దేవీ మాహాత్మ్యం దుర్గా సప్తశతి అష్టమోఽధ్యాయః

దేవీ మాహాత్మ్యం దుర్గా సప్తశతి అష్టమోఽధ్యాయః

శ్లోక 1

రక్తబీజవధో నామ అష్టమోధ్యాయ ॥

ధ్యానం

అరుణాం కరుణా తరఙ్గితాక్షీం ధృతపాశాఙ్కుశ పుష్పబాణచాపామ్ ।

అణిమాధిభిరావృతాం మయూఖై రహమిత్యేవ విభావయే భవానీమ్ ॥

ఋషిరువాచ

శ్లోక 2

చణ్డే చ నిహతే దైత్యే ముణ్డే చ వినిపాతితే ।

బహులేషు చ సైన్యేషు క్షయితేష్వసురేశ్వరః

॥1॥

శ్లోక 3

తతః కోపపరాధీనచేతాః శుమ్భః ప్రతాపవాన్ ।

ఉద్యోగం సర్వ సైన్యానాం దైత్యానామాదిదేశ హ

॥ 2 ॥

శ్లోక 4

అద్య సర్వ బలైర్దైత్యాః షడశీతిరుదాయుధాః ।

కమ్బూనాం చతురశీతిర్నిర్యాన్తు స్వబలైర్వృతాః

॥3॥

శ్లోక 5

కోటివీర్యాణి పఞ్చాశదసురాణాం కులాని వై ।

శతం కులాని ధౌమ్రాణాం నిర్గచ్ఛన్తు మమాజ్ఞయా

॥4॥

శ్లోక 6

కాలకా దౌర్హృదా మౌర్వాః కాలికేయాస్తథాసురాః ।

యుద్ధాయ సజ్జా నిర్యాన్తు ఆజ్ఞయా త్వరితా మమ

॥5॥

శ్లోక 7

ఇత్యాజ్ఞాప్యాసురాపతిః శుమ్భో భైరవశాసనః ।

నిర్జగామ మహాసైన్యసహస్త్రైర్భహుభిర్వృతః

॥6॥

శ్లోక 8

ఆయాన్తం చణ్డికా దృష్ట్వా తత్సైన్యమతిభీషణమ్ ।

జ్యాస్వనైః పూరయామాస ధరణీగగనాన్తరమ్

॥7॥

శ్లోక 9

తతఃసింహొ మహానాదమతీవ కృతవాన్నృప ।

ఘణ్టాస్వనేన తాన్నాదానమ్బికా చోపబృంహయత్

॥8॥

శ్లోక 10

ధనుర్జ్యాసింహఘణ్టానాం నాదాపూరితదిఙ్ముఖా ।

నినాదైర్భీషణైః కాలీ జిగ్యే విస్తారితాననా

॥9॥

శ్లోక 11

తం నినాదముపశ్రుత్య దైత్య సైన్యైశ్చతుర్దిశమ్ ।

దేవీ సింహస్తథా కాలీ సరోషైః పరివారితాః

॥10॥

శ్లోక 12

ఏతస్మిన్నన్తరే భూప వినాశాయ సురద్విషామ్ ।

భవాయామరసింహనామతివీర్యబలాన్వితాః

॥11॥

శ్లోక 13

బ్రహ్మేశగుహవిష్ణూనాం తథేన్ద్రస్య చ శక్తయః ।

శరీరేభ్యోవినిష్క్రమ్య తద్రూపైశ్చణ్డికాం యయుః

॥12॥

శ్లోక 14

యస్య దేవస్య యద్రూపం యథా భూషణవాహనమ్ ।

తద్వదేవ హి తచ్చక్తిరసురాన్యోద్ధుమాయమౌ

॥13॥

శ్లోక 15

హంసయుక్తవిమానాగ్రే సాక్షసూత్రక మణ్డలుః ।

ఆయాతా బ్రహ్మణః శక్తిబ్రహ్మాణీ త్యభిధీయతే

॥14॥

శ్లోక 16

