ಗುರು ಪಾದುಕಾ ಸ್ತೋತ್ರಮ್

ಗುರು ಪಾದುಕಾ ಸ್ತೋತ್ರಮ್

ಶ್ಲೋಕ 1

ಅನನ್ತಸಂಸಾರ-ಸಮುದ್ರತಾರ-

ನೌಕಾಯಿತಾಭ್ಯಾಂ ಗುರುಭಕ್ತಿದಾಭ್ಯಾಮ್ ।

ವೈರಾಗ್ಯಸಾಮ್ರಾಜ್ಯದ-ಪೂಜನಾಭ್ಯಾಂ

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

ಶ್ಲೋಕ 2

ಕವಿತ್ವವಾರಾಶಿ-ನಿಶಾಕರಾಭ್ಯಾಂ

ದೌರ್ಭಾಗ್ಯ-ದಾವಾಮ್ಬುದ-ಮಾಲಿಕಾಭ್ಯಾಮ್ ।

ದೂರೀಕೃತಾನಮ್ರ-ವಿಪತ್ತಿತಾಭ್ಯಾಂ

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

॥ 1 ॥

ಶ್ಲೋಕ 3

ನತಾ ಯಯೋಃ ಶ್ರೀಪತಿತಾಂ ಸಮೀಯುಃ

ಕದಾಚಿದಪ್ಯಾಶು ದರಿದ್ರವರ್ಯಾಃ ।

ಮೂಕಾಶ್ಚ ವಾಚಸ್ಪತಿತಾಂ ಹಿ ತಾಭ್ಯಾಂ

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

॥ 2 ॥

ಶ್ಲೋಕ 4

ನಾಲೀಕನೀಕಾಶ-ಪದಾಹೃತಾಭ್ಯಾಂ

ನಾನಾವಿಮೋಹಾದಿ-ನಿವಾರಿಕಾಭ್ಯಾಮ್ ।

ನಮಜ್ಜನಾಭೀಷ್ಟ-ತತಿಪ್ರದಾಭ್ಯಾಂ

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

॥ 3 ॥

ಶ್ಲೋಕ 5

ನೃಪಾಲಿಮೌಲಿ-ವ್ರಜರತ್ನಕಾನ್ತಿ-

ಸರಿದ್ವಿರಾಜಜ್ಝಷ-ಕನ್ಯಕಾಭ್ಯಾಮ್ ।

ನೃಪತ್ವದಾಭ್ಯಾಂ ನತಲೋಕಪಙ್ಕ್ತೇಃ

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

॥ 4 ॥

ಶ್ಲೋಕ 6

ಪಾಪಾನ್ಧಕಾರಾರ್ಕ-ಪರಮ್ಪರಾಭ್ಯಾಂ

ತಾಪತ್ರಯಾಹೀನ್ದ್ರ-ಖಗೇಶ್ವರಾಭ್ಯಾಮ್ ।

ಜಾಡ್ಯಾಬ್ಧಿ-ಸಂಶೋಷಣ-ವಾಡವಾಭ್ಯಾಮ್

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

॥ 5 ॥

ಶ್ಲೋಕ 7

ಶಮಾದಿಷಟ್ಕಪ್ರದ-ವೈಭವಾಭ್ಯಾಂ

ಸಮಾಧಿದಾನ-ವ್ರತದೀಕ್ಷಿತಾಭ್ಯಾಮ್ ।

ರಮಾಧವಾಙ್ಘ್ರಿ-ಸ್ಥಿರಭಕ್ತಿದಾಭ್ಯಾಂ

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

॥ 6 ॥

ಶ್ಲೋಕ 8

ಸ್ವಾರ್ಚಾಪರಾಣಾ-ಮಖಿಲೇಷ್ಟದಾಭ್ಯಾಂ

ಸ್ವಾಹಾಸಹಾಯಾಕ್ಷ-ಧುರನ್ಧರಾಭ್ಯಾಮ್ ।

ಸ್ವಾನ್ತಾಚ್ಛಭಾವ-ಪ್ರದಪೂಜನಾಭ್ಯಾಂ

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

॥ 7 ॥

ಶ್ಲೋಕ 9

ಕಾಮಾದಿಸರ್ಪ-ವ್ರಜಗಾರುಡಾಭ್ಯಾಂ

ವಿವೇಕವೈರಾಗ್ಯ-ನಿಧಿಪ್ರದಾಭ್ಯಾಮ್ ।

ಬೋಧಪ್ರದಾಭ್ಯಾಂ ದ್ರುತಮೋಕ್ಷದಾಭ್ಯಾಂ

ನಮೋ ನಮಃ ಶ್ರೀಗುರುಪಾದುಕಾಭ್ಯಾಮ್

॥ 8 ॥

ಶ್ಲೋಕ 10