મણિદ્વીપ વર્ણન - 1 (દેવી ભાગવતમ્)

શ્લોક 1

(શ્રીદેવીભાગવતં, દ્વાદશ સ્કન્ધં, દશમોઽધ્યાયઃ, , મણિદ્વીપ વર્ણન - 1)

વ્યાસ ઉવાચ –

બ્રહ્મલોકાદૂર્ધ્વભાગે સર્વલોકોઽસ્તિ યઃ શ્રુતઃ ।

મણિદ્વીપઃ સ એવાસ્તિ યત્ર દેવી વિરાજતે

શ્લોક 2

સર્વસ્માદધિકો યસ્માત્સર્વલોકસ્તતઃ સ્મૃતઃ ।

પુરા પરામ્બયૈવાયં કલ્પિતો મનસેચ્છયા

॥ 1 ॥

શ્લોક 3

સર્વાદૌ નિજવાસાર્થં પ્રકૃત્યા મૂલભૂતયા ।

કૈલાસાદધિકો લોકો વૈકુણ્ઠાદપિ ચોત્તમઃ

॥ 2 ॥

શ્લોક 4

ગોલોકાદપિ સર્વસ્માત્સર્વલોકોઽધિકઃ સ્મૃતઃ ।

નૈતત્સમં ત્રિલોક્યાં તુ સુન્દરં વિદ્યતે ક્વચિત્

॥ 3 ॥

શ્લોક 5

છત્રીભૂતં ત્રિજગતો ભવસન્તાપનાશકમ્ ।

છાયાભૂતં તદેવાસ્તિ બ્રહ્માણ્ડાનાં તુ સત્તમ

॥ 4 ॥

શ્લોક 6

બહુયોજનવિસ્તીર્ણો ગમ્ભીરસ્તાવદેવ હિ ।

મણિદ્વીપસ્ય પરિતો વર્તતે તુ સુધોદધિઃ

॥ 5 ॥

શ્લોક 7

મરુત્સઙ્ઘટ્ટનોત્કીર્ણતરઙ્ગ શતસઙ્કુલઃ ।

રત્નાચ્છવાલુકાયુક્તો ઝષશઙ્ખસમાકુલઃ

॥ 6 ॥

શ્લોક 8

વીચિસઙ્ઘર્ષસઞ્જાતલહરીકણશીતલઃ ।

નાનાધ્વજસમાયુક્તા નાનાપોતગતાગતૈઃ

॥ 7 ॥

શ્લોક 9

વિરાજમાનઃ પરિતસ્તીરરત્નદ્રુમો મહાન્ ।

તદુત્તરમયોધાતુનિર્મિતો ગગને તતઃ

॥ 8 ॥

શ્લોક 10

સપ્તયોજનવિસ્તીર્ણઃ પ્રાકારો વર્તતે મહાન્ ।

નાનાશસ્ત્રપ્રહરણા નાનાયુદ્ધવિશારદાઃ

॥ 9 ॥

શ્લોક 11

રક્ષકા નિવસન્ત્યત્ર મોદમાનાઃ સમન્તતઃ ।

ચતુર્દ્વારસમાયુક્તો દ્વારપાલશતાન્વિતઃ

॥ 10 ॥

શ્લોક 12

નાનાગણૈઃ પરિવૃતો દેવીભક્તિયુતૈર્નૃપ ।

દર્શનાર્થં સમાયાન્તિ યે દેવા જગદીશિતુઃ

॥ 11 ॥

શ્લોક 13

તેષાં ગણા વસન્ત્યત્ર વાહનાનિ ચ તત્ર હિ ।

વિમાનશતસઙ્ઘર્ષઘણ્ટાસ્વનસમાકુલઃ

॥ 12 ॥

શ્લોક 14

હયહેષાખુરાઘાતબધિરીકૃતદિમ્મુખઃ ।

ગણૈઃ કિલકિલારાવૈર્વેત્રહસ્તૈશ્ચ તાડિતાઃ

॥ 13 ॥

