ధన్యాష్టకమ్

ధన్యాష్టకమ్

శ్లోక 1

(ప్రహర్షణీవృత్తమ్ -)

తజ్జ్ఞానం ప్రశమకరం యదిన్ద్రియాణాం

తజ్జ్ఞేయం యదుపనిషత్సు నిశ్చితార్థమ్ ।

తే ధన్యా భువి పరమార్థనిశ్చితేహాః

శేషాస్తు భ్రమనిలయే పరిభ్రమన్తః

శ్లోక 2

(వసన్తతిలకావృత్తమ్ -)

ఆదౌ విజిత్య విషయాన్మదమోహరాగ-

ద్వేషాదిశత్రుగణమాహృతయోగరాజ్యాః ।

జ్ఞాత్వా మతం సమనుభూయపరాత్మవిద్యా-

కాన్తాసుఖం వనగృహే విచరన్తి ధన్యాః

॥ 1॥

శ్లోక 3

త్యక్త్వా గృహే రతిమధోగతిహేతుభూతామ్

ఆత్మేచ్ఛయోపనిషదర్థరసం పిబన్తః ।

వీతస్పృహా విషయభోగపదే విరక్తా

ధన్యాశ్చరన్తి విజనేషు విరక్తసఙ్గాః

॥ 2॥

శ్లోక 4

త్యక్త్వా మమాహమితి బన్ధకరే పదే ద్వే

మానావమానసదృశాః సమదర్శినశ్చ ।

కర్తారమన్యమవగమ్య తదర్పితాని

కుర్వన్తి కర్మపరిపాకఫలాని ధన్యాః

॥ 3॥

శ్లోక 5

త్యక్త్వీషణాత్రయమవేక్షితమోక్షమర్గా

భైక్షామృతేన పరికల్పితదేహయాత్రాః ।

జ్యోతిః పరాత్పరతరం పరమాత్మసఞ్జ్ఞం

ధన్యా ద్విజారహసి హృద్యవలోకయన్తి

॥ 4॥

శ్లోక 6

నాసన్న సన్న సదసన్న మహసన్నచాణు

న స్త్రీ పుమాన్న చ నపుంసకమేకబీజమ్ ।

యైర్బ్రహ్మ తత్సమముపాసితమేకచిత్తైః

ధన్యా విరేజురిత్తరేభవపాశబద్ధాః

॥ 5॥

శ్లోక 7

అజ్ఞానపఙ్కపరిమగ్నమపేతసారం

దుఃఖాలయం మరణజన్మజరావసక్తమ్ ।

సంసారబన్ధనమనిత్యమవేక్ష్య ధన్యా

జ్ఞానాసినా తదవశీర్య వినిశ్చయన్తి

॥ 6॥

శ్లోక 8

శాన్తైరనన్యమతిభిర్మధురస్వభావైః

ఏకత్వనిశ్చితమనోభిరపేతమోహైః ।

సాకం వనేషు విజితాత్మపదస్వరుపం

తద్వస్తు సమ్యగనిశం విమృశన్తి ధన్యాః

॥ 7॥

శ్లోక 9

(మాలినీవృత్తమ్ -)

అహిమివ జనయోగం సర్వదా వర్జయేద్యః

కుణపమివ సునారీం త్యక్తుకామో విరాగీ ।

విషమివ విషయాన్యో మన్యమానో దురన్తాన్

జయతి పరమహంసో ముక్తిభావం సమేతి

॥ 8॥

శ్లోక 10

(శార్దూలవిక్రీడితవృత్తమ్ -)

సమ్పూర్ణం జగదేవ నన్దనవనం సర్వేఽపి కల్పద్రుమా

గాఙ్గం వరి సమస్తవారినివహః పుణ్యాః సమస్తాః క్రియాః ।

వాచః ప్రాకృతసంస్కృతాః శ్రుతిశిరోవారాణసీ మేదినీ

సర్వావస్థితిరస్య వస్తువిషయా దృష్టే పరబ్రహ్మణి

॥ 9॥

శ్లోక 11

॥ ఇతి శ్రీమద్ శఙ్కరాచార్యవిరచితం ధన్యాష్టకం సమాప్తమ్ ॥