ഗോദാ ദേവീ അഷ്ടോത്തര ശത സ്തോത്രമ്

ഗോദാ ദേവീ അഷ്ടോത്തര ശത സ്തോത്രമ്

ശ്ലോക 1

ധ്യാനമ് ।

ശതമഖമണി നീലാ ചാരുകല്ഹാരഹസ്താ

സ്തനഭരനമിതാങ്ഗീ സാന്ദ്രവാത്സല്യസിന്ധുഃ ।

അലകവിനിഹിതാഭിഃ സ്രഗ്ഭിരാകൃഷ്ടനാഥാ

വിലസതു ഹൃദി ഗോദാ വിഷ്ണുചിത്താത്മജാ നഃ ॥

അഥ സ്തോത്രമ് ।

ശ്രീരങ്ഗനായകീ ഗോദാ വിഷ്ണുചിത്താത്മജാ സതീ ।

ഗോപീവേഷധരാ ദേവീ ഭൂസുതാ ഭോഗശാലിനീ

ശ്ലോക 2

തുലസീകാനനോദ്ഭൂതാ ശ്രീധന്വിപുരവാസിനീ ।

ഭട്ടനാഥപ്രിയകരീ ശ്രീകൃഷ്ണഹിതഭോഗിനീ

॥ 1 ॥

ശ്ലോക 3

ആമുക്തമാല്യദാ ബാലാ രങ്ഗനാഥപ്രിയാ പരാ ।

വിശ്വമ്ഭരാ കലാലാപാ യതിരാജസഹോദരീ

॥ 2 ॥

ശ്ലോക 4

കൃഷ്ണാനുരക്താ സുഭഗാ സുലഭശ്രീഃ സുലക്ഷണാ ।

ലക്ഷ്മീപ്രിയസഖീ ശ്യാമാ ദയാഞ്ചിതദൃഗഞ്ചലാ

॥ 3 ॥

ശ്ലോക 5

ഫല്ഗുന്യാവിര്ഭവാ രമ്യാ ധനുര്മാസകൃതവ്രതാ ।

ചമ്പകാശോകപുന്നാഗമാലതീവിലസത്കചാ

॥ 4 ॥

ശ്ലോക 6

ആകാരത്രയസമ്പന്നാ നാരായണപദാശ്രിതാ ।

ശ്രീമദഷ്ടാക്ഷരീമന്ത്രരാജസ്ഥിതമനോരഥാ

॥ 5 ॥

ശ്ലോക 7

മോക്ഷപ്രദാനനിപുണാ മനുരത്നാധിദേവതാ ।

ബ്രഹ്മണ്യാ ലോകജനനീ ലീലാമാനുഷരൂപിണീ

॥ 6 ॥

ശ്ലോക 8

ബ്രഹ്മജ്ഞാനപ്രദാ മായാ സച്ചിദാനന്ദവിഗ്രഹാ ।

മഹാപതിവ്രതാ വിഷ്ണുഗുണകീര്തനലോലുപാ

॥ 7 ॥

ശ്ലോക 9

പ്രപന്നാര്തിഹരാ നിത്യാ വേദസൌധവിഹാരിണീ ।

ശ്രീരങ്ഗനാഥമാണിക്യമഞ്ജരീ മഞ്ജുഭാഷിണീ

॥ 8 ॥

ശ്ലോക 10

പദ്മപ്രിയാ പദ്മഹസ്താ വേദാന്തദ്വയബോധിനീ ।

സുപ്രസന്നാ ഭഗവതീ ശ്രീജനാര്ദനദീപികാ

॥ 9 ॥

ശ്ലോക 11

സുഗന്ധാവയവാ ചാരുരങ്ഗമങ്ഗലദീപികാ ।

ധ്വജവജ്രാങ്കുശാബ്ജാങ്കമൃദുപാദലതാഞ്ചിതാ

॥ 10 ॥

ശ്ലോക 12

താരകാകാരനഖരാ പ്രവാലമൃദുലാങ്ഗുലീ ।

കൂര്മോപമേയപാദോര്ധ്വഭാഗാ ശോഭനപാര്ഷ്ണികാ

॥ 11 ॥

ശ്ലോക 13

വേദാര്ഥഭാവതത്ത്വജ്ഞാ ലോകാരാധ്യാങ്ഘ്രിപങ്കജാ ।

ആനന്ദബുദ്ബുദാകാരസുഗുല്ഫാ പരമാണുകാ

॥ 12 ॥

