മണിദ്വീപ വര്ണന - 1 (ദേവീ ഭാഗവതമ്)

ശ്ലോക 1

(ശ്രീദേവീഭാഗവതം, ദ്വാദശ സ്കന്ധം, ദശമോഽധ്യായഃ, , മണിദ്വീപ വര്ണന - 1)

വ്യാസ ഉവാച –

ബ്രഹ്മലോകാദൂര്ധ്വഭാഗേ സര്വലോകോഽസ്തി യഃ ശ്രുതഃ ।

മണിദ്വീപഃ സ ഏവാസ്തി യത്ര ദേവീ വിരാജതേ

ശ്ലോക 2

സര്വസ്മാദധികോ യസ്മാത്സര്വലോകസ്തതഃ സ്മൃതഃ ।

പുരാ പരാമ്ബയൈവായം കല്പിതോ മനസേച്ഛയാ

॥ 1 ॥

ശ്ലോക 3

സര്വാദൌ നിജവാസാര്ഥം പ്രകൃത്യാ മൂലഭൂതയാ ।

കൈലാസാദധികോ ലോകോ വൈകുണ്ഠാദപി ചോത്തമഃ

॥ 2 ॥

ശ്ലോക 4

ഗോലോകാദപി സര്വസ്മാത്സര്വലോകോഽധികഃ സ്മൃതഃ ।

നൈതത്സമം ത്രിലോക്യാം തു സുന്ദരം വിദ്യതേ ക്വചിത്

॥ 3 ॥

ശ്ലോക 5

ഛത്രീഭൂതം ത്രിജഗതോ ഭവസന്താപനാശകമ് ।

ഛായാഭൂതം തദേവാസ്തി ബ്രഹ്മാണ്ഡാനാം തു സത്തമ

॥ 4 ॥

ശ്ലോക 6

ബഹുയോജനവിസ്തീര്ണോ ഗമ്ഭീരസ്താവദേവ ഹി ।

മണിദ്വീപസ്യ പരിതോ വര്തതേ തു സുധോദധിഃ

॥ 5 ॥

ശ്ലോക 7

മരുത്സങ്ഘട്ടനോത്കീര്ണതരങ്ഗ ശതസങ്കുലഃ ।

രത്നാച്ഛവാലുകായുക്തോ ഝഷശങ്ഖസമാകുലഃ

॥ 6 ॥

ശ്ലോക 8

വീചിസങ്ഘര്ഷസഞ്ജാതലഹരീകണശീതലഃ ।

നാനാധ്വജസമായുക്താ നാനാപോതഗതാഗതൈഃ

॥ 7 ॥

ശ്ലോക 9

വിരാജമാനഃ പരിതസ്തീരരത്നദ്രുമോ മഹാന് ।

തദുത്തരമയോധാതുനിര്മിതോ ഗഗനേ തതഃ

॥ 8 ॥

ശ്ലോക 10

സപ്തയോജനവിസ്തീര്ണഃ പ്രാകാരോ വര്തതേ മഹാന് ।

നാനാശസ്ത്രപ്രഹരണാ നാനായുദ്ധവിശാരദാഃ

॥ 9 ॥

ശ്ലോക 11

രക്ഷകാ നിവസന്ത്യത്ര മോദമാനാഃ സമന്തതഃ ।

ചതുര്ദ്വാരസമായുക്തോ ദ്വാരപാലശതാന്വിതഃ

॥ 10 ॥

ശ്ലോക 12

നാനാഗണൈഃ പരിവൃതോ ദേവീഭക്തിയുതൈര്നൃപ ।

ദര്ശനാര്ഥം സമായാന്തി യേ ദേവാ ജഗദീശിതുഃ

॥ 11 ॥

ശ്ലോക 13

തേഷാം ഗണാ വസന്ത്യത്ര വാഹനാനി ച തത്ര ഹി ।

വിമാനശതസങ്ഘര്ഷഘണ്ടാസ്വനസമാകുലഃ

॥ 12 ॥

ശ്ലോക 14

ഹയഹേഷാഖുരാഘാതബധിരീകൃതദിമ്മുഖഃ ।

ഗണൈഃ കിലകിലാരാവൈര്വേത്രഹസ്തൈശ്ച താഡിതാഃ

॥ 13 ॥

