ഗങ്ഗാ സ്തോത്രമ്

ഗങ്ഗാ സ്തോത്രമ്

ശ്ലോക 1

ദേവി! സുരേശ്വരി! ഭഗവതി! ഗങ്ഗേ ത്രിഭുവനതാരിണി തരലതരങ്ഗേ ।

ശങ്കരമൌലിവിഹാരിണി വിമലേ മമ മതിരാസ്താം തവ പദകമലേ

ശ്ലോക 2

ഭാഗീരഥിസുഖദായിനി മാതസ്തവ ജലമഹിമാ നിഗമേ ഖ്യാതഃ ।

നാഹം ജാനേ തവ മഹിമാനം പാഹി കൃപാമയി മാമജ്ഞാനമ്

॥ 1 ॥

ശ്ലോക 3

ഹരിപദപാദ്യതരങ്ഗിണി ഗങ്ഗേ ഹിമവിധുമുക്താധവലതരങ്ഗേ ।

ദൂരീകുരു മമ ദുഷ്കൃതിഭാരം കുരു കൃപയാ ഭവസാഗരപാരമ്

॥ 2 ॥

ശ്ലോക 4

തവ ജലമമലം യേന നിപീതം പരമപദം ഖലു തേന ഗൃഹീതമ് ।

മാതര്ഗങ്ഗേ ത്വയി യോ ഭക്തഃ കില തം ദ്രഷ്ടും ന യമഃ ശക്തഃ

॥ 3 ॥

ശ്ലോക 5

പതിതോദ്ധാരിണി ജാഹ്നവി ഗങ്ഗേ ഖണ്ഡിത ഗിരിവരമണ്ഡിത ഭങ്ഗേ ।

ഭീഷ്മജനനി ഹേ മുനിവരകന്യേ പതിതനിവാരിണി ത്രിഭുവന ധന്യേ

॥ 4 ॥

ശ്ലോക 6

കല്പലതാമിവ ഫലദാം ലോകേ പ്രണമതി യസ്ത്വാം ന പതതി ശോകേ ।

പാരാവാരവിഹാരിണി ഗങ്ഗേ വിമുഖയുവതി കൃതതരലാപാങ്ഗേ

॥ 5 ॥

ശ്ലോക 7

തവ ചേന്മാതഃ സ്രോതഃ സ്നാതഃ പുനരപി ജഠരേ സോപി ന ജാതഃ ।

നരകനിവാരിണി ജാഹ്നവി ഗങ്ഗേ കലുഷവിനാശിനി മഹിമോത്തുങ്ഗേ

॥ 6 ॥

ശ്ലോക 8

പുനരസദങ്ഗേ പുണ്യതരങ്ഗേ ജയ ജയ ജാഹ്നവി കരുണാപാങ്ഗേ ।

ഇന്ദ്രമുകുടമണിരാജിതചരണേ സുഖദേ ശുഭദേ ഭൃത്യശരണ്യേ

॥ 7 ॥

ശ്ലോക 9

രോഗം ശോകം താപം പാപം ഹര മേ ഭഗവതി കുമതികലാപമ് ।

ത്രിഭുവനസാരേ വസുധാഹാരേ ത്വമസി ഗതിര്മമ ഖലു സംസാരേ

॥ 8 ॥

ശ്ലോക 10

അലകാനന്ദേ പരമാനന്ദേ കുരു കരുണാമയി കാതരവന്ദ്യേ ।

തവ തടനികടേ യസ്യ നിവാസഃ ഖലു വൈകുണ്ഠേ തസ്യ നിവാസഃ

॥ 9 ॥

ശ്ലോക 11

വരമിഹ നീരേ കമഠോ മീനഃ കിം വാ തീരേ ശരടഃ ക്ഷീണഃ ।

അഥവാശ്വപചോ മലിനോ ദീനസ്തവ ന ഹി ദൂരേ നൃപതികുലീനഃ

॥ 10 ॥

ശ്ലോക 12

ഭോ ഭുവനേശ്വരി പുണ്യേ ധന്യേ ദേവി ദ്രവമയി മുനിവരകന്യേ ।

ഗങ്ഗാസ്തവമിമമമലം നിത്യം പഠതി നരോ യഃ സ ജയതി സത്യമ്

॥ 11 ॥

ശ്ലോക 13

യേഷാം ഹൃദയേ ഗങ്ഗാ ഭക്തിസ്തേഷാം ഭവതി സദാ സുഖമുക്തിഃ ।

മധുരാകന്താ പഞ്ഝടികാഭിഃ പരമാനന്ദകലിതലലിതാഭിഃ

॥ 12 ॥

ശ്ലോക 14

ഗങ്ഗാസ്തോത്രമിദം ഭവസാരം വാഞ്ഛിതഫലദം വിമലം സാരമ് ।

ശങ്കരസേവക ശങ്കര രചിതം പഠതി സുഖീഃ തവ ഇതി ച സമാപ്തഃ

॥ 13 ॥

ശ്ലോക 15