દ્વાદશ આર્ય સ્તુતિ

દ્વાદશ આર્ય સ્તુતિ

શ્લોક 1

ઉદ્યન્નદ્યવિવસ્વાનારોહન્નુત્તરાં દિવં દેવઃ ।

હૃદ્રોગં મમ સૂર્યો હરિમાણં ચાઽઽશુ નાશયતુ

શ્લોક 2

નિમિષાર્ધેનૈકેન દ્વે ચ શતે દ્વે સહસ્રે દ્વે ।

ક્રમમાણ યોજનાનાં નમોઽસ્તુ તે નલિનનાથાય

॥ 1 ॥

શ્લોક 3

કર્મજ્ઞાનખદશકં મનશ્ચ જીવ ઇતિ વિશ્વસર્ગાય ।

દ્વાદશધા યો વિચરતિ સ દ્વાદશમૂર્તિરસ્તુ મોદાય

॥ 2 ॥

શ્લોક 4

ત્વં હિ યજૂઋક્સામઃ ત્વમાગમસ્ત્વં વષટ્કારઃ ।

ત્વં વિશ્વં ત્વં હંસઃ ત્વં ભાનો પરમહંસશ્ચ

॥ 3 ॥

શ્લોક 5

શિવરૂપાત્ જ્ઞાનમહં ત્વત્તો મુક્તિં જનાર્દનાકારાત્ ।

શિખિરૂપાદૈશ્વર્યં ત્વત્તશ્ચારોગ્યમિચ્છામિ

॥ 4 ॥

શ્લોક 6

ત્વચિ દોષા દૃશિ દોષાઃ હૃદિ દોષા યેઽખિલેન્દ્રિયજદોષાઃ ।

તાન્ પૂષા હતદોષઃ કિઞ્ચિદ્રોષાગ્નિના દહતુ

॥ 5 ॥

શ્લોક 7

ધર્માર્થકામમોક્ષપ્રતિરોધાનુગ્રતાપવેગકરાન્ ।

બન્દીકૃતેન્દ્રિયગણાન્ ગદાન્ વિખણ્ડયતુ ચણ્ડાંશુઃ

॥ 6 ॥

શ્લોક 8

યેન વિનેદં તિમિરં જગદેત્ય ગ્રસતિ ચરમચરમખિલમ્ ।

ધૃતબોધં તં નલિનીભર્તારં હર્તારમાપદામીડે

॥ 7 ॥

શ્લોક 9

યસ્ય સહસ્રાભીશોરભીશુ લેશો હિમાંશુબિમ્બગતઃ ।

ભાસયતિ નક્તમખિલં ભેદયતુ વિપદ્ગણાનરુણઃ

॥ 8 ॥

શ્લોક 10

તિમિરમિવ નેત્રતિમિરં પટલમિવાઽશેષરોગપટલં નઃ ।

કાશમિવાધિનિકાયં કાલપિતા રોગયુક્તતાં હરતાત્

॥ 9 ॥

શ્લોક 11

વાતાશ્મરીગદાર્શસ્ત્વગ્દોષમહોદરપ્રમેહાંશ્ચ ।

ગ્રહણીભગન્ધરાખ્યા મહતીસ્ત્વં મે રુજો હંસિ

॥ 10 ॥

શ્લોક 12

ત્વં માતા ત્વં શરણં ત્વં ધાતા ત્વં ધનં ત્વમાચાર્યઃ ।

ત્વં ત્રાતા ત્વં હર્તા વિપદામર્ક પ્રસીદ મમ ભાનો

॥ 11 ॥

શ્લોક 13

ઇત્યાર્યાદ્વાદશકં સામ્બસ્ય પુરો નભઃસ્થલાત્પતિતમ્ ।

પઠતાં ભાગ્યસમૃદ્ધિઃ સમસ્તરોગક્ષયશ્ચ સ્યાત્

॥ 12 ॥

શ્લોક 14

ઇતિ શ્રીસામ્બકૃતદ્વાદશાર્યાસૂર્યસ્તુતિઃ ।