શ્લોક 15

સેવકા દેવસઙ્ગાનાં ભ્રાજન્તે તત્ર ભૂમિપ ।

તસ્મિઙ્કોલાહલે રાજન્નશબ્દઃ કેનચિત્ક્વચિત્

॥ 14 ॥

શ્લોક 16

કસ્યચિચ્છ્રૂયતેઽત્યન્તં નાનાધ્વનિસમાકુલે ।

પદે પદે મિષ્ટવારિપરિપૂર્ણસરાન્સિ ચ

॥ 15 ॥

શ્લોક 17

વાટિકા વિવિધા રાજન્ રત્નદ્રુમવિરાજિતાઃ ।

તદુત્તરં મહાસારધાતુનિર્મિતમણ્ડલઃ

॥ 16 ॥

શ્લોક 18

સાલોઽપરો મહાનસ્તિ ગગનસ્પર્શિ યચ્છિરઃ ।

તેજસા સ્યાચ્છતગુણઃ પૂર્વસાલાદયં પરઃ

॥ 17 ॥

શ્લોક 19

ગોપુરદ્વારસહિતો બહુવૃક્ષસમન્વિતઃ ।

યા વૃક્ષજાતયઃ સન્તિ સર્વાસ્તાસ્તત્ર સન્તિ ચ

॥ 18 ॥

શ્લોક 20

નિરન્તરં પુષ્પયુતાઃ સદા ફલસમન્વિતાઃ ।

નવપલ્લવસંયુક્તાઃ પરસૌરભસઙ્કુલાઃ

॥ 19 ॥

શ્લોક 21

પનસા બકુલા લોધ્રાઃ કર્ણિકારાશ્ચ શિંશપાઃ ।

દેવદારુકાઞ્ચનારા આમ્રાશ્ચૈવ સુમેરવઃ

॥ 20 ॥

શ્લોક 22

લિકુચા હિઙ્ગુલાશ્ચૈલા લવઙ્ગાઃ કટ્ફલાસ્તથા ।

પાટલા મુચુકુન્દાશ્ચ ફલિન્યો જઘનેફલાઃ

॥ 21 ॥

શ્લોક 23

તાલાસ્તમાલાઃ સાલાશ્ચ કઙ્કોલા નાગભદ્રકાઃ ।

પુન્નાગાઃ પીલવઃ સાલ્વકા વૈ કર્પૂરશાખિનઃ

॥ 22 ॥

શ્લોક 24

અશ્વકર્ણા હસ્તિકર્ણાસ્તાલપર્ણાશ્ચ દાડિમાઃ ।

ગણિકા બન્ધુજીવાશ્ચ જમ્બીરાશ્ચ કુરણ્ડકાઃ

॥ 23 ॥

શ્લોક 25

ચામ્પેયા બન્ધુજીવાશ્ચ તથા વૈ કનકદ્રુમાઃ ।

કાલાગુરુદ્રુમાશ્ચૈવ તથા ચન્દનપાદપાઃ

॥ 24 ॥

શ્લોક 26

ખર્જૂરા યૂથિકાસ્તાલપર્ણ્યશ્ચૈવ તથેક્ષવઃ ।

ક્ષીરવૃક્ષાશ્ચ ખદિરાશ્ચિઞ્ચાભલ્લાતકાસ્તથા

॥ 25 ॥

શ્લોક 27

રુચકાઃ કુટજા વૃક્ષા બિલ્વવૃક્ષાસ્તથૈવ ચ ।

તુલસીનાં વનાન્યેવં મલ્લિકાનાં તથૈવ ચ

॥ 26 ॥

શ્લોક 28

ઇત્યાદિતરુજાતીનાં વનાન્યુપવનાનિ ચ ।

નાનાવાપીશતૈર્યુક્તાન્યેવં સન્તિ ધરાધિપ

॥ 27 ॥

શ્લોક 29

કોકિલારાવસંયુક્તા ગુન્જદ્ભ્રમરભૂષિતાઃ ।

