Kala Bhairava Ashtakam

kAlabhairavASTakam

zloka 1

devarAja-sevyamAna-pAvanAGghri-paGkajaM
vyAlayajJa-sUtramindu-zekharaM kRpAkaram |
nAradAdi-yogibRnda-vanditaM digambaraM
kAzikApurAdhinAtha kAlabhairavaM bhaje || 1 ||

bhAnukoTi-bhAsvaraM bhavAbdhi-tArakaM paraM
nIlakaNThamIpsitArthadAyakaM trilocanam |
kAlakAlamambujAkSamakSazUlamakSaraM
kAzikApurAdhinAtha kAlabhairavaM bhaje || 2 ||

zUlaTaGkapAzadaNDapANimAdikAraNaM
zyAmakAyamAdidevamakSaraM nirAmayam |
bhImavikramaM prabhuM vicitratANDavapriyaM
kAzikApurAdhinAtha kAlabhairavaM bhaje || 3 ||

bhuktimuktidAyakaM prazastacAruvigrahaM
bhaktavatsalaM sthitaM samastalokavigraham |
vinikvaNanmanojJahemakiGkiNIlasatkaTiM
kAzikApurAdhinAtha kAlabhairavaM bhaje || 4 ||

dharmasetupAlakaM tvadharmamArganAzakaM
karmapAzamocakaM suzarmadAyakaM vibhum |
svarNavarNakezapAzabhUSitaM trilocanaM
kAzikApurAdhinAtha kAlabhairavaM bhaje || 5 ||

ratnapAdukAprabhAbhirAmapAdayugmakaM
nityamadvitIyamiSTadaivataM niraJjanam |
mRtyudarpanAzanaM karAladaMSTramokSaNaM
kAzikApurAdhinAtha kAlabhairavaM bhaje || 6 ||

aTTahAsabhinnapadmajANDakozasantatiM
dRSTipAtanaSTapApajAlamugrazAsanam |
aSTasiddhidAyakaM kapAlamAlikAdharaM
kAzikApurAdhinAtha kAlabhairavaM bhaje || 7 ||

bhUtasaGghanAyakaM vizAlakIrtidAyakaM
kAzivAsalokapuNyapApazodhakaM vibhum |
nItimArgakovidaM purAtanaM jagatpatiM
kAzikApurAdhinAtha kAlabhairavaM bhaje || 8 ||

kAlabhairavASTakaM paThanti ye manoharaM
jJAnamuktisAdhanaM vicitrapuNyavardhanam |
zokamohadainyalobhakopatApanAzanaM
te prayAnti kAlabhairavAGghrisannidhiM dhruvam || 9 ||