Kala Bhairava Ashtakam

කාලභෛරවාෂ්ටකම්

ශ්ලොක 1

දේවරාජ-සේව්යමාන-පාවනාඞ්ඝ්රි-පඞ්කජං
ව්යාලයජ්ඤ-සූත්රමින්දු-ශේඛරං කෘපාකරම් .
නාරදාදි-යෝගිබෘන්ද-වන්දිතං දිගම්බරං
කාශිකාපුරාධිනාථ කාලභෛරවං භජේ .. 1 ..

භානුකෝටි-භාස්වරං භවාබ්ධි-තාරකං පරං
නීලකණ්ඨමීප්සිතාර්ථදායකං ත්රිලෝචනම් .
කාලකාලමම්බුජාක්ෂමක්ෂශූලමක්ෂරං
කාශිකාපුරාධිනාථ කාලභෛරවං භජේ .. 2 ..

ශූලටඞ්කපාශදණ්ඩපාණිමාදිකාරණං
ශ්යාමකායමාදිදේවමක්ෂරං නිරාමයම් .
භීමවික්රමං ප්රභුං විචිත්රතාණ්ඩවප්රියං
කාශිකාපුරාධිනාථ කාලභෛරවං භජේ .. 3 ..

භුක්තිමුක්තිදායකං ප්රශස්තචාරුවිග්රහං
භක්තවත්සලං ස්ථිතං සමස්තලෝකවිග්රහම් .
විනික්වණන්මනෝජ්ඤහේමකිඞ්කිණීලසත්කටිං
කාශිකාපුරාධිනාථ කාලභෛරවං භජේ .. 4 ..

ධර්මසේතුපාලකං ත්වධර්මමාර්ගනාශකං
කර්මපාශමෝචකං සුශර්මදායකං විභුම් .
ස්වර්ණවර්ණකේශපාශභූෂිතං ත්රිලෝචනං
කාශිකාපුරාධිනාථ කාලභෛරවං භජේ .. 5 ..

රත්නපාදුකාප්රභාභිරාමපාදයුග්මකං
නිත්යමද්විතීයමිෂ්ටදෛවතං නිරඤ්ජනම් .
මෘත්යුදර්පනාශනං කරාලදංෂ්ට්රමෝක්ෂණං
කාශිකාපුරාධිනාථ කාලභෛරවං භජේ .. 6 ..

අට්ටහාසභින්නපද්මජාණ්ඩකෝශසන්තතිං
දෘෂ්ටිපාතනෂ්ටපාපජාලමුග්රශාසනම් .
අෂ්ටසිද්ධිදායකං කපාලමාලිකාධරං
කාශිකාපුරාධිනාථ කාලභෛරවං භජේ .. 7 ..

භූතසඞ්ඝනායකං විශාලකීර්තිදායකං
කාශිවාසලෝකපුණ්යපාපශෝධකං විභුම් .
නීතිමාර්ගකෝවිදං පුරාතනං ජගත්පතිං
කාශිකාපුරාධිනාථ කාලභෛරවං භජේ .. 8 ..

කාලභෛරවාෂ්ටකං පඨන්ති යේ මනෝහරං
ජ්ඤානමුක්තිසාධනං විචිත්රපුණ්යවර්ධනම් .
ශෝකමෝහදෛන්යලෝභකෝපතාපනාශනං
තේ ප්රයාන්ති කාලභෛරවාඞ්ඝ්රිසන්නිධිං ධ්රුවම් .. 9 ..