નિર્યાસસ્રાવિણઃ સર્વે સ્નિગ્ધચ્છાયાસ્તરૂત્તમાઃ

॥ 28 ॥

શ્લોક 30

નાનાઋતુભવા વૃક્ષા નાનાપક્ષિસમાકુલાઃ ।

નાનારસસ્રાવિણીભિર્નદીભિરતિશોભિતાઃ

॥ 29 ॥

શ્લોક 31

પારાવતશુકવ્રાતસારિકાપક્ષમારુતૈઃ ।

હંસપક્ષસમુદ્ભૂત વાતવ્રાતૈશ્ચલદ્દ્રુમમ્

॥ 30 ॥

શ્લોક 32

સુગન્ધગ્રાહિપવનપૂરિતં તદ્વનોત્તમમ્ ।

સહિતં હરિણીયૂથૈર્ધાવમાનૈરિતસ્તતઃ

॥ 31 ॥

શ્લોક 33

નૃત્યદ્બર્હિકદમ્બસ્ય કેકારાવૈઃ સુખપ્રદૈઃ ।

નાદિતં તદ્વનં દિવ્યં મધુસ્રાવિ સમન્તતઃ

॥ 32 ॥

શ્લોક 34

કાંસ્યસાલાદુત્તરે તુ તામ્રસાલઃ પ્રકીર્તિતઃ ।

ચતુરસ્રસમાકાર ઉન્નત્યા સપ્તયોજનઃ

॥ 33 ॥

શ્લોક 35

દ્વયોસ્તુ સાલયોર્મધ્યે સમ્પ્રોક્તા કલ્પવાટિકા ।

યેષાં તરૂણાં પુષ્પાણિ કાઞ્ચનાભાનિ ભૂમિપ

॥ 34 ॥

શ્લોક 36

પત્રાણિ કાઞ્ચનાભાનિ રત્નબીજફલાનિ ચ ।

દશયોજનગન્ધો હિ પ્રસર્પતિ સમન્તતઃ

॥ 35 ॥

શ્લોક 37

તદ્વનં રક્ષિતં રાજન્વસન્તેનર્તુનાનિશમ્ ।

પુષ્પસિંહાસનાસીનઃ પુષ્પચ્છત્રવિરાજિતઃ

॥ 36 ॥

શ્લોક 38

પુષ્પભૂષાભૂષિતશ્ચ પુષ્પાસવવિઘૂર્ણિતઃ ।

મધુશ્રીર્માધવશ્રીશ્ચ દ્વે ભાર્યે તસ્ય સમ્મતે

॥ 37 ॥

શ્લોક 39

ક્રીડતઃ સ્મેરવદને સુમસ્તબકકન્દુકૈઃ ।

અતીવ રમ્યં વિપિનં મધુસ્રાવિ સમન્તતઃ

॥ 38 ॥

શ્લોક 40

દશયોજનપર્યન્તં કુસુમામોદવાયુના ।

પૂરિતં દિવ્યગન્ધર્વૈઃ સાઙ્ગનૈર્ગાનલોલુપૈઃ

॥ 39 ॥

શ્લોક 41

શોભિતં તદ્વનં દિવ્યં મત્તકોકિલનાદિતમ્ ।

વસન્તલક્ષ્મીસંયુક્તં કામિકામપ્રવર્ધનમ્

॥ 40 ॥

શ્લોક 42

તામ્રસાલાદુત્તરત્ર સીસસાલઃ પ્રકીર્તિતઃ ।

સમુચ્છ્રાયઃ સ્મૃતોઽપ્યસ્ય સપ્તયોજનસઙ્ખ્યયા

॥ 41 ॥

શ્લોક 43

સન્તાનવાટિકામધ્યે સાલયોસ્તુ દ્વયોર્નૃપ ।

દશયોજનગન્ધસ્તુ પ્રસૂનાનાં સમન્તતઃ

॥ 42 ॥

શ્લોક 44

