Ekatmata Stotram
ഏകാത്മതാ സ്തോത്രമ്
Ekatmata Stotram
ഏകാത്മതാ സ്തോത്രമ്
ശ്ലോക 1
ഓം സച്ചിദാനന്ദ രൂപായ നമോസ്തു പരമാത്മനേ ।
ജ്യോതിര്മയ സ്വരൂപായ വിശ്വമാങ്ഗല്യമൂര്തയേ ॥
പ്രകൃതിഃ പഞ്ച ഭൂതാനി ഗ്രഹാലോകാഃ സ്വരാ സ്തധാ ।
ദിശഃ കാലശ്ച സര്വേഷാം സദാ കുര്വന്തു മങ്ഗലമ് ॥
രത്നാകരാ ധൌതപദാം ഹിമാലയ കിരീടിനീമ് ।
ബ്രഹ്മരാജര്ഷി രത്നാഢ്യാം വന്ദേ ഭാരത മാതരമ് ॥
മഹേന്ദ്രോ മലയഃ സഹ്യോ ദേവതാത്മാ ഹിമാലയഃ ।
ധ്യേയോ രൈവതകോ വിന്ധ്യോ ഗിരിശ്ചാരാവലിസ്തധാ ॥
ഗങ്ഗാ സരസ്വതീ സിന്ധുര് ബ്രഹ്മപുത്രശ്ച ഗണ്ഡകീ ।
കാവേരീ യമുനാ രേവാ കൃഷ്ണാഗോദാ മഹാനദീ ॥
അയോധ്യാ മധുരാ മായാ കാശീകാഞ്ചീ അവന്തികാ ।
വൈശാലീ ദ്വാരികാ ധ്യേയാ പുരീ തക്ഷശിലാ ഗയാ ॥
പ്രയാഗഃ പാടലീ പുത്രം വിജയാനഗരം മഹത് ।
ഇന്ദ്രപ്രസ്ധം സോമനാധഃ തധാമൃതസരഃ പ്രിയമ് ॥
ചതുര്വേദാഃ പുരാണാനി സര്വോപനിഷദസ്തധാ ।
രാമായണം ഭാരതം ച ഗീതാ ഷഡ്ദര്ശനാനി ച ॥
ജൈനാഗമാ സ്ത്രിപിടകാ ഗുരുഗ്രന്ധഃ സതാം ഗിരഃ ।
ഏഷഃ ജ്ഞാനനിധിഃ ശ്രേഷ്ഠഃ ഹൃദി സര്വദാ ॥
അരുന്ധത്യനസൂയ ച സാവിത്രീ ജാനകീ സതീ ।
ദ്രൌപദീ കണ്ണഗീ ഗാര്ഗീ മീരാ ദുര്ഗാവതീ തധാ ॥
ലക്ഷ്മീ രഹല്യാ ചെന്നമ്മാ രുദ്രമാമ്ബാ സുവിക്രമാ ।
നിവേദിതാ ശാരദാ ച പ്രണമ്യാഃ മാതൃദേവതാഃ ॥
ശ്രീരാമോ ഭരതഃ കൃഷ്ണോ ഭീഷ്മോ ധര്മ സ്തധാര്ജുനഃ ।
മാര്കണ്ഡേയാ ഹരിശ്ചന്ദ്രഃ പ്രഹ്ലാദോ നാരദോ ധ്രുവഃ ॥
ഹനുമാന് ജനകോ വ്യാസോ വശിഷ്ഠശ്ച ശുകോ ബലിഃ ।
ദധീചി വിശ്വകര്മാണൌ പൃധു വാല്മീകി ഭാര്ഗവാഃ ॥
ഭഗീരധശ്ചൈകലവ്യോ മനുര്ധന്വന്തരിസ്തധാ ।
ശിബിശ്ച രന്തിദേവശ്ച പുരാണോദ്ഗീത കീര്തയഃ ॥
ബുദ്ധോജിനേന്ദ്രാ ഗോരക്ഷഃ തിരുവല്ലുവരസ്തധാ ।
നായന്മാരാലവാരാശ്ച കമ്ബശ്ച ബസവേശ്വരഃ ॥
ദേവലോ രവിദാസശ്ച കബീരോ ഗുരുനാനകഃ ।
നരസിസ്തുലസീദാസോ ദശമേശോ ദൃഢവ്രതഃ ॥
