Guru Paduka Stotram
గురు పాదుకా స్తోత్రమ్
Guru Paduka Stotram
గురు పాదుకా స్తోత్రమ్
శ్లోక 1
అనన్తసంసార-సముద్రతార-
నౌకాయితాభ్యాం గురుభక్తిదాభ్యామ్ ।
వైరాగ్యసామ్రాజ్యద-పూజనాభ్యాం
నమో నమః శ్రీగురుపాదుకాభ్యామ్
శ్లోక 2
కవిత్వవారాశి-నిశాకరాభ్యాం
దౌర్భాగ్య-దావామ్బుద-మాలికాభ్యామ్ ।
దూరీకృతానమ్ర-విపత్తితాభ్యాం
నమో నమః శ్రీగురుపాదుకాభ్యామ్
॥ 1 ॥
శ్లోక 3
నతా యయోః శ్రీపతితాం సమీయుః
కదాచిదప్యాశు దరిద్రవర్యాః ।
మూకాశ్చ వాచస్పతితాం హి తాభ్యాం
నమో నమః శ్రీగురుపాదుకాభ్యామ్
॥ 2 ॥
శ్లోక 4
నాలీకనీకాశ-పదాహృతాభ్యాం
నానావిమోహాది-నివారికాభ్యామ్ ।
నమజ్జనాభీష్ట-తతిప్రదాభ్యాం
నమో నమః శ్రీగురుపాదుకాభ్యామ్
॥ 3 ॥
శ్లోక 5
నృపాలిమౌలి-వ్రజరత్నకాన్తి-
సరిద్విరాజజ్ఝష-కన్యకాభ్యామ్ ।
నృపత్వదాభ్యాం నతలోకపఙ్క్తేః
నమో నమః శ్రీగురుపాదుకాభ్యామ్
॥ 4 ॥
శ్లోక 6
పాపాన్ధకారార్క-పరమ్పరాభ్యాం
తాపత్రయాహీన్ద్ర-ఖగేశ్వరాభ్యామ్ ।
జాడ్యాబ్ధి-సంశోషణ-వాడవాభ్యామ్
నమో నమః శ్రీగురుపాదుకాభ్యామ్
॥ 5 ॥
శ్లోక 7
శమాదిషట్కప్రద-వైభవాభ్యాం
సమాధిదాన-వ్రతదీక్షితాభ్యామ్ ।
రమాధవాఙ్ఘ్రి-స్థిరభక్తిదాభ్యాం
నమో నమః శ్రీగురుపాదుకాభ్యామ్
॥ 6 ॥
శ్లోక 8
స్వార్చాపరాణా-మఖిలేష్టదాభ్యాం
స్వాహాసహాయాక్ష-ధురన్ధరాభ్యామ్ ।
స్వాన్తాచ్ఛభావ-ప్రదపూజనాభ్యాం
నమో నమః శ్రీగురుపాదుకాభ్యామ్
॥ 7 ॥
శ్లోక 9
కామాదిసర్ప-వ్రజగారుడాభ్యాం
వివేకవైరాగ్య-నిధిప్రదాభ్యామ్ ।
బోధప్రదాభ్యాం ద్రుతమోక్షదాభ్యాం
నమో నమః శ్రీగురుపాదుకాభ్యామ్
॥ 8 ॥