હિરણ્યાભાનિ કુસુમાન્યુત્ફુલ્લાનિ નિરન્તરમ્ ।

અમૃતદ્રવસંયુક્તફલાનિ મધુરાણિ ચ

॥ 43 ॥

શ્લોક 45

ગ્રીષ્મર્તુર્નાયકસ્તસ્યા વાટિકાયા નૃપોત્તમ ।

શુક્રશ્રીશ્ચ શુચિશ્રીશ્ચ દ્વે ભાર્યે તસ્ય સમ્મતે

॥ 44 ॥

શ્લોક 46

સન્તાપત્રસ્તલોકાસ્તુ વૃક્ષમૂલેષુ સંસ્થિતાઃ ।

નાનાસિદ્ધૈઃ પરિવૃતો નાનાદેવૈઃ સમન્વિતઃ

॥ 45 ॥

શ્લોક 47

વિલાસિનીનાં બૃન્દૈસ્તુ ચન્દનદ્રવપઙ્કિલૈઃ ।

પુષ્પમાલાભૂષિતૈસ્તુ તાલવૃન્તકરામ્બુજૈઃ

॥ 46 ॥

શ્લોક 48

પ્રકારઃ શોભિતો એજચ્છીતલામ્બુનિષેવિભિઃ ।

સીસસાલાદુત્તરત્રાપ્યારકૂટમયઃ શુભઃ

॥ 47 ॥

શ્લોક 49

પ્રાકારો વર્તતે રાજન્મુનિયોજનદૈર્ઘ્યવાન્ ।

હરિચન્દનવૃક્ષાણાં વાટી મધ્યે તયોઃ સ્મૃતા

॥ 48 ॥

શ્લોક 50

સાલયોરધિનાથસ્તુ વર્ષર્તુર્મેઘવાહનઃ ।

વિદ્યુત્પિઙ્ગલનેત્રશ્ચ જીમૂતકવચઃ સ્મૃતઃ

॥ 49 ॥

શ્લોક 51

વજ્રનિર્ઘોષમુખરશ્ચેન્દ્રધન્વા સમન્તતઃ ।

સહસ્રશો વારિધારા મુઞ્ચન્નાસ્તે ગણાવૃતઃ

॥ 50 ॥

શ્લોક 52

નભઃ શ્રીશ્ચ નભસ્યશ્રીઃ સ્વરસ્યા રસ્યમાલિની ।

અમ્બા દુલા નિરત્નિશ્ચાભ્રમન્તી મેઘયન્તિકા

॥ 51 ॥

શ્લોક 53

વર્ષયન્તી ચિબુણિકા વારિધારા ચ સમ્મતાઃ ।

વર્ષર્તોર્દ્વાદશ પ્રોક્તાઃ શક્તયો મદવિહ્વલાઃ

॥ 52 ॥

શ્લોક 54

નવપલ્લવવૃક્ષાશ્ચ નવીનલતિકાન્વિતાઃ ।

હરિતાનિ તૃણાન્યેવ વેષ્ટિતા યૈર્ધરાઽખિલા

॥ 53 ॥

શ્લોક 55

નદીનદપ્રવાહાશ્ચ પ્રવહન્તિ ચ વેગતઃ ।

સરાંસિ કલુષામ્બૂનિ રાગિચિત્તસમાનિ ચ

॥ 54 ॥

શ્લોક 56

વસન્તિ દેવાઃ સિદ્ધાશ્ચ યે દેવીકર્મકારિણઃ ।

વાપીકૂપતડાગાશ્ચ યે દેવ્યર્થં સમર્પિતાઃ

॥ 55 ॥

શ્લોક 57

તે ગણા નિવસન્ત્યત્ર સવિલાસાશ્ચ સાઙ્ગનાઃ ।

આરકૂટમયાદગ્રે સપ્તયોજનદૈર્ઘ્યવાન્

॥ 56 ॥

શ્લોક 58

પઞ્ચલોહાત્મકઃ સાલો મધ્યે મન્દારવાટિકા ।

