ಕಾಲಭೈರವಾಷ್ಟಕಮ್

ಕಾಲಭೈರವಾಷ್ಟಕಮ್

ಶ್ಲೋಕ 1

ದೇವರಾಜ-ಸೇವ್ಯಮಾನ-ಪಾವನಾಙ್ಘ್ರಿ-ಪಙ್ಕಜಂ

ವ್ಯಾಲಯಜ್ಞ-ಸೂತ್ರಮಿನ್ದು-ಶೇಖರಂ ಕೃಪಾಕರಮ್ ।

ನಾರದಾದಿ-ಯೋಗಿಬೃನ್ದ-ವನ್ದಿತಂ ದಿಗಮ್ಬರಂ

ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ

ಶ್ಲೋಕ 2

ಭಾನುಕೋಟಿ-ಭಾಸ್ವರಂ ಭವಬ್ಧಿತಾರಕಂ ಪರಂ

ನೀಲಕಣ್ಠ-ಮೀಪ್ಸಿತಾರ್ಥ-ದಾಯಕಂ ತ್ರಿಲೋಚನಮ್ ।

ಕಾಲಕಾಲ-ಮಮ್ಬುಜಾಕ್ಷ-ಮಕ್ಷಶೂಲ-ಮಕ್ಷರಂ

ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ

॥ 1 ॥

ಶ್ಲೋಕ 3

ಶೂಲಟಙ್ಕ-ಪಾಶದಣ್ಡ-ಪಾಣಿಮಾದಿ-ಕಾರಣಂ

ಶ್ಯಾಮಕಾಯ-ಮಾದಿದೇವ-ಮಕ್ಷರಂ ನಿರಾಮಯಮ್ ।

ಭೀಮವಿಕ್ರಮಂ ಪ್ರಭುಂ ವಿಚಿತ್ರ ತಾಣ್ಡವ ಪ್ರಿಯಂ

ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ

॥ 2 ॥

ಶ್ಲೋಕ 4

ಭುಕ್ತಿ-ಮುಕ್ತಿ-ದಾಯಕಂ ಪ್ರಶಸ್ತಚಾರು-ವಿಗ್ರಹಂ

ಭಕ್ತವತ್ಸಲಂ ಸ್ಥಿರಂ ಸಮಸ್ತಲೋಕ-ವಿಗ್ರಹಮ್ । [ಸ್ಥಿತಂ]

ನಿಕ್ವಣನ್-ಮನೋಜ್ಞ-ಹೇಮ-ಕಿಙ್ಕಿಣೀ-ಲಸತ್ಕಟಿಂ [ವಿನಿಕ್ವಣನ್]

ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ

॥ 3 ॥

ಶ್ಲೋಕ 5

ಧರ್ಮಸೇತು-ಪಾಲಕಂ ತ್ವಧರ್ಮಮಾರ್ಗ ನಾಶಕಂ [ನಾಶನಂ]

ಕರ್ಮಪಾಶ-ಮೋಚಕಂ ಸುಶರ್ಮ-ದಾಯಕಂ ವಿಭುಮ್ ।

ಸ್ವರ್ಣವರ್ಣ-ಕೇಶಪಾಶ-ಶೋಭಿತಾಙ್ಗ-ಮಣ್ಡಲಂ [ಶೆಷಪಾಶ, ನಿರ್ಮಲಂ]

ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ

॥ 4 ॥

ಶ್ಲೋಕ 6

ರತ್ನ-ಪಾದುಕಾ-ಪ್ರಭಾಭಿರಾಮ-ಪಾದಯುಗ್ಮಕಂ

ನಿತ್ಯ-ಮದ್ವಿತೀಯ-ಮಿಷ್ಟ-ದೈವತಂ ನಿರಞ್ಜನಮ್ ।

ಮೃತ್ಯುದರ್ಪ-ನಾಶನಂ ಕರಾಲದಂಷ್ಟ್ರ-ಮೋಕ್ಷದಂ [ಭೂಷಣಂ]

ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ

॥ 5 ॥

ಶ್ಲೋಕ 7

ಅಟ್ಟಹಾಸ-ಭಿನ್ನ-ಪದ್ಮಜಾಣ್ಡಕೋಶ-ಸನ್ತತಿಂ

ದೃಷ್ಟಿಪಾತ-ನಷ್ಟಪಾಪ-ಜಾಲಮುಗ್ರ-ಶಾಸನಮ್ ।

ಅಷ್ಟಸಿದ್ಧಿ-ದಾಯಕಂ ಕಪಾಲಮಾಲಿಕಾ-ಧರಂ

ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ

॥ 6 ॥

ಶ್ಲೋಕ 8

ಭೂತಸಙ್ಘ-ನಾಯಕಂ ವಿಶಾಲಕೀರ್ತಿ-ದಾಯಕಂ

ಕಾಶಿವಾಸಿ-ಲೋಕ-ಪುಣ್ಯಪಾಪ-ಶೋಧಕಂ ವಿಭುಮ್ । [ಕಶಿವಾಸ]

ನೀತಿಮಾರ್ಗ-ಕೋವಿದಂ ಪುರಾತನಂ ಜಗತ್ಪತಿಂ

ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ

॥ 7 ॥

ಶ್ಲೋಕ 9

ಕಾಲಭೈರವಾಷ್ಟಕಂ ಪಠನ್ತಿ ಯೇ ಮನೋಹರಂ

ಜ್ಞಾನಮುಕ್ತಿ-ಸಾಧಕಂ ವಿಚಿತ್ರ-ಪುಣ್ಯ-ವರ್ಧನಮ್ ।

ಶೋಕಮೋಹ-ಲೋಭದೈನ್ಯ-ಕೋಪತಾಪ-ನಾಶನಂ [ದೈನ್ಯಲೋಭ]

ತೇ ಪ್ರಯಾನ್ತಿ ಕಾಲಭೈರವಾಙ್ಘ್ರಿ-ಸನ್ನಿಧಿಂ ಧ್ರುವಮ್ ॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚರ್ಯಸ್ಯ

ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ

ಶ್ರೀಮಚ್ಛಙ್ಕರಭಗವತಃ ಕೃತೌ

ಶ್ರೀ ಕಾಲಭೈರವಾಷ್ಟಕಂ ಸಮ್ಪೂರ್ಣಮ್ ।