શ્રી દુર્ગા આપદુદ્ધારક સ્તોત્રમ્

શ્રી દુર્ગા આપદુદ્ધારક સ્તોત્રમ્

શ્લોક 1

નમસ્તે શરણ્યે શિવે સાનુકમ્પે

નમસ્તે જગદ્વ્યાપિકે વિશ્વરૂપે ।

નમસ્તે જગદ્વન્દ્યપાદારવિન્દે

નમસ્તે જગત્તારિણિ ત્રાહિ દુર્ગે

શ્લોક 2

નમસ્તે જગચ્ચિન્ત્યમાનસ્વરૂપે

નમસ્તે મહાયોગિવિજ્ઞાનરૂપે ।

નમસ્તે નમસ્તે સદાનન્દરૂપે

નમસ્તે જગત્તારિણિ ત્રાહિ દુર્ગે

॥ 1 ॥

શ્લોક 3

અનાથસ્ય દીનસ્ય તૃષ્ણાતુરસ્ય

ભયાર્તસ્ય ભીતસ્ય બદ્ધસ્ય જન્તોઃ ।

ત્વમેકા ગતિર્દેવિ નિસ્તારકર્ત્રી

નમસ્તે જગત્તારિણિ ત્રાહિ દુર્ગે

॥ 2 ॥

શ્લોક 4

અરણ્યે રણે દારુણે શત્રુમધ્યે-

ઽનલે સાગરે પ્રાન્તરે રાજગેહે ।

ત્વમેકા ગતિર્દેવિ નિસ્તારનૌકા

નમસ્તે જગત્તારિણિ ત્રાહિ દુર્ગે

॥ 3 ॥

શ્લોક 5

અપારે મહાદુસ્તરેઽત્યન્તઘોરે

વિપત્સાગરે મજ્જતાં દેહભાજામ્ ।

ત્વમેકા ગતિર્દેવિ નિસ્તારહેતુ-

ર્નમસ્તે જગત્તારિણિ ત્રાહિ દુર્ગે

॥ 4 ॥

શ્લોક 6

નમશ્ચણ્ડિકે ચણ્ડદુર્દણ્ડલીલા-

સમુત્ખણ્ડિતા ખણ્ડિતાઽશેષશત્રોઃ ।

ત્વમેકા ગતિર્દેવિ નિસ્તારબીજં

નમસ્તે જગત્તારિણિ ત્રાહિ દુર્ગે

॥ 5 ॥

શ્લોક 7

ત્વમેકા સદારાધિતા સત્યવાદિ-

ન્યનેકાખિલા ક્રોધના ક્રોધનિષ્ઠા ।

ઇડા પિઙ્ગલા ત્વં સુષુમ્ના ચ નાડી

નમસ્તે જગત્તારિણિ ત્રાહિ દુર્ગે

॥ 6 ॥

શ્લોક 8

નમો દેવિ દુર્ગે શિવે ભીમનાદે

સદાસર્વસિદ્ધિપ્રદાતૃસ્વરૂપે ।

વિભૂતિઃ શચી કાલરાત્રિઃ સતી ત્વં

નમસ્તે જગત્તારિણિ ત્રાહિ દુર્ગે

॥ 7 ॥

શ્લોક 9

શરણમસિ સુરાણાં સિદ્ધવિદ્યાધરાણાં

મુનિમનુજપશૂનાં દસ્યુભિસ્ત્રાસિતાનાં

નૃપતિગૃહગતાનાં વ્યાધિભિઃ પીડિતાનામ્ ।

ત્વમસિ શરણમેકા દેવિ દુર્ગે પ્રસીદ

॥ 8 ॥

શ્લોક 10

ઇદં સ્તોત્રં મયા પ્રોક્તમાપદુદ્ધારહેતુકમ્ ।

ત્રિસન્ધ્યમેકસન્ધ્યં વા પઠનાદ્ઘોરસઙ્કટાત્

॥ 9 ॥

શ્લોક 11

મુચ્યતે નાત્ર સન્દેહો ભુવિ સ્વર્ગે રસાતલે ।

સર્વં વા શ્લોકમેકં વા યઃ પઠેદ્ભક્તિમાન્સદા

॥ 10 ॥

શ્લોક 12

સ સર્વં દુષ્કૃતં ત્યક્ત્વા પ્રાપ્નોતિ પરમં પદમ્ ।

પઠનાદસ્ય દેવેશિ કિં ન સિદ્ધ્યતિ ભૂતલે ।

સ્તવરાજમિદં દેવિ સઙ્ક્ષેપાત્કથિતં મયા ॥ 12

ઇતિ શ્રી સિદ્ધેશ્વરીતન્ત્રે પરમશિવોક્ત શ્રી દુર્ગા આપદુદ્ધાર સ્તોત્રમ્ ।