નાનાપુષ્પલતાકીર્ણા નાનાપલ્લવશોભિતા

॥ 57 ॥

શ્લોક 59

અધિષ્ઠાતાઽત્ર સમ્પ્રોક્તઃ શરદૃતુરનામયઃ ।

ઇષલક્ષ્મીરૂર્જલક્ષ્મીર્દ્વે ભાર્યે તસ્ય સમ્મતે

॥ 58 ॥

શ્લોક 60

નાનાસિદ્ધા વસન્ત્યત્ર સાઙ્ગનાઃ સપરિચ્છદાઃ ।

પઞ્ચલોહમયાદગ્રે સપ્તયોજનદૈર્ઘ્યવાન્

॥ 59 ॥

શ્લોક 61

દીપ્યમાનો મહાશૃઙ્ગૈર્વર્તતે રૌપ્યસાલકઃ ।

પારિજાતાટવીમધ્યે પ્રસૂનસ્તબકાન્વિતા

॥ 60 ॥

શ્લોક 62

દશયોજનગન્ધીનિ કુસુમાનિ સમન્તતઃ ।

મોદયન્તિ ગણાન્સર્વાન્યે દેવીકર્મકારિણઃ

॥ 61 ॥

શ્લોક 63

તત્રાધિનાથઃ સમ્પ્રોક્તો હેમન્તર્તુર્મહોજ્જ્વલઃ ।

સગણઃ સાયુધઃ સર્વાન્ રાગિણો રઞ્જયન્નપઃ

॥ 62 ॥

શ્લોક 64

સહશ્રીશ્ચ સહસ્યશ્રીર્દ્વે ભાર્યે તસ્ય સમ્મતે ।

વસન્તિ તત્ર સિદ્ધાશ્ચ યે દેવીવ્રતકારિણઃ

॥ 63 ॥

શ્લોક 65

રૌપ્યસાલમયાદગ્રે સપ્તયોજનદૈર્ઘ્યવાન્ ।

સૌવર્ણસાલઃ સમ્પ્રોક્તસ્તપ્તહાટકકલ્પિતઃ

॥ 64 ॥

શ્લોક 66

મધ્યે કદમ્બવાટી તુ પુષ્પપલ્લવશોભિતા ।

કદમ્બમદિરાધારાઃ પ્રવર્તન્તે સહસ્રશઃ

॥ 65 ॥

શ્લોક 67

યાભિર્નિપીતપીતાભિર્નિજાનન્દોઽનુભૂયતે ।

તત્રાધિનાથઃ સમ્પ્રોક્તઃ શૈશિરર્તુર્મહોદયઃ

॥ 66 ॥

શ્લોક 68

તપઃશ્રીશ્ચ તપસ્યશ્રીર્દ્વે ભાર્યે તસ્ય સમ્મતે ।

મોદમાનઃ સહૈતાભ્યાં વર્તતે શિશિરાકૃતિઃ

॥ 67 ॥

શ્લોક 69

નાનાવિલાસસંયુક્તો નાનાગણસમાવૃતઃ ।

નિવસન્તિ મહાસિદ્ધા યે દેવીદાનકારિણઃ

॥ 68 ॥

શ્લોક 70

નાનાભોગસમુત્પન્નમહાનન્દસમન્વિતાઃ ।

સાઙ્ગનાઃ પરિવારૈસ્તુ સઙ્ઘશઃ પરિવારિતાઃ

॥ 69 ॥

શ્લોક 71

સ્વર્ણસાલમયાદગ્રે મુનિયોજનદૈર્ઘ્યવાન્ ।

પુષ્પરાગમયઃ સાલઃ કુઙ્કુમારુણવિગ્રહઃ

॥ 70 ॥

શ્લોક 72

પુષ્પરાગમયી ભૂમિર્વનાન્યુપવનાનિ ચ ।

રત્નવૃક્ષાલવાલાશ્ચ પુષ્પરાગમયાઃ સ્મૃતાઃ

॥ 71 ॥

શ્લોક 73

