శ్రీ దుర్గా ఆపదుద్ధారక స్తోత్రమ్

శ్రీ దుర్గా ఆపదుద్ధారక స్తోత్రమ్

శ్లోక 1

నమస్తే శరణ్యే శివే సానుకమ్పే

నమస్తే జగద్వ్యాపికే విశ్వరూపే ।

నమస్తే జగద్వన్ద్యపాదారవిన్దే

నమస్తే జగత్తారిణి త్రాహి దుర్గే

శ్లోక 2

నమస్తే జగచ్చిన్త్యమానస్వరూపే

నమస్తే మహాయోగివిజ్ఞానరూపే ।

నమస్తే నమస్తే సదానన్దరూపే

నమస్తే జగత్తారిణి త్రాహి దుర్గే

॥ 1 ॥

శ్లోక 3

అనాథస్య దీనస్య తృష్ణాతురస్య

భయార్తస్య భీతస్య బద్ధస్య జన్తోః ।

త్వమేకా గతిర్దేవి నిస్తారకర్త్రీ

నమస్తే జగత్తారిణి త్రాహి దుర్గే

॥ 2 ॥

శ్లోక 4

అరణ్యే రణే దారుణే శత్రుమధ్యే-

ఽనలే సాగరే ప్రాన్తరే రాజగేహే ।

త్వమేకా గతిర్దేవి నిస్తారనౌకా

నమస్తే జగత్తారిణి త్రాహి దుర్గే

॥ 3 ॥

శ్లోక 5

అపారే మహాదుస్తరేఽత్యన్తఘోరే

విపత్సాగరే మజ్జతాం దేహభాజామ్ ।

త్వమేకా గతిర్దేవి నిస్తారహేతు-

ర్నమస్తే జగత్తారిణి త్రాహి దుర్గే

॥ 4 ॥

శ్లోక 6

నమశ్చణ్డికే చణ్డదుర్దణ్డలీలా-

సముత్ఖణ్డితా ఖణ్డితాఽశేషశత్రోః ।

త్వమేకా గతిర్దేవి నిస్తారబీజం

నమస్తే జగత్తారిణి త్రాహి దుర్గే

॥ 5 ॥

శ్లోక 7

త్వమేకా సదారాధితా సత్యవాది-

న్యనేకాఖిలా క్రోధనా క్రోధనిష్ఠా ।

ఇడా పిఙ్గలా త్వం సుషుమ్నా చ నాడీ

నమస్తే జగత్తారిణి త్రాహి దుర్గే

॥ 6 ॥

శ్లోక 8

నమో దేవి దుర్గే శివే భీమనాదే

సదాసర్వసిద్ధిప్రదాతృస్వరూపే ।

విభూతిః శచీ కాలరాత్రిః సతీ త్వం

నమస్తే జగత్తారిణి త్రాహి దుర్గే

॥ 7 ॥

శ్లోక 9

శరణమసి సురాణాం సిద్ధవిద్యాధరాణాం

మునిమనుజపశూనాం దస్యుభిస్త్రాసితానాం

నృపతిగృహగతానాం వ్యాధిభిః పీడితానామ్ ।

త్వమసి శరణమేకా దేవి దుర్గే ప్రసీద

॥ 8 ॥

శ్లోక 10

ఇదం స్తోత్రం మయా ప్రోక్తమాపదుద్ధారహేతుకమ్ ।

త్రిసన్ధ్యమేకసన్ధ్యం వా పఠనాద్ఘోరసఙ్కటాత్

॥ 9 ॥

శ్లోక 11

ముచ్యతే నాత్ర సన్దేహో భువి స్వర్గే రసాతలే ।

సర్వం వా శ్లోకమేకం వా యః పఠేద్భక్తిమాన్సదా

॥ 10 ॥

శ్లోక 12

స సర్వం దుష్కృతం త్యక్త్వా ప్రాప్నోతి పరమం పదమ్ ।

పఠనాదస్య దేవేశి కిం న సిద్ధ్యతి భూతలే ।

స్తవరాజమిదం దేవి సఙ్క్షేపాత్కథితం మయా ॥ 12

ఇతి శ్రీ సిద్ధేశ్వరీతన్త్రే పరమశివోక్త శ్రీ దుర్గా ఆపదుద్ధార స్తోత్రమ్ ।