మహేశ్వరీ వృషారూఢా త్రిశూలవరధారిణీ ।

మహాహివలయా ప్రాప్తాచన్ద్రరేఖావిభూషణా

॥15॥

శ్లోక 17

కౌమారీ శక్తిహస్తా చ మయూరవరవాహనా ।

యోద్ధుమభ్యాయయౌ దైత్యానమ్బికా గుహరూపిణీ

॥16॥

శ్లోక 18

తథైవ వైష్ణవీ శక్తిర్గరుడోపరి సంస్థితా ।

శఙ్ఖచక్రగధాశాఙ్ఖర్ ఖడ్గహస్తాభ్యుపాయయౌ

॥17॥

శ్లోక 19

యజ్ఞవారాహమతులం రూపం యా భిభ్రతో హరేః ।

శక్తిః సాప్యాయయౌ తత్ర వారాహీం బిభ్రతీ తనుమ్

॥18॥

శ్లోక 20

నారసింహీ నృసింహస్య బిభ్రతీ సదృశం వపుః ।

ప్రాప్తా తత్ర సటాక్షేపక్షిప్తనక్షత్ర సంహతిః

॥19॥

శ్లోక 21

వజ్ర హస్తా తథైవైన్ద్రీ గజరాజో పరిస్థితా ।

ప్రాప్తా సహస్ర నయనా యథా శక్రస్తథైవ సా

॥20॥

శ్లోక 22

తతః పరివృత్తస్తాభిరీశానో దేవ శక్తిభిః ।

హన్యన్తామసురాః శీఘ్రం మమ ప్రీత్యాహ చణ్డికాం

॥21॥

శ్లోక 23

తతో దేవీ శరీరాత్తు వినిష్క్రాన్తాతిభీషణా ।

చణ్డికా శక్తిరత్యుగ్రా శివాశతనినాదినీ

॥22॥

శ్లోక 24

సా చాహ ధూమ్రజటిలం ఈశానమపరాజితా ।

దూతత్వం గచ్ఛ భగవన్ పార్శ్వం శుమ్భనిశుమ్భయోః

॥23॥

శ్లోక 25

బ్రూహి శుమ్భం నిశుమ్భం చ దానవావతిగర్వితౌ ।

యే చాన్యే దానవాస్తత్ర యుద్ధాయ సముపస్థితాః

॥24॥

శ్లోక 26

త్రైలోక్యమిన్ద్రో లభతాం దేవాః సన్తు హవిర్భుజః ।

యూయం ప్రయాత పాతాలం యది జీవితుమిచ్ఛథ

॥25॥

శ్లోక 27

బలావలేపాదథ చేద్భవన్తో యుద్ధకాఙ్క్షిణః ।

తదా గచ్ఛత తృప్యన్తు మచ్ఛివాః పిశితేన వః

॥26॥

శ్లోక 28

యతో నియుక్తో దౌత్యేన తయా దేవ్యా శివః స్వయమ్ ।

శివదూతీతి లోకేఽస్మింస్తతః సా ఖ్యాతి మాగతా

॥27॥

శ్లోక 29

తేఽపి శ్రుత్వా వచో దేవ్యాః శర్వాఖ్యాతం మహాసురాః ।

అమర్షాపూరితా జగ్ముర్యత్ర కాత్యాయనీ స్థితా

॥28॥

శ్లోక 30

తతః ప్రథమమేవాగ్రే శరశక్త్యృష్టివృష్టిభిః ।

వవర్షురుద్ధతామర్షాః స్తాం దేవీమమరారయః

॥29॥

శ్లోక 31

సా చ తాన్ ప్రహితాన్ బాణాన్ ఞ్ఛూలశక్తిపరశ్వధాన్ ।

చిచ్ఛేద లీలయాధ్మాతధనుర్ముక్తైర్మహేషుభిః

॥30॥

శ్లోక 32

తస్యాగ్రతస్తథా కాలీ శూలపాతవిదారితాన్ ।