પ્રાકારો યસ્ય રત્નસ્ય તદ્રત્નરચિતા દ્રુમાઃ ।

વનભૂઃ પક્ષિનશ્ચૈવ રત્નવર્ણજલાનિ ચ

॥ 72 ॥

શ્લોક 74

મણ્ડપા મણ્ડપસ્તમ્ભાઃ સરાન્સિ કમલાનિ ચ ।

પ્રાકારે તત્ર યદ્યત્સ્યાત્તત્સર્વં તત્સમં ભવેત્

॥ 73 ॥

શ્લોક 75

પરિભાષેયમુદ્દિષ્ટા રત્નસાલાદિષુ પ્રભો ।

તેજસા સ્યાલ્લક્ષગુણઃ પૂર્વસાલાત્પરો નૃપ

॥ 74 ॥

શ્લોક 76

દિક્પાલા નિવસન્ત્યત્ર પ્રતિબ્રહ્માન્ડવર્તિનામ્ ।

દિક્પાલાનાં સમષ્ટ્યાત્મરૂપાઃ સ્ફૂર્જદ્વરાયુધાઃ

॥ 75 ॥

શ્લોક 77

પૂર્વાશાયાં સમુત્તુઙ્ગશૃઙ્ગા પૂરમરાવતી ।

નાનોપવનસંયુક્તા મહેન્દ્રસ્તત્ર રાજતે

॥ 76 ॥

શ્લોક 78

સ્વર્ગશોભા ચ યા સ્વર્ગે યાવતી સ્યાત્તતોઽધિકા ।

સમષ્ટિશતનેત્રસ્ય સહસ્રગુણતઃ સ્મૃતા

॥ 77 ॥

શ્લોક 79

ઐરાવતસમારૂઢો વજ્રહસ્તઃ પ્રતાપવાન્ ।

દેવસેનાપરિવૃતો રાજતેઽત્ર શતક્રતુઃ

॥ 78 ॥

શ્લોક 80

દેવાઙ્ગનાગણયુતા શચી તત્ર વિરાજતે ।

વહ્નિકોણે વહ્નિપુરી વહ્નિપૂઃ સદૃશી નૃપ

॥ 79 ॥

શ્લોક 81

સ્વાહાસ્વધાસમાયુક્તો વહ્નિસ્તત્ર વિરાજતે ।

નિજવાહનભૂષાઢ્યો નિજદેવગણૈર્વૃતઃ

॥ 80 ॥

શ્લોક 82

યામ્યાશાયાં યમપુરી તત્ર દણ્ડધરો મહાન્ ।

સ્વભટૈર્વેષ્ટિતો રાજન્ ચિત્રગુપ્તપુરોગમૈઃ

॥ 81 ॥

શ્લોક 83

નિજશક્તિયુતો ભાસ્વત્તનયોઽસ્તિ યમો મહાન્ ।

નૈરૃત્યાં દિશિ રાક્ષસ્યાં રાક્ષસૈઃ પરિવારિતઃ

॥ 82 ॥

શ્લોક 84

ખડ્ગધારી સ્ફુરન્નાસ્તે નિરૃતિર્નિજશક્તિયુક્ ।

વારુણ્યાં વરુણો રાજા પાશધારી પ્રતાપવાન્

॥ 83 ॥

શ્લોક 85

મહાઝશસમારૂઢો વારુણીમધુવિહ્વલઃ ।

નિજશક્તિસમાયુક્તો નિજયાદોગણાન્વિતઃ

॥ 84 ॥

શ્લોક 86

સમાસ્તે વારુણે લોકે વરુણાનીરતાકુલઃ ।

વાયુકોણે વાયુલોકો વાયુસ્તત્રાધિતિષ્ઠતિ

॥ 85 ॥

શ્લોક 87

વાયુસાધનસંસિદ્ધયોગિભિઃ પરિવારિતઃ ।

ધ્વજહસ્તો વિશાલાક્ષો મૃગવાહનસંસ્થિતઃ

