ഗോവിന്ദാഷ്ടകമ്

ഗോവിന്ദാഷ്ടകമ്

ശ്ലോക 1

സത്യം ജ്ഞാനമനന്തം നിത്യമനാകാശം പരമാകാശമ് ।

ഗോഷ്ഠപ്രാങ്ഗണരിങ്ഖണലോലമനായാസം പരമായാസമ് ।

മായാകല്പിതനാനാകാരമനാകാരം ഭുവനാകാരമ് ।

ക്ഷ്മാമാനാഥമനാഥം പ്രണമത ഗോവിന്ദം പരമാനന്ദമ്

ശ്ലോക 2

മൃത്സ്നാമത്സീഹേതി യശോദാതാഡനശൈശവ സന്ത്രാസമ് ।

വ്യാദിതവക്ത്രാലോകിതലോകാലോകചതുര്ദശലോകാലിമ് ।

ലോകത്രയപുരമൂലസ്തമ്ഭം ലോകാലോകമനാലോകമ് ।

ലോകേശം പരമേശം പ്രണമത ഗോവിന്ദം പരമാനന്ദമ്

॥ 1 ॥

ശ്ലോക 3

ത്രൈവിഷ്ടപരിപുവീരഘ്നം ക്ഷിതിഭാരഘ്നം ഭവരോഗഘ്നമ് ।

കൈവല്യം നവനീതാഹാരമനാഹാരം ഭുവനാഹാരമ് ।

വൈമല്യസ്ഫുടചേതോവൃത്തിവിശേഷാഭാസമനാഭാസമ് ।

ശൈവം കേവലശാന്തം പ്രണമത ഗോവിന്ദം പരമാനന്ദമ്

॥ 2 ॥

ശ്ലോക 4

ഗോപാലം പ്രഭുലീലാവിഗ്രഹഗോപാലം കുലഗോപാലമ് ।

ഗോപീഖേലനഗോവര്ധനധൃതിലീലാലാലിതഗോപാലമ് ।

ഗോഭിര്നിഗദിത ഗോവിന്ദസ്ഫുടനാമാനം ബഹുനാമാനമ് ।

ഗോപീഗോചരദൂരം പ്രണമത ഗോവിന്ദം പരമാനന്ദമ്

॥ 3 ॥

ശ്ലോക 5

ഗോപീമണ്ഡലഗോഷ്ഠീഭേദം ഭേദാവസ്ഥമഭേദാഭമ് ।

ശശ്വദ്ഗോഖുരനിര്ധൂതോദ്ഗത ധൂലീധൂസരസൌഭാഗ്യമ് ।

ശ്രദ്ധാഭക്തിഗൃഹീതാനന്ദമചിന്ത്യം ചിന്തിതസദ്ഭാവമ് ।

ചിന്താമണിമഹിമാനം പ്രണമത ഗോവിന്ദം പരമാനന്ദമ്

॥ 4 ॥

ശ്ലോക 6

സ്നാനവ്യാകുലയോഷിദ്വസ്ത്രമുപാദായാഗമുപാരൂഢമ് ।

വ്യാദിത്സന്തീരഥ ദിഗ്വസ്ത്രാ ദാതുമുപാകര്ഷന്തം താഃ

നിര്ധൂതദ്വയശോകവിമോഹം ബുദ്ധം ബുദ്ധേരന്തസ്ഥമ് ।

സത്താമാത്രശരീരം പ്രണമത ഗോവിന്ദം പരമാനന്ദമ്

॥ 5 ॥

ശ്ലോക 7

കാന്തം കാരണകാരണമാദിമനാദിം കാലധനാഭാസമ് ।

കാലിന്ദീഗതകാലിയശിരസി സുനൃത്യന്തം മുഹുരത്യന്തമ് ।

കാലം കാലകലാതീതം കലിതാശേഷം കലിദോഷഘ്നമ് ।

കാലത്രയഗതിഹേതും പ്രണമത ഗോവിന്ദം പരമാനന്ദമ്

॥ 6 ॥

ശ്ലോക 8

ബൃന്ദാവനഭുവി ബൃന്ദാരകഗണബൃന്ദാരാധിതവന്ദേഹമ് ।

കുന്ദാഭാമലമന്ദസ്മേരസുധാനന്ദം സുഹൃദാനന്ദമ് ।

വന്ദ്യാശേഷ മഹാമുനി മാനസ വന്ദ്യാനന്ദപദദ്വന്ദ്വമ് ।

വന്ദ്യാശേഷഗുണാബ്ധിം പ്രണമത ഗോവിന്ദം പരമാനന്ദമ്

॥ 7 ॥

ശ്ലോക 9

ഗോവിന്ദാഷ്ടകമേതദധീതേ ഗോവിന്ദാര്പിതചേതാ യഃ ।

ഗോവിന്ദാച്യുത മാധവ വിഷ്ണോ ഗോകുലനായക കൃഷ്ണേതി ।

ഗോവിന്ദാങ്ഘ്രി സരോജധ്യാനസുധാജലധൌതസമസ്താഘഃ ।

ഗോവിന്ദം പരമാനന്ദാമൃതമന്തസ്ഥം സ തമഭ്യേതി ॥

ഇതി ശ്രീ ശങ്കരാചാര്യ വിരചിത ശ്രീഗോവിന്ദാഷ്ടകം സമാപ്തം