ശ്ലോക 15

സേവകാ ദേവസങ്ഗാനാം ഭ്രാജന്തേ തത്ര ഭൂമിപ ।

തസ്മിങ്കോലാഹലേ രാജന്നശബ്ദഃ കേനചിത്ക്വചിത്

॥ 14 ॥

ശ്ലോക 16

കസ്യചിച്ഛ്രൂയതേഽത്യന്തം നാനാധ്വനിസമാകുലേ ।

പദേ പദേ മിഷ്ടവാരിപരിപൂര്ണസരാന്സി ച

॥ 15 ॥

ശ്ലോക 17

വാടികാ വിവിധാ രാജന് രത്നദ്രുമവിരാജിതാഃ ।

തദുത്തരം മഹാസാരധാതുനിര്മിതമണ്ഡലഃ

॥ 16 ॥

ശ്ലോക 18

സാലോഽപരോ മഹാനസ്തി ഗഗനസ്പര്ശി യച്ഛിരഃ ।

തേജസാ സ്യാച്ഛതഗുണഃ പൂര്വസാലാദയം പരഃ

॥ 17 ॥

ശ്ലോക 19

ഗോപുരദ്വാരസഹിതോ ബഹുവൃക്ഷസമന്വിതഃ ।

യാ വൃക്ഷജാതയഃ സന്തി സര്വാസ്താസ്തത്ര സന്തി ച

॥ 18 ॥

ശ്ലോക 20

നിരന്തരം പുഷ്പയുതാഃ സദാ ഫലസമന്വിതാഃ ।

നവപല്ലവസംയുക്താഃ പരസൌരഭസങ്കുലാഃ

॥ 19 ॥

ശ്ലോക 21

പനസാ ബകുലാ ലോധ്രാഃ കര്ണികാരാശ്ച ശിംശപാഃ ।

ദേവദാരുകാഞ്ചനാരാ ആമ്രാശ്ചൈവ സുമേരവഃ

॥ 20 ॥

ശ്ലോക 22

ലികുചാ ഹിങ്ഗുലാശ്ചൈലാ ലവങ്ഗാഃ കട്ഫലാസ്തഥാ ।

പാടലാ മുചുകുന്ദാശ്ച ഫലിന്യോ ജഘനേഫലാഃ

॥ 21 ॥

ശ്ലോക 23

താലാസ്തമാലാഃ സാലാശ്ച കങ്കോലാ നാഗഭദ്രകാഃ ।

പുന്നാഗാഃ പീലവഃ സാല്വകാ വൈ കര്പൂരശാഖിനഃ

॥ 22 ॥

ശ്ലോക 24

അശ്വകര്ണാ ഹസ്തികര്ണാസ്താലപര്ണാശ്ച ദാഡിമാഃ ।

ഗണികാ ബന്ധുജീവാശ്ച ജമ്ബീരാശ്ച കുരണ്ഡകാഃ

॥ 23 ॥

ശ്ലോക 25

ചാമ്പേയാ ബന്ധുജീവാശ്ച തഥാ വൈ കനകദ്രുമാഃ ।

കാലാഗുരുദ്രുമാശ്ചൈവ തഥാ ചന്ദനപാദപാഃ

॥ 24 ॥

ശ്ലോക 26

ഖര്ജൂരാ യൂഥികാസ്താലപര്ണ്യശ്ചൈവ തഥേക്ഷവഃ ।

ക്ഷീരവൃക്ഷാശ്ച ഖദിരാശ്ചിഞ്ചാഭല്ലാതകാസ്തഥാ

॥ 25 ॥

ശ്ലോക 27

രുചകാഃ കുടജാ വൃക്ഷാ ബില്വവൃക്ഷാസ്തഥൈവ ച ।

തുലസീനാം വനാന്യേവം മല്ലികാനാം തഥൈവ ച

॥ 26 ॥

ശ്ലോക 28

ഇത്യാദിതരുജാതീനാം വനാന്യുപവനാനി ച ।

നാനാവാപീശതൈര്യുക്താന്യേവം സന്തി ധരാധിപ

॥ 27 ॥

ശ്ലോക 29

കോകിലാരാവസംയുക്താ ഗുന്ജദ്ഭ്രമരഭൂഷിതാഃ ।

