മഹാ ഗണപതി മൂല മന്ത്രാഃ (പാദ മാലാ സ്തോത്രമ്)

മഹാ ഗണപതി മൂല മന്ത്രാഃ (പാദ മാലാ സ്തോത്രമ്)

ശ്ലോക 1

॥ മൂലമന്ത്രമ് ॥

॥ ഓം ഹ്രീം ശ്രീം ക്ലീം ഗ്ലൌം ഗം ഗണപതയേ വരവരദ

സര്വജനം മേ വശമാനയ സ്വാഹാ ॥

॥ അഥ സ്തോത്രമ്॥

ഓം ഇത്യേതദജസ്യ കണ്ഠവിവരം ഭിത്വാ ബഹിര്നിര്ഗതം

ഹ്യോമിത്യേവ സമസ്തകര്മ ഋഷിഭിഃ പ്രാരഭ്യതേ മാനുഷൈഃ ।

ഓമിത്യേവ സദാ ജപന്തി യതയഃ സ്വാതമൈകനിഷ്ഠാഃ പരം

ഹ്യോങ്കാരാകൃതിവക്ത്രമിന്ദുനിടിലം വിഘ്നേശ്വരം ഭവായേ

ശ്ലോക 2

ശ്രീമ്ബീജം ശ്രമദുഃഖജന്മമരണവ്യാധ്യാധിഭീനാശകം

മൃത്യുക്രോധനശാന്തിബിന്ദുവിലസദ്വര്ണാകൃതിശ്രീപ്രദമ് ।

സ്വാന്തഃസ്വാത്മശരസ്യ ലക്ഷ്യമജരസ്വാത്മാവബോധപ്രദം

ശ്രീശ്രീനായകസേവിതേ ഭവദനപ്രേമാസ്പദം ഭാവയേ

॥ 1॥

ശ്ലോക 3

ഹ്രീമ്ബീജം ഹൃദയത്രികോണവിലസന്മധ്യാസനസ്ഥം സദാ

ചാകാശാനലവാമലോചനനിശാനാഥാര്ധവര്ണാത്മകമ് ।

മായാകാര്യജഗത്പ്രകാശകമുമാരൂപം സ്വശക്തിപ്രദം

മായാതീതപദപ്രദം ഹൃദി ഭജേ ലോകേശ്വരാരാധിതമ്

॥ 2॥

ശ്ലോക 4

ക്ലീമ്ബീജം കലിധാതുവത്കലയതാം സര്വേഷ്ടദം ദേഹിനാം

ധാതൃക്ഷ്മായുതശാന്തിബിന്ദുവിലസദ്വര്ണാത്മകം കാമദമ് ।

ശ്രീകൃഷ്ണപ്രിയമിന്ദിരാസുതമനഃപ്രീത്യേകഹേതും പരം

ഹൃത്പദ്മേ കലയേ സദാ കലിഹരം കാലാരിപുത്രപ്രിയമ്

॥ 3॥

ശ്ലോക 5

ഗ്ലൌമ്ബീജം ഗുണരൂപനിര്ഗുണപരബ്രഹ്മാദിശക്തേര്മഹാ-

ഹങ്കാരാകൃതിദണ്ഡിനീപ്രിയമജശ്രീനാഥരുദ്രേഷ്ടദമ് ।

സര്വാകര്ഷിണിദേവരാജഭുവനാര്ണേന്ദ്വാത്മകം ശ്രീകരം

ചിത്തേ വിഘ്നനിവാരണായ ഗിരിജജാതപ്രിയം ഭാവയേ

॥ 4॥

ശ്ലോക 6

ഗങ്ഗാസുതം ഗന്ധമുഖോപചാരപ്രിയം ഖഗാരോഹണഭാഗിനേയമ് ।

ഗങ്ഗാസുതാദ്യം വരഗന്ധതത്ത്വമൂലാമ്ബുജസ്ഥം ഹൃദി ഭാവയേഽഹമ്

॥ 5॥

ശ്ലോക 7

ഗണപതയേ വരഗുണനിധയേ സുരഗണപതയേ നതജനതതയേ ।

മണിഗണഭൂഷിതചരണയുഗാശ്രിതമലഹരണേ ചണ തേ നമഃ

॥ 6॥

ശ്ലോക 8

വരാഭയേ മോദകമേകദന്തം കരാമ്ബുജാതൈഃ സതതം ധരന്തമ് ।

വരാങ്ഗചന്ദ്രം പരഭക്തിസാന്ദ്രൈര്ജനൈര്ഭജന്തം കലയേ സദാഽന്തഃ

॥ 7॥

ശ്ലോക 9

വരദ നതജനാനാം സന്തതം വക്രതുണ്ഡ

സ്വരമയനിജഗാത്ര സ്വാത്മബോധൈകഹേതോ ।

കരലസദമൃതാമ്ഭോപൂര്ണപത്രാദ്യ മഹ്യം

ഗരഗലസുത ശീഘ്രം ദേഹി മദ്ബോധമീഡ്യമ്

॥ 8॥

ശ്ലോക 10

സര്വജനം പരിപാലയ ശര്വജ

പര്വസുധാകരഗര്വഹര ।

പര്വതനാഥസുതാസുത പാലയ

ഖര്വം മാ കുരു ദീനമിമമ്

॥ 9॥

ശ്ലോക 11

മേദോഽസ്ഥിമാംസരുധിരാന്ത്രമയേ ശരീരേ

മേദിന്യബഗ്നിമരുദമ്ബരലാസ്യമാനേ ।

മേ ദാരുണം മദമുഖാഘമുമാജ ഹൃത്വാ

മേധാഹ്വയാസനവരേ വസ ദന്തിവക്ത്ര

॥ 10 ॥

ശ്ലോക 12

വശം കുരു ത്വം ശിവജാത മാം തേ വശീകൃതാശേഷസമസ്തലോക ।

വസാര്ണസംശോഭിതമൂലപദ്മലസച്ഛ്രിയാഽലിങ്തവാരണാസ്യ

॥ 11॥

ശ്ലോക 13

ആനയാശുപദവാരിജാന്തികം മാം നയാദിഗുണവര്ജിതം തവ ।

ഹാനിഹീനപദജാമൃതസ്യ തേ പാനയോഗ്യമിഭവക്ത്ര മാം കുരു

॥ 12॥

ശ്ലോക 14

സ്വാഹാസ്വരൂപേണ വിരാജസേ ത്വം സുധാശനാനാം പ്രിയകര്മണീഡ്യമ് ।

സ്വധാസ്വരൂപേണ തു പിത്ര്യകര്മണ്യുമാസുതേജ്യാമയവിശ്വമൂര്തേ

॥ 13॥

ശ്ലോക 15

അഷ്ടാവിംശതിവര്ണപത്രലസിതം ഹാരം ഗണേശപ്രിയം

കഷ്ടാഽനിഷ്ടഹരം ചതുര്ദശപദൈഃ പുഷ്പൈര്മനോഹാരകമ് ।

തുഷ്ട്യാദിപ്രദസദ്ഗുരുത്തമപദാമ്ഭോജേ ചിദാനന്ദദം

ശിഷ്ടേഷ്ടോഽഹമനന്തസൂത്രഹൃദയാഽഽബദ്ധം സുഭക്ത്യാഽര്പയേ

॥ 14॥

ശ്ലോക 16

॥ ഇതി ശ്രീഅനന്താനന്ദകൃതം ശ്രീഗുരുചിദാനന്ദനാഥസമര്പിതം

ശ്രീമഹാഗണപതിമൂലമന്ത്രമാലാസ്തോത്രമ് ॥