ശ്രീമത് ശങ്കരദേവശ്ച ബന്ധൂ സായണമാധവൌ ।
ജ്ഞാനേശ്വര സ്തുകാരാമോ രാമദാസഃ പുരന്ദരഃ ॥
വിരജാ സഹജാനന്ദോ രാമാസന്ദ്സ്തധാ മഹാന് ।
വിതരസ്തു സദൈവൈതേ ദൈവീം സദ്ഗുണ സമ്പദമ് ॥
ഭരതര്ഷിഃ കാലിദാസഃ ശ്രീഭോജോ ജകണസ്തധാ ।
സൂരദാസസ്ത്യാഗരാജോ രസഖാനശ്ച സത്കവിഃ ॥
രവിവര്മാ ഭാരതഖണ്ഡേ ഭാഗ്യചന്ദ്രഃ സ ഭൂപതിഃ ।
കലാവന്തശ്ച വിഖ്യാതാഃ സ്മരണീയ നിരന്തരമ് ॥
അഗസ്ത്യഃ കമ്ബുകൌണ്ഡിന്യൌ രാജേന്ദ്രശ്ചോലവംശജഃ ।
അശോകഃ പുഷ്യമിത്രശ്ച ഖാരവേലാഃ സുനീതിമാന് ॥
ചാണക്യ ചന്ദ്രഗുപ്തൌ ച വിക്രമഃ ശാലിവാഹനഃ ।
സമുദ്ര ഗുപ്തഃ ശ്രീ ഹര്ഷഃശൈലേന്ദ്രോ ബപ്പരാവലഃ ॥
ലാചിത് ഭാസ്കരവര്മാച യശോധര്മാ ച ഹൂണജിത് ।
ശ്രീകൃഷ്ണദേവരായശ്ച ലലിതാദിത്യ ഉദ്ബലഃ ॥
മുസുനൂരി നായകാ തൌ പ്രതാപഃ ശിവഭൂപതിഃ ।
രണജിത് സിംഹ ഇത്യേതേ വീരാ വിഖ്യാത വിക്രമാഃ ॥
വൈജ്ഞാനികാശ്ച കപിലഃ കണാദഃ ശുശ്രത സ്തധാ ।
ചരകോ ഭാസ്കരാചാര്യോ വരാഹമിഹരഃ സുധീഃ ॥
നാഗാര്ജുനോ ഭരദ്വാജഃ ആര്യഭട്ടോ വസുര്ഭുധഃ ।
ധ്യേയോ വേങ്കടരാമശ്ച വിജ്ഞാ രാമാനുജാദയഃ ॥
രാമകൃഷ്ണോ ദയാനന്ദോ രവീന്ദ്രോ രാമമോഹനഃ ।
രാമതീര്ധോ രവിന്ദശ്ച വിവേകാനന്ദ ഉഡ്യശാഃ ॥
ദാദാഭായീ ഗോപബന്ധുഃ തിലകോ ഗാന്ധിരാദൃതാഃ ।
രമണോ മാലവീയശ്ച ശ്രീ സുബ്രഹ്മണ്യ ഭാരതീ ॥
സുഭാഷഃ പ്രണവാനന്ദഃ ക്രാന്തിവീരോ വിനായകഃ ।
ഠക്കരോ ഭീമരാവശ്ച പുലേനാരായണോ ഗുരുഃ ॥
സങ്ഘശക്തിഃ പ്രണേതാരൌ കേശവോ മാധവശ്തധാ ।
സ്മരണീയാ സദൈവൈതേ നവചൈതന്യദായകാഃ ॥
അനുക്താ യേ ഭക്താഃ പ്രഭുചരണ സംസക്ത ഹൃദയാഃ ।
അവിജ്ഞാതാ വീരാഃ അധിസമരമുദ്ധ്വസ്തരിപവഃ ॥
സമാജോദ്ധര്താരഃ സുഹിതകരവിജ്ഞാന നിപുണാഃ ।
നമ സ്തേഭ്യോ ഭൂയാത് സകല സുജനേഭ്യഃ പ്രതിദിനമ് ॥
ഇദമേകാത്മതാസ്തോത്രം ശ്രദ്ധയാ യഃ സദാ പഠേത് ।
സ രാഷ്ട്ര ധര്മ നിഷ്ടാവാന് അഖണ്ഡം ഭാരതം സ്മരേത് ॥