നിര്യാസസ്രാവിണഃ സര്വേ സ്നിഗ്ധച്ഛായാസ്തരൂത്തമാഃ

॥ 28 ॥

ശ്ലോക 30

നാനാഋതുഭവാ വൃക്ഷാ നാനാപക്ഷിസമാകുലാഃ ।

നാനാരസസ്രാവിണീഭിര്നദീഭിരതിശോഭിതാഃ

॥ 29 ॥

ശ്ലോക 31

പാരാവതശുകവ്രാതസാരികാപക്ഷമാരുതൈഃ ।

ഹംസപക്ഷസമുദ്ഭൂത വാതവ്രാതൈശ്ചലദ്ദ്രുമമ്

॥ 30 ॥

ശ്ലോക 32

സുഗന്ധഗ്രാഹിപവനപൂരിതം തദ്വനോത്തമമ് ।

സഹിതം ഹരിണീയൂഥൈര്ധാവമാനൈരിതസ്തതഃ

॥ 31 ॥

ശ്ലോക 33

നൃത്യദ്ബര്ഹികദമ്ബസ്യ കേകാരാവൈഃ സുഖപ്രദൈഃ ।

നാദിതം തദ്വനം ദിവ്യം മധുസ്രാവി സമന്തതഃ

॥ 32 ॥

ശ്ലോക 34

കാംസ്യസാലാദുത്തരേ തു താമ്രസാലഃ പ്രകീര്തിതഃ ।

ചതുരസ്രസമാകാര ഉന്നത്യാ സപ്തയോജനഃ

॥ 33 ॥

ശ്ലോക 35

ദ്വയോസ്തു സാലയോര്മധ്യേ സമ്പ്രോക്താ കല്പവാടികാ ।

യേഷാം തരൂണാം പുഷ്പാണി കാഞ്ചനാഭാനി ഭൂമിപ

॥ 34 ॥

ശ്ലോക 36

പത്രാണി കാഞ്ചനാഭാനി രത്നബീജഫലാനി ച ।

ദശയോജനഗന്ധോ ഹി പ്രസര്പതി സമന്തതഃ

॥ 35 ॥

ശ്ലോക 37

തദ്വനം രക്ഷിതം രാജന്വസന്തേനര്തുനാനിശമ് ।

പുഷ്പസിംഹാസനാസീനഃ പുഷ്പച്ഛത്രവിരാജിതഃ

॥ 36 ॥

ശ്ലോക 38

പുഷ്പഭൂഷാഭൂഷിതശ്ച പുഷ്പാസവവിഘൂര്ണിതഃ ।

മധുശ്രീര്മാധവശ്രീശ്ച ദ്വേ ഭാര്യേ തസ്യ സമ്മതേ

॥ 37 ॥

ശ്ലോക 39

ക്രീഡതഃ സ്മേരവദനേ സുമസ്തബകകന്ദുകൈഃ ।

അതീവ രമ്യം വിപിനം മധുസ്രാവി സമന്തതഃ

॥ 38 ॥

ശ്ലോക 40

ദശയോജനപര്യന്തം കുസുമാമോദവായുനാ ।

പൂരിതം ദിവ്യഗന്ധര്വൈഃ സാങ്ഗനൈര്ഗാനലോലുപൈഃ

॥ 39 ॥

ശ്ലോക 41

ശോഭിതം തദ്വനം ദിവ്യം മത്തകോകിലനാദിതമ് ।

വസന്തലക്ഷ്മീസംയുക്തം കാമികാമപ്രവര്ധനമ്

॥ 40 ॥

ശ്ലോക 42

താമ്രസാലാദുത്തരത്ര സീസസാലഃ പ്രകീര്തിതഃ ।

സമുച്ഛ്രായഃ സ്മൃതോഽപ്യസ്യ സപ്തയോജനസങ്ഖ്യയാ

॥ 41 ॥

ശ്ലോക 43

സന്താനവാടികാമധ്യേ സാലയോസ്തു ദ്വയോര്നൃപ ।

ദശയോജനഗന്ധസ്തു പ്രസൂനാനാം സമന്തതഃ

॥ 42 ॥

ശ്ലോക 44