ఖట్వాఙ్గపోథితాంశ్చారీన్కుర్వన్తీ వ్యచరత్తదా

॥31॥

శ్లోక 33

కమణ్డలుజలాక్షేపహతవీర్యాన్ హతౌజసః ।

బ్రహ్మాణీ చాకరోచ్ఛత్రూన్యేన యేన స్మ ధావతి

॥32॥

శ్లోక 34

మాహేశ్వరీ త్రిశూలేన తథా చక్రేణ వైష్ణవీ ।

దైత్యాఙ్జఘాన కౌమారీ తథా శత్యాతి కోపనా

॥33॥

శ్లోక 35

ఐన్ద్రీ కులిశపాతేన శతశో దైత్యదానవాః ।

పేతుర్విదారితాః పృథ్వ్యాం రుధిరౌఘప్రవర్షిణః

॥34॥

శ్లోక 36

తుణ్డప్రహారవిధ్వస్తా దంష్ట్రా గ్రక్షత వక్షసః ।

వారాహమూర్త్యా న్యపతంశ్చక్రేణ చ విదారితాః

॥35॥

శ్లోక 37

నఖైర్విదారితాంశ్చాన్యాన్ భక్షయన్తీ మహాసురాన్ ।

నారసింహీ చచారాజౌ నాదా పూర్ణదిగమ్బరా

॥36॥

శ్లోక 38

చణ్డాట్టహాసైరసురాః శివదూత్యభిదూషితాః ।

పేతుః పృథివ్యాం పతితాంస్తాంశ్చఖాదాథ సా తదా

॥37॥

శ్లోక 39

ఇతి మాతృ గణం క్రుద్ధం మర్ద యన్తం మహాసురాన్ ।

దృష్ట్వాభ్యుపాయైర్వివిధైర్నేశుర్దేవారిసైనికాః

॥38॥

శ్లోక 40

పలాయనపరాన్దృష్ట్వా దైత్యాన్మాతృగణార్దితాన్ ।

యోద్ధుమభ్యాయయౌ క్రుద్ధో రక్తబీజో మహాసురః

॥39॥

శ్లోక 41

రక్తబిన్దుర్యదా భూమౌ పతత్యస్య శరీరతః ।

సముత్పతతి మేదిన్యాం తత్ప్రమాణో మహాసురః

॥40॥

శ్లోక 42

యుయుధే స గదాపాణిరిన్ద్రశక్త్యా మహాసురః ।

తతశ్చైన్ద్రీ స్వవజ్రేణ రక్తబీజమతాడయత్

॥41॥

శ్లోక 43

కులిశేనాహతస్యాశు బహు సుస్రావ శోణితమ్ ।

సముత్తస్థుస్తతో యోధాస్తద్రపాస్తత్పరాక్రమాః

॥42॥

శ్లోక 44

యావన్తః పతితాస్తస్య శరీరాద్రక్తబిన్దవః ।

తావన్తః పురుషా జాతాః స్తద్వీర్యబలవిక్రమాః

॥43॥

శ్లోక 45

తే చాపి యుయుధుస్తత్ర పురుషా రక్త సమ్భవాః ।

సమం మాతృభిరత్యుగ్రశస్త్రపాతాతిభీషణం

॥44॥

శ్లోక 46

పునశ్చ వజ్ర పాతేన క్షత మశ్య శిరో యదా ।

వవాహ రక్తం పురుషాస్తతో జాతాః సహస్రశః

॥45॥

శ్లోక 47

వైష్ణవీ సమరే చైనం చక్రేణాభిజఘాన హ ।

గదయా తాడయామాస ఐన్ద్రీ తమసురేశ్వరమ్

॥46॥

శ్లోక 48

వైష్ణవీ చక్రభిన్నస్య రుధిరస్రావ సమ్భవైః ।

సహస్రశో జగద్వ్యాప్తం తత్ప్రమాణైర్మహాసురైః

॥47॥

శ్లోక 49

శక్త్యా జఘాన కౌమారీ వారాహీ చ తథాసినా ।

