દ્વાદશ જ્યોતિર્લિઙ્ગ સ્તોત્રમ્

દ્વાદશ જ્યોતિર્લિઙ્ગ સ્તોત્રમ્

શ્લોક 1

લઘુ સ્તોત્રમ્

સૌરાષ્ટ્રે સોમનાધઞ્ચ શ્રીશૈલે મલ્લિકાર્જુનમ્ ।

ઉજ્જયિન્યાં મહાકાલં ઓઙ્કારેત્વમામલેશ્વરમ્ ॥

પર્લ્યાં વૈદ્યનાધઞ્ચ ઢાકિન્યાં ભીમ શઙ્કરમ્ ।

સેતુબન્ધેતુ રામેશં નાગેશં દારુકાવને ॥

વારણાશ્યાન્તુ વિશ્વેશં ત્રયમ્બકં ગૌતમીતટે ।

હિમાલયેતુ કેદારં ઘૃષ્ણેશન્તુ વિશાલકે ॥

એતાનિ જ્યોતિર્લિઙ્ગાનિ સાયં પ્રાતઃ પઠેન્નરઃ ।

સપ્ત જન્મ કૃતં પાપં સ્મરણેન વિનશ્યતિ ॥

સમ્પૂર્ણ સ્તોત્રમ્

સૌરાષ્ટ્રદેશે વિશદેઽતિરમ્યે જ્યોતિર્મયં ચન્દ્રકલાવતંસમ્ ।

ભક્તપ્રદાનાય કૃપાવતીર્ણં તં સોમનાથં શરણં પ્રપદ્યે

શ્લોક 2

શ્રીશૈલશૃઙ્ગે વિવિધપ્રસઙ્ગે શેષાદ્રિશૃઙ્ગેઽપિ સદા વસન્તમ્ ।

તમર્જુનં મલ્લિકપૂર્વમેનં નમામિ સંસારસમુદ્રસેતુમ્

॥ 1 ॥

શ્લોક 3

અવન્તિકાયાં વિહિતાવતારં મુક્તિપ્રદાનાય ચ સજ્જનાનામ્ ।

અકાલમૃત્યોઃ પરિરક્ષણાર્થં વન્દે મહાકાલમહાસુરેશમ્

॥ 2 ॥

શ્લોક 4

કાવેરિકાનર્મદયોઃ પવિત્રે સમાગમે સજ્જનતારણાય ।

સદૈવ માન્ધાતૃપુરે વસન્તં ઓઙ્કારમીશં શિવમેકમીડે

॥ 3 ॥

શ્લોક 5

પૂર્વોત્તરે પ્રજ્વલિકાનિધાને સદા વસં તં ગિરિજાસમેતમ્ ।

સુરાસુરારાધિતપાદપદ્મં શ્રીવૈદ્યનાથં તમહં નમામિ

॥ 4 ॥

શ્લોક 6

યં ડાકિનિશાકિનિકાસમાજે નિષેવ્યમાણં પિશિતાશનૈશ્ચ ।

સદૈવ ભીમાદિપદપ્રસિદ્ધં તં શઙ્કરં ભક્તહિતં નમામિ

॥ 5 ॥

શ્લોક 7

શ્રીતામ્રપર્ણીજલરાશિયોગે નિબધ્ય સેતું વિશિખૈરસઙ્ખ્યૈઃ ।

શ્રીરામચન્દ્રેણ સમર્પિતં તં રામેશ્વરાખ્યં નિયતં નમામિ

॥ 6 ॥

શ્લોક 8

યામ્યે સદઙ્ગે નગરેઽતિરમ્યે વિભૂષિતાઙ્ગં વિવિધૈશ્ચ ભોગૈઃ ।

સદ્ભક્તિમુક્તિપ્રદમીશમેકં શ્રીનાગનાથં શરણં પ્રપદ્યે

॥ 7 ॥

શ્લોક 9

સાનન્દમાનન્દવને વસન્તં આનન્દકન્દં હતપાપબૃન્દમ્ ।

વારાણસીનાથમનાથનાથં શ્રીવિશ્વનાથં શરણં પ્રપદ્યે

॥ 8 ॥

શ્લોક 10

સહ્યાદ્રિશીર્ષે વિમલે વસન્તં ગોદાવરિતીરપવિત્રદેશે ।

યદ્દર્શનાત્ પાતકં પાશુ નાશં પ્રયાતિ તં ત્ર્યમ્બકમીશમીડે

॥ 9 ॥

શ્લોક 11

મહાદ્રિપાર્શ્વે ચ તટે રમન્તં સમ્પૂજ્યમાનં સતતં મુનીન્દ્રૈઃ ।

સુરાસુરૈર્યક્ષ મહોરગાઢ્યૈઃ કેદારમીશં શિવમેકમીડે

॥ 10 ॥

શ્લોક 12

ઇલાપુરે રમ્યવિશાલકેઽસ્મિન્ સમુલ્લસન્તં ચ જગદ્વરેણ્યમ્ ।

વન્દે મહોદારતરસ્વભાવં ઘૃષ્ણેશ્વરાખ્યં શરણં પ્રપદ્યે

॥ 11 ॥

શ્લોક 13

જ્યોતિર્મયદ્વાદશલિઙ્ગકાનાં શિવાત્મનાં પ્રોક્તમિદં ક્રમેણ ।

સ્તોત્રં પઠિત્વા મનુજોઽતિભક્ત્યા ફલં તદાલોક્ય નિજં ભજેચ્ચ ॥