நமஹாநந்தஸமந்விதாஃ ।

ஸாங்கநாஃ பரிவாரைஸ்து ஸங்கஶஃ பரிவாரிதாஃ

॥ 69 ॥

ஶ்லோக 71

ஸ்வர்ணஸாலமயாதக்ரே முநியோஜநதைர்க்யவாந் ।

புஷ்பராகமயஃ ஸாலஃ குங்குமாருணவிக்ரஹஃ

॥ 70 ॥

ஶ்லோக 72

புஷ்பராகமயீ பூமிர்வநாந்யுபவநாநி ச ।

ரத்நவ்ரு'க்ஷாலவாலாஶ்ச புஷ்பராகமயாஃ ஸ்ம்ரு'தாஃ

॥ 71 ॥

ஶ்லோக 73

ப்ராகாரோ யஸ்ய ரத்நஸ்ய தத்ரத்நரசிதா த்ருமாஃ ।

வநபூஃ பக்ஷிநஶ்சைவ ரத்நவர்ணஜலாநி ச

॥ 72 ॥

ஶ்லோக 74

மண்டபா மண்டபஸ்தம்பாஃ ஸராந்ஸி கமலாநி ச ।

ப்ராகாரே தத்ர யத்யத்ஸ்யாத்தத்ஸர்வம் தத்ஸமம் பவேத்

॥ 73 ॥

ஶ்லோக 75

பரிபாஷேயமுத்திஷ்டா ரத்நஸாலாதிஷு ப்ரபோ ।

தேஜஸா ஸ்யால்லக்ஷகுணஃ பூர்வஸாலாத்பரோ ந்ரு'ப

॥ 74 ॥

ஶ்லோக 76

திக்பாலா நிவஸந்த்யத்ர ப்ரதிப்ரஹ்மாந்டவர்திநாம் ।

திக்பாலாநாம் ஸமஷ்ட்யாத்மரூபாஃ ஸ்பூர்ஜத்வராயுதாஃ

॥ 75 ॥

ஶ்லோக 77

பூர்வாஶாயாம் ஸமுத்துங்கஶ்ரு'ங்கா பூரமராவதீ ।

நாநோபவநஸம்யுக்தா மஹேந்த்ரஸ்தத்ர ராஜதே

॥ 76 ॥

ஶ்லோக 78

ஸ்வர்கஶோபா ச யா ஸ்வர்கே யாவதீ ஸ்யாத்ததோऽதிகா ।

ஸமஷ்டிஶதநேத்ரஸ்ய ஸஹஸ்ரகுணதஃ ஸ்ம்ரு'தா

॥ 77 ॥

ஶ்லோக 79

ஐராவதஸமாரூடோ வஜ்ரஹஸ்தஃ ப்ரதாபவாந் ।

தேவஸேநாபரிவ்ரு'தோ ராஜதேऽத்ர ஶதக்ரதுஃ

॥ 78 ॥

ஶ்லோக 80

தேவாங்கநாகணயுதா ஶசீ தத்ர விராஜதே ।

வஹ்நிகோணே வஹ்நிபுரீ வஹ்நிபூஃ ஸத்ரு'ஶீ ந்ரு'ப

॥ 79 ॥

ஶ்லோக 81

ஸ்வாஹாஸ்வதாஸமாயுக்தோ வஹ்நிஸ்தத்ர விராஜதே ।

நிஜவாஹநபூஷாட்யோ நிஜதேவகணைர்வ்ரு'தஃ

॥ 80 ॥

ஶ்லோக 82

யாம்யாஶாயாம் யமபுரீ தத்ர தண்டதரோ மஹாந் ।

ஸ்வபடைர்வேஷ்டிதோ ராஜந் சித்ரகுப்தபுரோகமைஃ

॥ 81 ॥

ஶ்லோக 83

நிஜஶக்தியுதோ பாஸ்வத்தநயோऽஸ்தி யமோ மஹாந் ।

நைர்ரு'த்யாம் திஶி ராக்ஷஸ்யாம் ராக்ஷஸைஃ பரிவாரிதஃ

॥ 82 ॥

ஶ்லோக 84

கட்கதாரீ ஸ்புரந்நாஸ்தே நிர்ரு'திர்நிஜஶக்தியுக் ।

வாருண்யாம் வருணோ ராஜா பாஶதாரீ ப்ரதாபவாந்

॥ 83 ॥

ஶ்லோக 85

மஹாசஶஸமாரூடோ வாருணீமதுவிஹ்வலஃ ।

நிஜஶக்திஸமாயுக்தோ நிஜயாதோகணாந்விதஃ

॥ 84 ॥

ஶ்லோக 86