మాహేశ్వరీ త్రిశూలేన రక్తబీజం మహాసురమ్

॥48॥

శ్లోక 50

స చాపి గదయా దైత్యః సర్వా ఏవాహనత్ పృథక్ ।

మాతౄః కోపసమావిష్టో రక్తబీజో మహాసురః

॥49॥

శ్లోక 51

తస్యాహతస్య బహుధా శక్తిశూలాది భిర్భువిః ।

పపాత యో వై రక్తౌఘస్తేనాసఞ్చతశోఽసురాః

॥50॥

శ్లోక 52

తైశ్చాసురాసృక్సమ్భూతైరసురైః సకలం జగత్ ।

వ్యాప్తమాసీత్తతో దేవా భయమాజగ్మురుత్తమమ్

॥51॥

శ్లోక 53

తాన్ విషణ్ణా న్ సురాన్ దృష్ట్వా చణ్డికా ప్రాహసత్వరమ్ ।

ఉవాచ కాలీం చాముణ్డే విస్తీర్ణం వదనం కురు

॥52॥

శ్లోక 54

మచ్ఛస్త్రపాతసమ్భూతాన్ రక్తబిన్దూన్ మహాసురాన్ ।

రక్తబిన్దోః ప్రతీచ్ఛ త్వం వక్త్రేణానేన వేగినా

॥53॥

శ్లోక 55

భక్షయన్తీ చర రణో తదుత్పన్నాన్మహాసురాన్ ।

ఏవమేష క్షయం దైత్యః క్షేణ రక్తో గమిష్యతి

॥54॥

శ్లోక 56

భక్ష్య మాణా స్త్వయా చోగ్రా న చోత్పత్స్యన్తి చాపరే ।

ఇత్యుక్త్వా తాం తతో దేవీ శూలేనాభిజఘాన తమ్

॥55॥

శ్లోక 57

ముఖేన కాలీ జగృహే రక్తబీజస్య శోణితమ్ ।

తతోఽసావాజఘానాథ గదయా తత్ర చణ్డికాం

॥56॥

శ్లోక 58

న చాస్యా వేదనాం చక్రే గదాపాతోఽల్పికామపి ।

తస్యాహతస్య దేహాత్తు బహు సుస్రావ శోణితమ్

॥57॥

శ్లోక 59

యతస్తతస్తద్వక్త్రేణ చాముణ్డా సమ్ప్రతీచ్ఛతి ।

ముఖే సముద్గతా యేఽస్యా రక్తపాతాన్మహాసురాః

॥58॥

శ్లోక 60

తాంశ్చఖాదాథ చాముణ్డా పపౌ తస్య చ శోణితమ్

॥59॥

శ్లోక 61

దేవీ శూలేన వజ్రేణ బాణైరసిభిర్ ఋష్టిభిః ।

జఘాన రక్తబీజం తం చాముణ్డా పీత శోణితమ్

॥60॥

శ్లోక 62

స పపాత మహీపృష్ఠే శస్త్రసఙ్ఘసమాహతః ।

నీరక్తశ్చ మహీపాల రక్తబీజో మహాసురః

॥61॥

శ్లోక 63

తతస్తే హర్ష మతులం అవాపుస్త్రిదశా నృప ।

తేషాం మాతృగణో జాతో ననర్తాసృంఙ్గమదోద్ధతః

॥62॥

శ్లోక 64

॥ స్వస్తి శ్రీ మార్కణ్డేయ పురాణే సావర్నికే మన్వన్తరే దేవి మహత్మ్యే రక్తబీజవధోనామ అష్టమోధ్యాయ సమాప్తమ్ ॥

ఆహుతి

ఓం జయన్తీ సాఙ్గాయై సశక్తికాయై సపరివారాయై సవాహనాయై రక్తాక్ష్యై అష్టమాతృ సహితాయై మహాహుతిం సమర్పయామి నమః స్వాహా ॥