ಗೋವಿನ್ದ ದಾಮೋದರ ಸ್ತೋತ್ರಮ್ (ಲಘು)

ಗೋವಿನ್ದ ದಾಮೋದರ ಸ್ತೋತ್ರಮ್ (ಲಘು)

ಶ್ಲೋಕ 1

ಕರಾರವಿನ್ದೇನ ಪದಾರವಿನ್ದಂ

ಮುಖಾರವಿನ್ದೇ ವಿನಿವೇಶಯನ್ತಮ್ ।

ವಟಸ್ಯ ಪತ್ರಸ್ಯ ಪುಟೇ ಶಯಾನಂ

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥

ಶ್ರೀಕೃಷ್ಣ ಗೋವಿನ್ದ ಹರೇ ಮುರಾರೇ

ಹೇ ನಾಥ ನಾರಾಯಣ ವಾಸುದೇವ ।

ಜಿಹ್ವೇ ಪಿಬಸ್ವಾಮೃತಮೇತದೇವ

ಗೋವಿನ್ದ ದಾಮೋದರ ಮಾಧವೇತಿ ॥ 1

ವಿಕ್ರೇತುಕಾಮಾಖಿಲಗೋಪಕನ್ಯಾ

ಮುರಾರಿಪಾದಾರ್ಪಿತಚಿತ್ತವೃತ್ತಿಃ ।

ದಧ್ಯಾದಿಕಂ ಮೋಹವಶಾದವೋಚತ್

ಗೋವಿನ್ದ ದಾಮೋದರ ಮಾಧವೇತಿ ॥ 2

ಗೃಹೇ ಗೃಹೇ ಗೋಪವಧೂಕದಮ್ಬಾಃ

ಸರ್ವೇ ಮಿಲಿತ್ವಾ ಸಮವಾಪ್ಯ ಯೋಗಮ್ ।

ಪುಣ್ಯಾನಿ ನಾಮಾನಿ ಪಠನ್ತಿ ನಿತ್ಯಂ

ಗೋವಿನ್ದ ದಾಮೋದರ ಮಾಧವೇತಿ ॥ 3

ಸುಖಂ ಶಯಾನಾ ನಿಲಯೇ ನಿಜೇಽಪಿ

ನಾಮಾನಿ ವಿಷ್ಣೋಃ ಪ್ರವದನ್ತಿ ಮರ್ತ್ಯಾಃ ।

ತೇ ನಿಶ್ಚಿತಂ ತನ್ಮಯತಾಂ ವ್ರಜನ್ತಿ

ಗೋವಿನ್ದ ದಾಮೋದರ ಮಾಧವೇತಿ ॥ 4

ಜಿಹ್ವೇ ಸದೈವಂ ಭಜ ಸುನ್ದರಾಣಿ

ನಾಮಾನಿ ಕೃಷ್ಣಸ್ಯ ಮನೋಹರಾಣಿ ।

ಸಮಸ್ತ ಭಕ್ತಾರ್ತಿವಿನಾಶನಾನಿ

ಗೋವಿನ್ದ ದಾಮೋದರ ಮಾಧವೇತಿ ॥ 5

ಸುಖಾವಸಾನೇ ಇದಮೇವ ಸಾರಂ

ದುಃಖಾವಸಾನೇ ಇದಮೇವ ಜ್ಞೇಯಮ್ ।

ದೇಹಾವಸಾನೇ ಇದಮೇವ ಜಾಪ್ಯಂ

ಗೋವಿನ್ದ ದಾಮೋದರ ಮಾಧವೇತಿ ॥ 6

ಜಿಹ್ವೇ ರಸಜ್ಞೇ ಮಧುರಪ್ರಿಯೇ ತ್ವಂ

ಸತ್ಯಂ ಹಿತಂ ತ್ವಾಂ ಪರಮಂ ವದಾಮಿ ।

ಅವರ್ಣಯೇಥಾ ಮಧುರಾಕ್ಷರಾಣಿ

ಗೋವಿನ್ದ ದಾಮೋದರ ಮಾಧವೇತಿ ॥ 7

ತ್ವಾಮೇವ ಯಾಚೇ ಮಮ ದೇಹಿ ಜಿಹ್ವೇ

ಸಮಾಗತೇ ದಣ್ಡಧರೇ ಕೃತಾನ್ತೇ ।

ವಕ್ತವ್ಯಮೇವಂ ಮಧುರಂ ಸುಭಕ್ತ್ಯಾ

ಗೋವಿನ್ದ ದಾಮೋದರ ಮಾಧವೇತಿ ॥ 8

ಶ್ರೀಕೃಷ್ಣ ರಾಧಾವರ ಗೋಕುಲೇಶ

ಗೋಪಾಲ ಗೋವರ್ಧನನಾಥ ವಿಷ್ಣೋ ।

ಜಿಹ್ವೇ ಪಿಬಸ್ವಾಮೃತಮೇತದೇವ

ಗೋವಿನ್ದ ದಾಮೋದರ ಮಾಧವೇತಿ ॥ 9