ஸமாஸ்தே வாருணே லோகே வருணாநீரதாகுலஃ ।

வாயுகோணே வாயுலோகோ வாயுஸ்தத்ராதிதிஷ்டதி

॥ 85 ॥

ஶ்லோக 87

வாயுஸாதநஸம்ஸித்தயோகிபிஃ பரிவாரிதஃ ।

த்வஜஹஸ்தோ விஶாலாக்ஷோ ம்ரு'கவாஹநஸம்ஸ்திதஃ

॥ 86 ॥

ஶ்லோக 88

மருத்கணைஃ பரிவ்ரு'தோ நிஜஶக்திஸமந்விதஃ ।

உத்தரஸ்யாம் திஶி மஹாந்யக்ஷலோகோऽஸ்தி பூமிப

॥ 87 ॥

ஶ்லோக 89

யக்ஷாதிராஜஸ்தத்ராऽऽஸ்தே வ்ரு'த்திரு'த்த்யாதிஶக்திபிஃ ।

நவபிர்நிதிபிர்யுக்தஸ்துந்திலோ தநநாயகஃ

॥ 88 ॥

ஶ்லோக 90

மணிபத்ரஃ பூர்ணபத்ரோ மணிமாந்மணிகந்தரஃ ।

மணிபூஷோ மணிஸ்ரக்வீ மணிகார்முகதாரகஃ

॥ 89 ॥

ஶ்லோக 91

இத்யாதியக்ஷஸேநாநீஸஹிதோ நிஜஶக்தியுக் ।

ஈஶாநகோணே ஸம்ப்ரோக்தோ ருத்ரலோகோ மஹத்தரஃ

॥ 90 ॥

ஶ்லோக 92

அநர்க்யரத்நகசிதோ யத்ர ருத்ரோऽதிதைவதம் ।

மந்யுமாந்தீப்தநயநோ பத்தப்ரு'ஷ்டமஹேஷுதிஃ

॥ 91 ॥

ஶ்லோக 93

ஸ்பூர்ஜத்தநுர்வாமஹஸ்தோऽதிஜ்யதந்வபிராவ்ரு'தஃ ।

ஸ்வஸமாநைரஸங்க்யாதருத்ரைஃ ஶூலவராயுதைஃ

॥ 92 ॥

ஶ்லோக 94

விக்ரு'தாஸ்யைஃ கராலாஸ்யைர்வமத்வஹ்நிபிராஸ்யதஃ ।

தஶஹஸ்தைஃ ஶதகரைஃ ஸஹஸ்ரபுஜஸம்யுதைஃ

॥ 93 ॥

ஶ்லோக 95

தஶபாதைர்தஶக்ரீவைஸ்த்ரிநேத்ரைருக்ரமூர்திபிஃ ।

அந்தரிக்ஷசரா யே ச யே ச பூமிசராஃ ஸ்ம்ரு'தாஃ

॥ 94 ॥

ஶ்லோக 96

ருத்ராத்யாயே ஸ்ம்ரு'தா ருத்ராஸ்தைஃ ஸர்வைஶ்ச ஸமாவ்ரு'தஃ ।

ருத்ராணீகோடிஸஹிதோ பத்ரகால்யாதிமாத்ரு'பிஃ

॥ 95 ॥

ஶ்லோக 97

நாநாஶக்திஸமாவிஷ்டடாமர்யாதிகணாவ்ரு'தஃ ।

வீரபத்ராதிஸஹிதோ ருத்ரோ ராஜந்விராஜதே

॥ 96 ॥

ஶ்லோக 98

முண்டமாலாதரோ நாகவலயோ நாககந்தரஃ ।

வ்யாக்ரசர்மபரீதாநோ கஜசர்மோத்தரீயகஃ

॥ 97 ॥

ஶ்லோக 99

சிதாபஸ்மாங்கலிப்தாங்கஃ ப்ரமதாதிகணாவ்ரு'தஃ ।

நிநதட்டமருத்வாநைர்பதிரீக்ரு'ததிம்முகஃ

॥ 98 ॥

ஶ்லோக 100

அட்டஹாஸாஸ்போடஶப்தைஃ ஸந்த்ராஸிதநபஸ்தலஃ ।

பூதஸங்கஸமாவிஷ்டோ பூதாவாஸோ மஹேஶ்வரஃ

॥ 99 ॥

ஶ்லோக 101

ஈஶாநதிக்பதிஃ ஸோऽயம் நாம்நா சேஶாந ஏவ ச

॥ 100 ॥

ஶ்லோக 102

இதி ஶ்ரீதேவீபாகவதே மஹாபுராணே த்வாதஶஸ்கந்தே மணித்வீபவர்ணநம் நாம தஶமோऽத்யாயஃ ॥