ગોવિન્દાષ્ટકમ્

ગોવિન્દાષ્ટકમ્

શ્લોક 1

સત્યં જ્ઞાનમનન્તં નિત્યમનાકાશં પરમાકાશમ્ ।

ગોષ્ઠપ્રાઙ્ગણરિઙ્ખણલોલમનાયાસં પરમાયાસમ્ ।

માયાકલ્પિતનાનાકારમનાકારં ભુવનાકારમ્ ।

ક્ષ્મામાનાથમનાથં પ્રણમત ગોવિન્દં પરમાનન્દમ્

શ્લોક 2

મૃત્સ્નામત્સીહેતિ યશોદાતાડનશૈશવ સન્ત્રાસમ્ ।

વ્યાદિતવક્ત્રાલોકિતલોકાલોકચતુર્દશલોકાલિમ્ ।

લોકત્રયપુરમૂલસ્તમ્ભં લોકાલોકમનાલોકમ્ ।

લોકેશં પરમેશં પ્રણમત ગોવિન્દં પરમાનન્દમ્

॥ 1 ॥

શ્લોક 3

ત્રૈવિષ્ટપરિપુવીરઘ્નં ક્ષિતિભારઘ્નં ભવરોગઘ્નમ્ ।

કૈવલ્યં નવનીતાહારમનાહારં ભુવનાહારમ્ ।

વૈમલ્યસ્ફુટચેતોવૃત્તિવિશેષાભાસમનાભાસમ્ ।

શૈવં કેવલશાન્તં પ્રણમત ગોવિન્દં પરમાનન્દમ્

॥ 2 ॥

શ્લોક 4

ગોપાલં પ્રભુલીલાવિગ્રહગોપાલં કુલગોપાલમ્ ।

ગોપીખેલનગોવર્ધનધૃતિલીલાલાલિતગોપાલમ્ ।

ગોભિર્નિગદિત ગોવિન્દસ્ફુટનામાનં બહુનામાનમ્ ।

ગોપીગોચરદૂરં પ્રણમત ગોવિન્દં પરમાનન્દમ્

॥ 3 ॥

શ્લોક 5

ગોપીમણ્ડલગોષ્ઠીભેદં ભેદાવસ્થમભેદાભમ્ ।

શશ્વદ્ગોખુરનિર્ધૂતોદ્ગત ધૂલીધૂસરસૌભાગ્યમ્ ।

શ્રદ્ધાભક્તિગૃહીતાનન્દમચિન્ત્યં ચિન્તિતસદ્ભાવમ્ ।

ચિન્તામણિમહિમાનં પ્રણમત ગોવિન્દં પરમાનન્દમ્

॥ 4 ॥

શ્લોક 6

સ્નાનવ્યાકુલયોષિદ્વસ્ત્રમુપાદાયાગમુપારૂઢમ્ ।

વ્યાદિત્સન્તીરથ દિગ્વસ્ત્રા દાતુમુપાકર્ષન્તં તાઃ

નિર્ધૂતદ્વયશોકવિમોહં બુદ્ધં બુદ્ધેરન્તસ્થમ્ ।

સત્તામાત્રશરીરં પ્રણમત ગોવિન્દં પરમાનન્દમ્

॥ 5 ॥

શ્લોક 7

કાન્તં કારણકારણમાદિમનાદિં કાલધનાભાસમ્ ।

કાલિન્દીગતકાલિયશિરસિ સુનૃત્યન્તં મુહુરત્યન્તમ્ ।

કાલં કાલકલાતીતં કલિતાશેષં કલિદોષઘ્નમ્ ।

કાલત્રયગતિહેતું પ્રણમત ગોવિન્દં પરમાનન્દમ્

॥ 6 ॥

શ્લોક 8

બૃન્દાવનભુવિ બૃન્દારકગણબૃન્દારાધિતવન્દેહમ્ ।

કુન્દાભામલમન્દસ્મેરસુધાનન્દં સુહૃદાનન્દમ્ ।

વન્દ્યાશેષ મહામુનિ માનસ વન્દ્યાનન્દપદદ્વન્દ્વમ્ ।

વન્દ્યાશેષગુણાબ્ધિં પ્રણમત ગોવિન્દં પરમાનન્દમ્

॥ 7 ॥

શ્લોક 9

ગોવિન્દાષ્ટકમેતદધીતે ગોવિન્દાર્પિતચેતા યઃ ।

ગોવિન્દાચ્યુત માધવ વિષ્ણો ગોકુલનાયક કૃષ્ણેતિ ।

ગોવિન્દાઙ્ઘ્રિ સરોજધ્યાનસુધાજલધૌતસમસ્તાઘઃ ।

ગોવિન્દં પરમાનન્દામૃતમન્તસ્થં સ તમભ્યેતિ ॥

ઇતિ શ્રી શઙ્કરાચાર્ય વિરચિત શ્રીગોવિન્દાષ્ટકં સમાપ્તં