ગોદા દેવી અષ્ટોત્તર શત સ્તોત્રમ્

ગોદા દેવી અષ્ટોત્તર શત સ્તોત્રમ્

શ્લોક 1

ધ્યાનમ્ ।

શતમખમણિ નીલા ચારુકલ્હારહસ્તા

સ્તનભરનમિતાઙ્ગી સાન્દ્રવાત્સલ્યસિન્ધુઃ ।

અલકવિનિહિતાભિઃ સ્રગ્ભિરાકૃષ્ટનાથા

વિલસતુ હૃદિ ગોદા વિષ્ણુચિત્તાત્મજા નઃ ॥

અથ સ્તોત્રમ્ ।

શ્રીરઙ્ગનાયકી ગોદા વિષ્ણુચિત્તાત્મજા સતી ।

ગોપીવેષધરા દેવી ભૂસુતા ભોગશાલિની

શ્લોક 2

તુલસીકાનનોદ્ભૂતા શ્રીધન્વિપુરવાસિની ।

ભટ્ટનાથપ્રિયકરી શ્રીકૃષ્ણહિતભોગિની

॥ 1 ॥

શ્લોક 3

આમુક્તમાલ્યદા બાલા રઙ્ગનાથપ્રિયા પરા ।

વિશ્વમ્ભરા કલાલાપા યતિરાજસહોદરી

॥ 2 ॥

શ્લોક 4

કૃષ્ણાનુરક્તા સુભગા સુલભશ્રીઃ સુલક્ષણા ।

લક્ષ્મીપ્રિયસખી શ્યામા દયાઞ્ચિતદૃગઞ્ચલા

॥ 3 ॥

શ્લોક 5

ફલ્ગુન્યાવિર્ભવા રમ્યા ધનુર્માસકૃતવ્રતા ।

ચમ્પકાશોકપુન્નાગમાલતીવિલસત્કચા

॥ 4 ॥

શ્લોક 6

આકારત્રયસમ્પન્ના નારાયણપદાશ્રિતા ।

શ્રીમદષ્ટાક્ષરીમન્ત્રરાજસ્થિતમનોરથા

॥ 5 ॥

શ્લોક 7

મોક્ષપ્રદાનનિપુણા મનુરત્નાધિદેવતા ।

બ્રહ્મણ્યા લોકજનની લીલામાનુષરૂપિણી

॥ 6 ॥

શ્લોક 8

બ્રહ્મજ્ઞાનપ્રદા માયા સચ્ચિદાનન્દવિગ્રહા ।

મહાપતિવ્રતા વિષ્ણુગુણકીર્તનલોલુપા

॥ 7 ॥

શ્લોક 9

પ્રપન્નાર્તિહરા નિત્યા વેદસૌધવિહારિણી ।

શ્રીરઙ્ગનાથમાણિક્યમઞ્જરી મઞ્જુભાષિણી

॥ 8 ॥

શ્લોક 10

પદ્મપ્રિયા પદ્મહસ્તા વેદાન્તદ્વયબોધિની ।

સુપ્રસન્ના ભગવતી શ્રીજનાર્દનદીપિકા

॥ 9 ॥

શ્લોક 11

સુગન્ધાવયવા ચારુરઙ્ગમઙ્ગલદીપિકા ।

ધ્વજવજ્રાઙ્કુશાબ્જાઙ્કમૃદુપાદલતાઞ્ચિતા

॥ 10 ॥

શ્લોક 12

તારકાકારનખરા પ્રવાલમૃદુલાઙ્ગુલી ।

કૂર્મોપમેયપાદોર્ધ્વભાગા શોભનપાર્ષ્ણિકા

॥ 11 ॥

શ્લોક 13

વેદાર્થભાવતત્ત્વજ્ઞા લોકારાધ્યાઙ્ઘ્રિપઙ્કજા ।

આનન્દબુદ્બુદાકારસુગુલ્ફા પરમાણુકા

॥ 12 ॥

