મહા ગણપતિ મૂલ મન્ત્રાઃ (પાદ માલા સ્તોત્રમ્)

મહા ગણપતિ મૂલ મન્ત્રાઃ (પાદ માલા સ્તોત્રમ્)

શ્લોક 1

॥ મૂલમન્ત્રમ્ ॥

॥ ૐ હ્રીં શ્રીં ક્લીં ગ્લૌં ગં ગણપતયે વરવરદ

સર્વજનં મે વશમાનય સ્વાહા ॥

॥ અથ સ્તોત્રમ્॥

ૐ ઇત્યેતદજસ્ય કણ્ઠવિવરં ભિત્વા બહિર્નિર્ગતં

હ્યોમિત્યેવ સમસ્તકર્મ ઋષિભિઃ પ્રારભ્યતે માનુષૈઃ ।

ઓમિત્યેવ સદા જપન્તિ યતયઃ સ્વાતમૈકનિષ્ઠાઃ પરં

હ્યોઙ્કારાકૃતિવક્ત્રમિન્દુનિટિલં વિઘ્નેશ્વરં ભવાયે

શ્લોક 2

શ્રીમ્બીજં શ્રમદુઃખજન્મમરણવ્યાધ્યાધિભીનાશકં

મૃત્યુક્રોધનશાન્તિબિન્દુવિલસદ્વર્ણાકૃતિશ્રીપ્રદમ્ ।

સ્વાન્તઃસ્વાત્મશરસ્ય લક્ષ્યમજરસ્વાત્માવબોધપ્રદં

શ્રીશ્રીનાયકસેવિતે ભવદનપ્રેમાસ્પદં ભાવયે

॥ 1॥

શ્લોક 3

હ્રીમ્બીજં હૃદયત્રિકોણવિલસન્મધ્યાસનસ્થં સદા

ચાકાશાનલવામલોચનનિશાનાથાર્ધવર્ણાત્મકમ્ ।

માયાકાર્યજગત્પ્રકાશકમુમારૂપં સ્વશક્તિપ્રદં

માયાતીતપદપ્રદં હૃદિ ભજે લોકેશ્વરારાધિતમ્

॥ 2॥

શ્લોક 4

ક્લીમ્બીજં કલિધાતુવત્કલયતાં સર્વેષ્ટદં દેહિનાં

ધાતૃક્ષ્માયુતશાન્તિબિન્દુવિલસદ્વર્ણાત્મકં કામદમ્ ।

શ્રીકૃષ્ણપ્રિયમિન્દિરાસુતમનઃપ્રીત્યેકહેતું પરં

હૃત્પદ્મે કલયે સદા કલિહરં કાલારિપુત્રપ્રિયમ્

॥ 3॥

શ્લોક 5

ગ્લૌમ્બીજં ગુણરૂપનિર્ગુણપરબ્રહ્માદિશક્તેર્મહા-

હઙ્કારાકૃતિદણ્ડિનીપ્રિયમજશ્રીનાથરુદ્રેષ્ટદમ્ ।

સર્વાકર્ષિણિદેવરાજભુવનાર્ણેન્દ્વાત્મકં શ્રીકરં

ચિત્તે વિઘ્નનિવારણાય ગિરિજજાતપ્રિયં ભાવયે

॥ 4॥

શ્લોક 6

ગઙ્ગાસુતં ગન્ધમુખોપચારપ્રિયં ખગારોહણભાગિનેયમ્ ।

ગઙ્ગાસુતાદ્યં વરગન્ધતત્ત્વમૂલામ્બુજસ્થં હૃદિ ભાવયેઽહમ્

॥ 5॥

શ્લોક 7

ગણપતયે વરગુણનિધયે સુરગણપતયે નતજનતતયે ।

મણિગણભૂષિતચરણયુગાશ્રિતમલહરણે ચણ તે નમઃ

॥ 6॥

શ્લોક 8

વરાભયે મોદકમેકદન્તં કરામ્બુજાતૈઃ સતતં ધરન્તમ્ ।

વરાઙ્ગચન્દ્રં પરભક્તિસાન્દ્રૈર્જનૈર્ભજન્તં કલયે સદાઽન્તઃ

॥ 7॥

શ્લોક 9

વરદ નતજનાનાં સન્તતં વક્રતુણ્ડ

સ્વરમયનિજગાત્ર સ્વાત્મબોધૈકહેતો ।

કરલસદમૃતામ્ભોપૂર્ણપત્રાદ્ય મહ્યં

ગરગલસુત શીઘ્રં દેહિ મદ્બોધમીડ્યમ્

॥ 8॥

શ્લોક 10

સર્વજનં પરિપાલય શર્વજ

પર્વસુધાકરગર્વહર ।

પર્વતનાથસુતાસુત પાલય

ખર્વં મા કુરુ દીનમિમમ્

॥ 9॥

શ્લોક 11

મેદોઽસ્થિમાંસરુધિરાન્ત્રમયે શરીરે

મેદિન્યબગ્નિમરુદમ્બરલાસ્યમાને ।

મે દારુણં મદમુખાઘમુમાજ હૃત્વા

મેધાહ્વયાસનવરે વસ દન્તિવક્ત્ર

॥ 10 ॥

શ્લોક 12

વશં કુરુ ત્વં શિવજાત માં તે વશીકૃતાશેષસમસ્તલોક ।

વસાર્ણસંશોભિતમૂલપદ્મલસચ્છ્રિયાઽલિઙ્તવારણાસ્ય

॥ 11॥

શ્લોક 13

આનયાશુપદવારિજાન્તિકં માં નયાદિગુણવર્જિતં તવ ।

હાનિહીનપદજામૃતસ્ય તે પાનયોગ્યમિભવક્ત્ર માં કુરુ

॥ 12॥

શ્લોક 14

સ્વાહાસ્વરૂપેણ વિરાજસે ત્વં સુધાશનાનાં પ્રિયકર્મણીડ્યમ્ ।

સ્વધાસ્વરૂપેણ તુ પિત્ર્યકર્મણ્યુમાસુતેજ્યામયવિશ્વમૂર્તે

॥ 13॥

શ્લોક 15

અષ્ટાવિંશતિવર્ણપત્રલસિતં હારં ગણેશપ્રિયં

કષ્ટાઽનિષ્ટહરં ચતુર્દશપદૈઃ પુષ્પૈર્મનોહારકમ્ ।

તુષ્ટ્યાદિપ્રદસદ્ગુરુત્તમપદામ્ભોજે ચિદાનન્દદં

શિષ્ટેષ્ટોઽહમનન્તસૂત્રહૃદયાઽઽબદ્ધં સુભક્ત્યાઽર્પયે

॥ 14॥

શ્લોક 16

॥ ઇતિ શ્રીઅનન્તાનન્દકૃતં શ્રીગુરુચિદાનન્દનાથસમર્પિતં

શ્રીમહાગણપતિમૂલમન્ત્રમાલાસ્તોત્રમ્ ॥