॥ 86 ॥

શ્લોક 88

મરુદ્ગણૈઃ પરિવૃતો નિજશક્તિસમન્વિતઃ ।

ઉત્તરસ્યાં દિશિ મહાન્યક્ષલોકોઽસ્તિ ભૂમિપ

॥ 87 ॥

શ્લોક 89

યક્ષાધિરાજસ્તત્રાઽઽસ્તે વૃદ્ધિઋદ્ધ્યાદિશક્તિભિઃ ।

નવભિર્નિધિભિર્યુક્તસ્તુન્દિલો ધનનાયકઃ

॥ 88 ॥

શ્લોક 90

મણિભદ્રઃ પૂર્ણભદ્રો મણિમાન્મણિકન્ધરઃ ।

મણિભૂષો મણિસ્રગ્વી મણિકાર્મુકધારકઃ

॥ 89 ॥

શ્લોક 91

ઇત્યાદિયક્ષસેનાનીસહિતો નિજશક્તિયુક્ ।

ઈશાનકોણે સમ્પ્રોક્તો રુદ્રલોકો મહત્તરઃ

॥ 90 ॥

શ્લોક 92

અનર્ઘ્યરત્નખચિતો યત્ર રુદ્રોઽધિદૈવતમ્ ।

મન્યુમાન્દીપ્તનયનો બદ્ધપૃષ્ઠમહેષુધિઃ

॥ 91 ॥

શ્લોક 93

સ્ફૂર્જદ્ધનુર્વામહસ્તોઽધિજ્યધન્વભિરાવૃતઃ ।

સ્વસમાનૈરસઙ્ખ્યાતરુદ્રૈઃ શૂલવરાયુધૈઃ

॥ 92 ॥

શ્લોક 94

વિકૃતાસ્યૈઃ કરાલાસ્યૈર્વમદ્વહ્નિભિરાસ્યતઃ ।

દશહસ્તૈઃ શતકરૈઃ સહસ્રભુજસંયુતૈઃ

॥ 93 ॥

શ્લોક 95

દશપાદૈર્દશગ્રીવૈસ્ત્રિનેત્રૈરુગ્રમૂર્તિભિઃ ।

અન્તરિક્ષચરા યે ચ યે ચ ભૂમિચરાઃ સ્મૃતાઃ

॥ 94 ॥

શ્લોક 96

રુદ્રાધ્યાયે સ્મૃતા રુદ્રાસ્તૈઃ સર્વૈશ્ચ સમાવૃતઃ ।

રુદ્રાણીકોટિસહિતો ભદ્રકાલ્યાદિમાતૃભિઃ

॥ 95 ॥

શ્લોક 97

નાનાશક્તિસમાવિષ્ટડામર્યાદિગણાવૃતઃ ।

વીરભદ્રાદિસહિતો રુદ્રો રાજન્વિરાજતે

॥ 96 ॥

શ્લોક 98

મુણ્ડમાલાધરો નાગવલયો નાગકન્ધરઃ ।

વ્યાઘ્રચર્મપરીધાનો ગજચર્મોત્તરીયકઃ

॥ 97 ॥

શ્લોક 99

ચિતાભસ્માઙ્ગલિપ્તાઙ્ગઃ પ્રમથાદિગણાવૃતઃ ।

નિનદડ્ડમરુધ્વાનૈર્બધિરીકૃતદિમ્મુખઃ

॥ 98 ॥

શ્લોક 100

અટ્ટહાસાસ્ફોટશબ્દૈઃ સન્ત્રાસિતનભસ્તલઃ ।

ભૂતસઙ્ઘસમાવિષ્ટો ભૂતાવાસો મહેશ્વરઃ

॥ 99 ॥

શ્લોક 101

ઈશાનદિક્પતિઃ સોઽયં નામ્ના ચેશાન એવ ચ

॥ 100 ॥

શ્લોક 102

ઇતિ શ્રીદેવીભાગવતે મહાપુરાણે દ્વાદશસ્કન્ધે મણિદ્વીપવર્ણનં નામ દશમોઽધ્યાયઃ ॥