ദുര്ഗാ കവചമ് (ബ്രഹ്മാണ്ഡ പുരാണമ്)

ദുര്ഗാ കവചമ് (ബ്രഹ്മാണ്ഡ പുരാണമ്)

ശ്ലോക 1

നാരായണ ഉവാച ।

ഓം ദുര്ഗേതി ചതുര്ഥ്യന്തഃ സ്വാഹാന്തോ മേ ശിരോഽവതു ।

മന്ത്രഃ ഷഡക്ഷരോഽയം ച ഭക്താനാം കല്പപാദപഃ

ശ്ലോക 2

വിചാരോ നാസ്തി വേദേഷു ഗ്രഹണേഽസ്യ മനോര്മുനേ ।

മന്ത്രഗ്രഹണമാത്രേണ വിഷ്ണുതുല്യോ ഭവേന്നരഃ

॥ 1 ॥

ശ്ലോക 3

മമ വക്ത്രം സദാ പാതു ഓം ദുര്ഗായൈ നമോഽന്തതഃ ।

ഓം ദുര്ഗേ രക്ഷയതി ച കണ്ഠം പാതു സദാ മമ

॥ 2 ॥

ശ്ലോക 4

ഓം ഹ്രീം ശ്രീമിതി മന്ത്രോഽയം സ്കന്ധം പാതു നിരന്തരമ് ।

ഹ്രീം ശ്രീം ക്ലീമിതി പൃഷ്ഠം ച പാതു മേ സര്വതഃ സദാ

॥ 3 ॥

ശ്ലോക 5

ഹ്രീം മേ വക്ഷഃസ്ഥലം പാതു ഹസ്തം ശ്രീമിതി സന്തതമ് ।

ശ്രീം ഹ്രീം ക്ലീം പാതു സര്വാങ്ഗം സ്വപ്നേ ജാഗരണേ തഥാ

॥ 4 ॥

ശ്ലോക 6

പ്രാച്യാം മാം പ്രകൃതിഃ പാതുഃ പാതു വഹ്നൌ ച ചണ്ഡികാ ।

ദക്ഷിണേ ഭദ്രകാലീ ച നൈരൃത്യാം ച മഹേശ്വരീ

॥ 5 ॥

ശ്ലോക 7

വാരുണ്യാം പാതു വാരാഹീ വായവ്യാം സര്വമങ്ഗലാ ।

ഉത്തരേ വൈഷ്ണവീ പാതു തഥൈശാന്യാം ശിവപ്രിയാ

॥ 6 ॥

ശ്ലോക 8

ജലേ സ്ഥലേ ചാന്തരിക്ഷേ പാതു മാം ജഗദമ്ബികാ ।

ഇതി തേ കഥിതം വത്സ കവചം ച സുദുര്ലഭമ്

॥ 7 ॥

ശ്ലോക 9

യസ്മൈ കസ്മൈ ന ദാതവ്യം പ്രവക്തവ്യം ന കസ്യചിത് ।

ഗുരുമഭ്യര്ച്യ വിധിവദ്വസ്ത്രാലങ്കാരചന്ദനൈഃ ।

കവചം ധാരയേദ്യസ്തു സോഽപി വിഷ്ണുര്ന സംശയഃ

॥ 8 ॥

ശ്ലോക 10

ഇതി ശ്രീബ്രഹ്മവൈവര്തേ മഹാപുരാണേ പ്രകൃതിഖണ്ഡേ നാരദനാരായണസംവാദേ ദുര്ഗോപാഖ്യാനേ സപ്തഷഷ്ടിതമോഽധ്യായേ ബ്രഹ്മാണ്ഡമോഹനം നാമ ശ്രീ ദുര്ഗാ കവചമ് ।