ഹിരണ്യാഭാനി കുസുമാന്യുത്ഫുല്ലാനി നിരന്തരമ് ।

അമൃതദ്രവസംയുക്തഫലാനി മധുരാണി ച

॥ 43 ॥

ശ്ലോക 45

ഗ്രീഷ്മര്തുര്നായകസ്തസ്യാ വാടികായാ നൃപോത്തമ ।

ശുക്രശ്രീശ്ച ശുചിശ്രീശ്ച ദ്വേ ഭാര്യേ തസ്യ സമ്മതേ

॥ 44 ॥

ശ്ലോക 46

സന്താപത്രസ്തലോകാസ്തു വൃക്ഷമൂലേഷു സംസ്ഥിതാഃ ।

നാനാസിദ്ധൈഃ പരിവൃതോ നാനാദേവൈഃ സമന്വിതഃ

॥ 45 ॥

ശ്ലോക 47

വിലാസിനീനാം ബൃന്ദൈസ്തു ചന്ദനദ്രവപങ്കിലൈഃ ।

പുഷ്പമാലാഭൂഷിതൈസ്തു താലവൃന്തകരാമ്ബുജൈഃ

॥ 46 ॥

ശ്ലോക 48

പ്രകാരഃ ശോഭിതോ ഏജച്ഛീതലാമ്ബുനിഷേവിഭിഃ ।

സീസസാലാദുത്തരത്രാപ്യാരകൂടമയഃ ശുഭഃ

॥ 47 ॥

ശ്ലോക 49

പ്രാകാരോ വര്തതേ രാജന്മുനിയോജനദൈര്ഘ്യവാന് ।

ഹരിചന്ദനവൃക്ഷാണാം വാടീ മധ്യേ തയോഃ സ്മൃതാ

॥ 48 ॥

ശ്ലോക 50

സാലയോരധിനാഥസ്തു വര്ഷര്തുര്മേഘവാഹനഃ ।

വിദ്യുത്പിങ്ഗലനേത്രശ്ച ജീമൂതകവചഃ സ്മൃതഃ

॥ 49 ॥

ശ്ലോക 51

വജ്രനിര്ഘോഷമുഖരശ്ചേന്ദ്രധന്വാ സമന്തതഃ ।

സഹസ്രശോ വാരിധാരാ മുഞ്ചന്നാസ്തേ ഗണാവൃതഃ

॥ 50 ॥

ശ്ലോക 52

നഭഃ ശ്രീശ്ച നഭസ്യശ്രീഃ സ്വരസ്യാ രസ്യമാലിനീ ।

അമ്ബാ ദുലാ നിരത്നിശ്ചാഭ്രമന്തീ മേഘയന്തികാ

॥ 51 ॥

ശ്ലോക 53

വര്ഷയന്തീ ചിബുണികാ വാരിധാരാ ച സമ്മതാഃ ।

വര്ഷര്തോര്ദ്വാദശ പ്രോക്താഃ ശക്തയോ മദവിഹ്വലാഃ

॥ 52 ॥

ശ്ലോക 54

നവപല്ലവവൃക്ഷാശ്ച നവീനലതികാന്വിതാഃ ।

ഹരിതാനി തൃണാന്യേവ വേഷ്ടിതാ യൈര്ധരാഽഖിലാ

॥ 53 ॥

ശ്ലോക 55

നദീനദപ്രവാഹാശ്ച പ്രവഹന്തി ച വേഗതഃ ।

സരാംസി കലുഷാമ്ബൂനി രാഗിചിത്തസമാനി ച

॥ 54 ॥

ശ്ലോക 56

വസന്തി ദേവാഃ സിദ്ധാശ്ച യേ ദേവീകര്മകാരിണഃ ।

വാപീകൂപതഡാഗാശ്ച യേ ദേവ്യര്ഥം സമര്പിതാഃ

॥ 55 ॥

ശ്ലോക 57

തേ ഗണാ നിവസന്ത്യത്ര സവിലാസാശ്ച സാങ്ഗനാഃ ।

ആരകൂടമയാദഗ്രേ സപ്തയോജനദൈര്ഘ്യവാന്

॥ 56 ॥

ശ്ലോക 58

പഞ്ചലോഹാത്മകഃ സാലോ മധ്യേ മന്ദാരവാടികാ ।