શ્લોક 14

તેજઃશ્રિયોજ્જ્વલધૃતપાદાઙ્ગુલિસુભૂષિતા ।

મીનકેતનતૂણીરચારુજઙ્ઘાવિરાજિતા

॥ 13 ॥

શ્લોક 15

કકુદ્વજ્જાનુયુગ્માઢ્યા સ્વર્ણરમ્ભાભસક્થિકા ।

વિશાલજઘના પીનસુશ્રોણી મણિમેખલા

॥ 14 ॥

શ્લોક 16

આનન્દસાગરાવર્તગમ્ભીરામ્ભોજનાભિકા ।

ભાસ્વદ્વલિત્રિકા ચારુજગત્પૂર્ણમહોદરી

॥ 15 ॥

શ્લોક 17

નવવલ્લીરોમરાજી સુધાકુમ્ભાયિતસ્તની ।

કલ્પમાલાનિભભુજા ચન્દ્રખણ્ડનખાઞ્ચિતા

॥ 16 ॥

શ્લોક 18

સુપ્રવાશાઙ્ગુલીન્યસ્તમહારત્નાઙ્ગુલીયકા ।

નવારુણપ્રવાલાભપાણિદેશસમઞ્ચિતા

॥ 17 ॥

શ્લોક 19

કમ્બુકણ્ઠી સુચુબુકા બિમ્બોષ્ઠી કુન્દદન્તયુક્ ।

કારુણ્યરસનિષ્યન્દનેત્રદ્વયસુશોભિતા

॥ 18 ॥

શ્લોક 20

મુક્તાશુચિસ્મિતા ચારુચામ્પેયનિભનાસિકા ।

દર્પણાકારવિપુલકપોલદ્વિતયાઞ્ચિતા

॥ 19 ॥

શ્લોક 21

અનન્તાર્કપ્રકાશોદ્યન્મણિતાટઙ્કશોભિતા ।

કોટિસૂર્યાગ્નિસઙ્કાશનાનાભૂષણભૂષિતા

॥ 20 ॥

શ્લોક 22

સુગન્ધવદના સુભ્રૂ અર્ધચન્દ્રલલાટિકા ।

પૂર્ણચન્દ્રાનના નીલકુટિલાલકશોભિતા

॥ 21 ॥

શ્લોક 23

સૌન્દર્યસીમા વિલસત્કસ્તૂરીતિલકોજ્જ્વલા ।

ધગદ્ધગાયમાનોદ્યન્મણિસીમન્તભૂષણા

॥ 22 ॥

શ્લોક 24

જાજ્વલ્યમાનસદ્રત્નદિવ્યચૂડાવતંસકા ।

સૂર્યાર્ધચન્દ્રવિલસત્ ભૂષણાઞ્ચિતવેણિકા

॥ 23 ॥

શ્લોક 25

અત્યર્કાનલતેજોધિમણિકઞ્ચુકધારિણી ।

સદ્રત્નાઞ્ચિતવિદ્યોતવિદ્યુત્કુઞ્જાભશાટિકા

॥ 24 ॥

શ્લોક 26

નાનામણિગણાકીર્ણહેમાઙ્ગદસુભૂષિતા ।

કુઙ્કુમાગરુકસ્તૂરીદિવ્યચન્દનચર્ચિતા

॥ 25 ॥

શ્લોક 27

સ્વોચિતૌજ્જ્વલ્યવિવિધવિચિત્રમણિહારિણી ।

અસઙ્ખ્યેયસુખસ્પર્શસર્વાતિશયભૂષણા

॥ 26 ॥

શ્લોક 28

મલ્લિકાપારિજાતાદિદિવ્યપુષ્પસ્રગઞ્ચિતા ।

શ્રીરઙ્ગનિલયા પૂજ્યા દિવ્યદેશસુશોભિતા

॥ 27 ॥

શ્લોક 29

ઇતિ શ્રીગોદાષ્ટોત્તરશતનામસ્તોત્રમ્ ।