গোবিন্দাষ্টকম্

গোবিন্দাষ্টকম্

শ্লোক 1

সত্যং জ্ঞানমনন্তং নিত্যমনাকাশং পরমাকাশম্ ।

গোষ্ঠপ্রাঙ্গণরিঙ্খণলোলমনাযাসং পরমাযাসম্ ।

মাযাকল্পিতনানাকারমনাকারং ভুবনাকারম্ ।

ক্ষ্মামানাথমনাথং প্রণমত গোবিন্দং পরমানন্দম্

শ্লোক 2

মৃত্স্নামত্সীহেতি যশোদাতাডনশৈশব সন্ত্রাসম্ ।

ব্যাদিতবক্ত্রালোকিতলোকালোকচতুর্দশলোকালিম্ ।

লোকত্রযপুরমূলস্তম্ভং লোকালোকমনালোকম্ ।

লোকেশং পরমেশং প্রণমত গোবিন্দং পরমানন্দম্

॥ 1 ॥

শ্লোক 3

ত্রৈবিষ্টপরিপুবীরঘ্নং ক্ষিতিভারঘ্নং ভবরোগঘ্নম্ ।

কৈবল্যং নবনীতাহারমনাহারং ভুবনাহারম্ ।

বৈমল্যস্ফুটচেতোবৃত্তিবিশেষাভাসমনাভাসম্ ।

শৈবং কেবলশান্তং প্রণমত গোবিন্দং পরমানন্দম্

॥ 2 ॥

শ্লোক 4

গোপালং প্রভুলীলাবিগ্রহগোপালং কুলগোপালম্ ।

গোপীখেলনগোবর্ধনধৃতিলীলালালিতগোপালম্ ।

গোভির্নিগদিত গোবিন্দস্ফুটনামানং বহুনামানম্ ।

গোপীগোচরদূরং প্রণমত গোবিন্দং পরমানন্দম্

॥ 3 ॥

শ্লোক 5

গোপীমণ্ডলগোষ্ঠীভেদং ভেদাবস্থমভেদাভম্ ।

শশ্বদ্গোখুরনির্ধূতোদ্গত ধূলীধূসরসৌভাগ্যম্ ।

শ্রদ্ধাভক্তিগৃহীতানন্দমচিন্ত্যং চিন্তিতসদ্ভাবম্ ।

চিন্তামণিমহিমানং প্রণমত গোবিন্দং পরমানন্দম্

॥ 4 ॥

শ্লোক 6

স্নানব্যাকুলযোষিদ্বস্ত্রমুপাদাযাগমুপারূঢম্ ।

ব্যাদিত্সন্তীরথ দিগ্বস্ত্রা দাতুমুপাকর্ষন্তং তাঃ

নির্ধূতদ্বযশোকবিমোহং বুদ্ধং বুদ্ধেরন্তস্থম্ ।

সত্তামাত্রশরীরং প্রণমত গোবিন্দং পরমানন্দম্

॥ 5 ॥

শ্লোক 7

কান্তং কারণকারণমাদিমনাদিং কালধনাভাসম্ ।

কালিন্দীগতকালিযশিরসি সুনৃত্যন্তং মুহুরত্যন্তম্ ।

কালং কালকলাতীতং কলিতাশেষং কলিদোষঘ্নম্ ।

কালত্রযগতিহেতুং প্রণমত গোবিন্দং পরমানন্দম্

॥ 6 ॥

শ্লোক 8

বৃন্দাবনভুবি বৃন্দারকগণবৃন্দারাধিতবন্দেহম্ ।

কুন্দাভামলমন্দস্মেরসুধানন্দং সুহৃদানন্দম্ ।

বন্দ্যাশেষ মহামুনি মানস বন্দ্যানন্দপদদ্বন্দ্বম্ ।

বন্দ্যাশেষগুণাব্ধিং প্রণমত গোবিন্দং পরমানন্দম্

॥ 7 ॥

শ্লোক 9

গোবিন্দাষ্টকমেতদধীতে গোবিন্দার্পিতচেতা যঃ ।

গোবিন্দাচ্যুত মাধব বিষ্ণো গোকুলনাযক কৃষ্ণেতি ।

গোবিন্দাঙ্ঘ্রি সরোজধ্যানসুধাজলধৌতসমস্তাঘঃ ।

গোবিন্দং পরমানন্দামৃতমন্তস্থং স তমভ্যেতি ॥

ইতি শ্রী শঙ্করাচার্য বিরচিত শ্রীগোবিন্দাষ্টকং সমাপ্তং