നാനാപുഷ്പലതാകീര്ണാ നാനാപല്ലവശോഭിതാ

॥ 57 ॥

ശ്ലോക 59

അധിഷ്ഠാതാഽത്ര സമ്പ്രോക്തഃ ശരദൃതുരനാമയഃ ।

ഇഷലക്ഷ്മീരൂര്ജലക്ഷ്മീര്ദ്വേ ഭാര്യേ തസ്യ സമ്മതേ

॥ 58 ॥

ശ്ലോക 60

നാനാസിദ്ധാ വസന്ത്യത്ര സാങ്ഗനാഃ സപരിച്ഛദാഃ ।

പഞ്ചലോഹമയാദഗ്രേ സപ്തയോജനദൈര്ഘ്യവാന്

॥ 59 ॥

ശ്ലോക 61

ദീപ്യമാനോ മഹാശൃങ്ഗൈര്വര്തതേ രൌപ്യസാലകഃ ।

പാരിജാതാടവീമധ്യേ പ്രസൂനസ്തബകാന്വിതാ

॥ 60 ॥

ശ്ലോക 62

ദശയോജനഗന്ധീനി കുസുമാനി സമന്തതഃ ।

മോദയന്തി ഗണാന്സര്വാന്യേ ദേവീകര്മകാരിണഃ

॥ 61 ॥

ശ്ലോക 63

തത്രാധിനാഥഃ സമ്പ്രോക്തോ ഹേമന്തര്തുര്മഹോജ്ജ്വലഃ ।

സഗണഃ സായുധഃ സര്വാന് രാഗിണോ രഞ്ജയന്നപഃ

॥ 62 ॥

ശ്ലോക 64

സഹശ്രീശ്ച സഹസ്യശ്രീര്ദ്വേ ഭാര്യേ തസ്യ സമ്മതേ ।

വസന്തി തത്ര സിദ്ധാശ്ച യേ ദേവീവ്രതകാരിണഃ

॥ 63 ॥

ശ്ലോക 65

രൌപ്യസാലമയാദഗ്രേ സപ്തയോജനദൈര്ഘ്യവാന് ।

സൌവര്ണസാലഃ സമ്പ്രോക്തസ്തപ്തഹാടകകല്പിതഃ

॥ 64 ॥

ശ്ലോക 66

മധ്യേ കദമ്ബവാടീ തു പുഷ്പപല്ലവശോഭിതാ ।

കദമ്ബമദിരാധാരാഃ പ്രവര്തന്തേ സഹസ്രശഃ

॥ 65 ॥

ശ്ലോക 67

യാഭിര്നിപീതപീതാഭിര്നിജാനന്ദോഽനുഭൂയതേ ।

തത്രാധിനാഥഃ സമ്പ്രോക്തഃ ശൈശിരര്തുര്മഹോദയഃ

॥ 66 ॥

ശ്ലോക 68

തപഃശ്രീശ്ച തപസ്യശ്രീര്ദ്വേ ഭാര്യേ തസ്യ സമ്മതേ ।

മോദമാനഃ സഹൈതാഭ്യാം വര്തതേ ശിശിരാകൃതിഃ

॥ 67 ॥

ശ്ലോക 69

നാനാവിലാസസംയുക്തോ നാനാഗണസമാവൃതഃ ।

നിവസന്തി മഹാസിദ്ധാ യേ ദേവീദാനകാരിണഃ

॥ 68 ॥

ശ്ലോക 70

നാനാഭോഗസമുത്പന്നമഹാനന്ദസമന്വിതാഃ ।

സാങ്ഗനാഃ പരിവാരൈസ്തു സങ്ഘശഃ പരിവാരിതാഃ

॥ 69 ॥

ശ്ലോക 71

സ്വര്ണസാലമയാദഗ്രേ മുനിയോജനദൈര്ഘ്യവാന് ।

പുഷ്പരാഗമയഃ സാലഃ കുങ്കുമാരുണവിഗ്രഹഃ

॥ 70 ॥

ശ്ലോക 72

പുഷ്പരാഗമയീ ഭൂമിര്വനാന്യുപവനാനി ച ।

രത്നവൃക്ഷാലവാലാശ്ച പുഷ്പരാഗമയാഃ സ്മൃതാഃ

॥ 71 ॥

ശ്ലോക 73

