কালভৈরবাষ্টকম্

কালভৈরবাষ্টকম্

শ্লোক 1

দেবরাজ-সেব্যমান-পাবনাঙ্ঘ্রি-পঙ্কজং
ব্যালযজ্ঞ-সূত্রমিন্দু-শেখরং কৃপাকরম্ ।
নারদাদি-যোগিবৃন্দ-বন্দিতং দিগম্বরং
কাশিকাপুরাধিনাথ কালভৈরবং ভজে ॥ ১ ॥

ভানুকোটি-ভাস্বরং ভবাব্ধি-তারকং পরং
নীলকণ্ঠমীপ্সিতার্থদাযকং ত্রিলোচনম্ ।
কালকালমম্বুজাক্ষমক্ষশূলমক্ষরং
কাশিকাপুরাধিনাথ কালভৈরবং ভজে ॥ ২ ॥

শূলটঙ্কপাশদণ্ডপাণিমাদিকারণং
শ্যামকাযমাদিদেবমক্ষরং নিরামযম্ ।
ভীমবিক্রমং প্রভুং বিচিত্রতাণ্ডবপ্রিযং
কাশিকাপুরাধিনাথ কালভৈরবং ভজে ॥ ৩ ॥

ভুক্তিমুক্তিদাযকং প্রশস্তচারুবিগ্রহং
ভক্তবত্সলং স্থিতং সমস্তলোকবিগ্রহম্ ।
বিনিক্বণন্মনোজ্ঞহেমকিঙ্কিণীলসত্কটিং
কাশিকাপুরাধিনাথ কালভৈরবং ভজে ॥ ৪ ॥

ধর্মসেতুপালকং ত্বধর্মমার্গনাশকং
কর্মপাশমোচকং সুশর্মদাযকং বিভুম্ ।
স্বর্ণবর্ণকেশপাশভূষিতং ত্রিলোচনং
কাশিকাপুরাধিনাথ কালভৈরবং ভজে ॥ ৫ ॥

রত্নপাদুকাপ্রভাভিরামপাদযুগ্মকং
নিত্যমদ্বিতীযমিষ্টদৈবতং নিরঞ্জনম্ ।
মৃত্যুদর্পনাশনং করালদংষ্ট্রমোক্ষণং
কাশিকাপুরাধিনাথ কালভৈরবং ভজে ॥ ৬ ॥

অট্টহাসভিন্নপদ্মজাণ্ডকোশসন্ততিং
দৃষ্টিপাতনষ্টপাপজালমুগ্রশাসনম্ ।
অষ্টসিদ্ধিদাযকং কপালমালিকাধরং
কাশিকাপুরাধিনাথ কালভৈরবং ভজে ॥ ৭ ॥

ভূতসঙ্ঘনাযকং বিশালকীর্তিদাযকং
কাশিবাসলোকপুণ্যপাপশোধকং বিভুম্ ।
নীতিমার্গকোবিদং পুরাতনং জগত্পতিং
কাশিকাপুরাধিনাথ কালভৈরবং ভজে ॥ ৮ ॥

কালভৈরবাষ্টকং পঠন্তি যে মনোহরং
জ্ঞানমুক্তিসাধনং বিচিত্রপুণ্যবর্ধনম্ ।
শোকমোহদৈন্যলোভকোপতাপনাশনং
তে প্রযান্তি কালভৈরবাঙ্ঘ্রিসন্নিধিং ধ্রুবম্ ॥ ৯ ॥