ശ്ലോക 14

തേജഃശ്രിയോജ്ജ്വലധൃതപാദാങ്ഗുലിസുഭൂഷിതാ ।

മീനകേതനതൂണീരചാരുജങ്ഘാവിരാജിതാ

॥ 13 ॥

ശ്ലോക 15

കകുദ്വജ്ജാനുയുഗ്മാഢ്യാ സ്വര്ണരമ്ഭാഭസക്ഥികാ ।

വിശാലജഘനാ പീനസുശ്രോണീ മണിമേഖലാ

॥ 14 ॥

ശ്ലോക 16

ആനന്ദസാഗരാവര്തഗമ്ഭീരാമ്ഭോജനാഭികാ ।

ഭാസ്വദ്വലിത്രികാ ചാരുജഗത്പൂര്ണമഹോദരീ

॥ 15 ॥

ശ്ലോക 17

നവവല്ലീരോമരാജീ സുധാകുമ്ഭായിതസ്തനീ ।

കല്പമാലാനിഭഭുജാ ചന്ദ്രഖണ്ഡനഖാഞ്ചിതാ

॥ 16 ॥

ശ്ലോക 18

സുപ്രവാശാങ്ഗുലീന്യസ്തമഹാരത്നാങ്ഗുലീയകാ ।

നവാരുണപ്രവാലാഭപാണിദേശസമഞ്ചിതാ

॥ 17 ॥

ശ്ലോക 19

കമ്ബുകണ്ഠീ സുചുബുകാ ബിമ്ബോഷ്ഠീ കുന്ദദന്തയുക് ।

കാരുണ്യരസനിഷ്യന്ദനേത്രദ്വയസുശോഭിതാ

॥ 18 ॥

ശ്ലോക 20

മുക്താശുചിസ്മിതാ ചാരുചാമ്പേയനിഭനാസികാ ।

ദര്പണാകാരവിപുലകപോലദ്വിതയാഞ്ചിതാ

॥ 19 ॥

ശ്ലോക 21

അനന്താര്കപ്രകാശോദ്യന്മണിതാടങ്കശോഭിതാ ।

കോടിസൂര്യാഗ്നിസങ്കാശനാനാഭൂഷണഭൂഷിതാ

॥ 20 ॥

ശ്ലോക 22

സുഗന്ധവദനാ സുഭ്രൂ അര്ധചന്ദ്രലലാടികാ ।

പൂര്ണചന്ദ്രാനനാ നീലകുടിലാലകശോഭിതാ

॥ 21 ॥

ശ്ലോക 23

സൌന്ദര്യസീമാ വിലസത്കസ്തൂരീതിലകോജ്ജ്വലാ ।

ധഗദ്ധഗായമാനോദ്യന്മണിസീമന്തഭൂഷണാ

॥ 22 ॥

ശ്ലോക 24

ജാജ്വല്യമാനസദ്രത്നദിവ്യചൂഡാവതംസകാ ।

സൂര്യാര്ധചന്ദ്രവിലസത് ഭൂഷണാഞ്ചിതവേണികാ

॥ 23 ॥

ശ്ലോക 25

അത്യര്കാനലതേജോധിമണികഞ്ചുകധാരിണീ ।

സദ്രത്നാഞ്ചിതവിദ്യോതവിദ്യുത്കുഞ്ജാഭശാടികാ

॥ 24 ॥

ശ്ലോക 26

നാനാമണിഗണാകീര്ണഹേമാങ്ഗദസുഭൂഷിതാ ।

കുങ്കുമാഗരുകസ്തൂരീദിവ്യചന്ദനചര്ചിതാ

॥ 25 ॥

ശ്ലോക 27

സ്വോചിതൌജ്ജ്വല്യവിവിധവിചിത്രമണിഹാരിണീ ।

അസങ്ഖ്യേയസുഖസ്പര്ശസര്വാതിശയഭൂഷണാ

॥ 26 ॥

ശ്ലോക 28

മല്ലികാപാരിജാതാദിദിവ്യപുഷ്പസ്രഗഞ്ചിതാ ।

ശ്രീരങ്ഗനിലയാ പൂജ്യാ ദിവ്യദേശസുശോഭിതാ

॥ 27 ॥

ശ്ലോക 29

ഇതി ശ്രീഗോദാഷ്ടോത്തരശതനാമസ്തോത്രമ് ।