പ്രാകാരോ യസ്യ രത്നസ്യ തദ്രത്നരചിതാ ദ്രുമാഃ ।

വനഭൂഃ പക്ഷിനശ്ചൈവ രത്നവര്ണജലാനി ച

॥ 72 ॥

ശ്ലോക 74

മണ്ഡപാ മണ്ഡപസ്തമ്ഭാഃ സരാന്സി കമലാനി ച ।

പ്രാകാരേ തത്ര യദ്യത്സ്യാത്തത്സര്വം തത്സമം ഭവേത്

॥ 73 ॥

ശ്ലോക 75

പരിഭാഷേയമുദ്ദിഷ്ടാ രത്നസാലാദിഷു പ്രഭോ ।

തേജസാ സ്യാല്ലക്ഷഗുണഃ പൂര്വസാലാത്പരോ നൃപ

॥ 74 ॥

ശ്ലോക 76

ദിക്പാലാ നിവസന്ത്യത്ര പ്രതിബ്രഹ്മാന്ഡവര്തിനാമ് ।

ദിക്പാലാനാം സമഷ്ട്യാത്മരൂപാഃ സ്ഫൂര്ജദ്വരായുധാഃ

॥ 75 ॥

ശ്ലോക 77

പൂര്വാശായാം സമുത്തുങ്ഗശൃങ്ഗാ പൂരമരാവതീ ।

നാനോപവനസംയുക്താ മഹേന്ദ്രസ്തത്ര രാജതേ

॥ 76 ॥

ശ്ലോക 78

സ്വര്ഗശോഭാ ച യാ സ്വര്ഗേ യാവതീ സ്യാത്തതോഽധികാ ।

സമഷ്ടിശതനേത്രസ്യ സഹസ്രഗുണതഃ സ്മൃതാ

॥ 77 ॥

ശ്ലോക 79

ഐരാവതസമാരൂഢോ വജ്രഹസ്തഃ പ്രതാപവാന് ।

ദേവസേനാപരിവൃതോ രാജതേഽത്ര ശതക്രതുഃ

॥ 78 ॥

ശ്ലോക 80

ദേവാങ്ഗനാഗണയുതാ ശചീ തത്ര വിരാജതേ ।

വഹ്നികോണേ വഹ്നിപുരീ വഹ്നിപൂഃ സദൃശീ നൃപ

॥ 79 ॥

ശ്ലോക 81

സ്വാഹാസ്വധാസമായുക്തോ വഹ്നിസ്തത്ര വിരാജതേ ।

നിജവാഹനഭൂഷാഢ്യോ നിജദേവഗണൈര്വൃതഃ

॥ 80 ॥

ശ്ലോക 82

യാമ്യാശായാം യമപുരീ തത്ര ദണ്ഡധരോ മഹാന് ।

സ്വഭടൈര്വേഷ്ടിതോ രാജന് ചിത്രഗുപ്തപുരോഗമൈഃ

॥ 81 ॥

ശ്ലോക 83

നിജശക്തിയുതോ ഭാസ്വത്തനയോഽസ്തി യമോ മഹാന് ।

നൈരൃത്യാം ദിശി രാക്ഷസ്യാം രാക്ഷസൈഃ പരിവാരിതഃ

॥ 82 ॥

ശ്ലോക 84

ഖഡ്ഗധാരീ സ്ഫുരന്നാസ്തേ നിരൃതിര്നിജശക്തിയുക് ।

വാരുണ്യാം വരുണോ രാജാ പാശധാരീ പ്രതാപവാന്

॥ 83 ॥

ശ്ലോക 85

മഹാഝശസമാരൂഢോ വാരുണീമധുവിഹ്വലഃ ।

നിജശക്തിസമായുക്തോ നിജയാദോഗണാന്വിതഃ

॥ 84 ॥

ശ്ലോക 86

സമാസ്തേ വാരുണേ ലോകേ വരുണാനീരതാകുലഃ ।

വായുകോണേ വായുലോകോ വായുസ്തത്രാധിതിഷ്ഠതി

॥ 85 ॥

ശ്ലോക 87

വായുസാധനസംസിദ്ധയോഗിഭിഃ പരിവാരിതഃ ।

ധ്വജഹസ്തോ വിശാലാക്ഷോ മൃഗവാഹനസംസ്ഥിതഃ

॥ 86 ॥

ശ്ലോക 88

മരുദ്ഗണൈഃ പരിവൃതോ നിജശക്തിസമന്വിതഃ ।

ഉത്തരസ്യാം ദിശി മഹാന്യക്ഷലോകോഽസ്തി ഭൂമിപ

॥ 87 ॥

ശ്ലോക 89

യക്ഷാധിരാജസ്തത്രാഽഽസ്തേ വൃദ്ധിഋദ്ധ്യാദിശക്തിഭിഃ ।

നവഭിര്നിധിഭിര്യുക്തസ്തുന്ദിലോ ധനനായകഃ

॥ 88 ॥

ശ്ലോക 90

മണിഭദ്രഃ പൂര്ണഭദ്രോ മണിമാന്മണികന്ധരഃ ।

മണിഭൂഷോ മണിസ്രഗ്വീ മണികാര്മുകധാരകഃ

॥ 89 ॥

ശ്ലോക 91

ഇത്യാദിയക്ഷസേനാനീസഹിതോ നിജശക്തിയുക് ।

ഈശാനകോണേ സമ്പ്രോക്തോ രുദ്രലോകോ മഹത്തരഃ

॥ 90 ॥

ശ്ലോക 92

അനര്ഘ്യരത്നഖചിതോ യത്ര രുദ്രോഽധിദൈവതമ് ।

മന്യുമാന്ദീപ്തനയനോ ബദ്ധപൃഷ്ഠമഹേഷുധിഃ

॥ 91 ॥

ശ്ലോക 93

സ്ഫൂര്ജദ്ധനുര്വാമഹസ്തോഽധിജ്യധന്വഭിരാവൃതഃ ।

സ്വസമാനൈരസങ്ഖ്യാതരുദ്രൈഃ ശൂലവരായുധൈഃ

॥ 92 ॥

ശ്ലോക 94

വികൃതാസ്യൈഃ കരാലാസ്യൈര്വമദ്വഹ്നിഭിരാസ്യതഃ ।

ദശഹസ്തൈഃ ശതകരൈഃ സഹസ്രഭുജസംയുതൈഃ

॥ 93 ॥

ശ്ലോക 95

ദശപാദൈര്ദശഗ്രീവൈസ്ത്രിനേത്രൈരുഗ്രമൂര്തിഭിഃ ।

അന്തരിക്ഷചരാ യേ ച യേ ച ഭൂമിചരാഃ സ്മൃതാഃ

॥ 94 ॥

ശ്ലോക 96

രുദ്രാധ്യായേ സ്മൃതാ രുദ്രാസ്തൈഃ സര്വൈശ്ച സമാവൃതഃ ।

രുദ്രാണീകോടിസഹിതോ ഭദ്രകാല്യാദിമാതൃഭിഃ

॥ 95 ॥

ശ്ലോക 97

നാനാശക്തിസമാവിഷ്ടഡാമര്യാദിഗണാവൃതഃ ।

വീരഭദ്രാദിസഹിതോ രുദ്രോ രാജന്വിരാജതേ

॥ 96 ॥

ശ്ലോക 98

മുണ്ഡമാലാധരോ നാഗവലയോ നാഗകന്ധരഃ ।

വ്യാഘ്രചര്മപരീധാനോ ഗജചര്മോത്തരീയകഃ

॥ 97 ॥

ശ്ലോക 99

ചിതാഭസ്മാങ്ഗലിപ്താങ്ഗഃ പ്രമഥാദിഗണാവൃതഃ ।

നിനദഡ്ഡമരുധ്വാനൈര്ബധിരീകൃതദിമ്മുഖഃ

॥ 98 ॥

ശ്ലോക 100

അട്ടഹാസാസ്ഫോടശബ്ദൈഃ സന്ത്രാസിതനഭസ്തലഃ ।

ഭൂതസങ്ഘസമാവിഷ്ടോ ഭൂതാവാസോ മഹേശ്വരഃ

॥ 99 ॥

ശ്ലോക 101

ഈശാനദിക്പതിഃ സോഽയം നാമ്നാ ചേശാന ഏവ ച

॥ 100 ॥

ശ്ലോക 102

ഇതി ശ്രീദേവീഭാഗവതേ മഹാപുരാണേ ദ്വാദശസ്കന്ധേ മണിദ്വീപവര്ണനം നാമ ദശമോഽധ്യായഃ ॥